تويت
* متميز * سلطة الشمندر (البنجر )لعيون الحلوين وبس
السلام عليكم ورحمة الله وبركاته
كيفكم حبيباتي وشو اخباركم
مبارح زوجي لقالي شمندر بعد عناء 4 سنوات من البحث والتنقيب عنو وما صدقت لما فات بالباب ومعو الشوندر
خلال ساعة كنت سالقة حبتين لاني مشتهية عليه كتير كسلطة وشوندر مسلوق لوحدو ووعدت الغاليات ام ليانة ورغود اني نزل السلطة هون بالركن
وهلق رح قدملكم هالسلطة الطيبة كتير
المكونات
حبة بطاطا
حبة شوندر
حبة بندورة
نصف كوب بقدونس مفروم
بصل اخضر
ثوم مهروس
حمض ليمونة - ملح - نصف ملعقة صغيرة كمون - ملعقة نعناع يابس - ملعقة فليفلة حمراء
الطريقة
تسلق كل من حبة البطاطا وحبة الشوند ع حدا
تقطع البندورة الشوندر والبطاطا مكعبات صغيرة وبنفس الحجم
يفرم البصل والبقدونس ناعم
وتخلط المقادير جيدا وتقدم
منظرها كتير رائع وانتي ما تاكلي ما بتعرفي حبة البطاطا من حبة البندورة من الشوندر لاني كلها بتتصبغ بلون الشوندر السحري الجميل
شوفو الحلاوة
والي بتحب تتعرف على فوائد الشوندر تدخل موضوع الاخت الغالية الفالحة الموجود على الرابط التالي
وبالعافية ع قلوبكم يا عسلات
تعليق