كل مايتم تثليجه لرمضان وبالصـور اكيـد من مطبخ ام بدوري...

السلام عليكم



شفت مواضيع كثـيره وناس كثـيره ماتعرف تجمد اطبـاق لرمضان
فقلت ابطل لي كم موضوع عسا الله ينفعكم وماتنسونا من دعاويكم
وحتى يكون لنا وقت كثـير في رمضان لنستغله للعبـاده
وعسا الله ان يعيننا على صيام رمضان وقيامه
انا جمدت طبخات كثـيره من مقبلات ومعجبات واطبـاق رئيسيه وحلويات
وصفيتهم في مواعين قصديـر بعد ماجمدتهم
ومن هالاطبـاق اللي جمدتها
الكبـه
بكل انواعها لان امي مريضه الله يشافيها وممنوع عليها دخول المطبخ
اسأل الله ان يشافيها وامانه تدعون لامي
ومع اني في مسكن مستقل لكن الكل مايعرف يسوي كبه او اي شي وانا اللي مبتليه
الله كريـم
قلتلكم قصة حياتـي
هذا بعض اللي سويته
وكل شي بحطه بالقسم اللي يليق به وعندي غيـر هذا الكـثـير الكثـير
وطلعت كم حبـه وقليتها عشان تشوفونها

سويت كبـة برغل وعندي موضوع في هالقسم يخصها
ومقاديـرها
كيلو برغل مغسول عليه كوب ماء دافيء ينقع بعد غسله لمدة 3 ساعات
وبعدها نضيف لها بهارات بدون كركم طبعا
ونحشيها عادي
واهي طريقة مشرفتنا وعود الخيـر
وسويت كبـة رز وهي طريقة مشرفتنا طيـف
ولها موضوع في هذا القسـم
2بطاط مسلوق جيدا
وكوب رز مسلوق
و3 ملاعق طحيـن
و3 ملاعق نشا
ونحشيها باللحم
وسويت كبـه حلبيـه يالله حلـوه ولذيـذه هالكبـه وهذي طريقتي
3اكواب رز مسلوق ويضاف لماء السلق زعفران
وحبتين بطاط مسلوق جيدا
نضيف لهم بهارات وكركم وكمون وفلفل اسـود وملح
ونضيف لهم بيضه وحده
ونفرمهم بالمفرمه فرمتين
ونحشيها بالحشوه
انا حشيتها باللحم المفروم
وبعضها بالدجاج واللي تبي حشوة الدجاج تقولي
وسويت كروكيت بطاط بالدجاج والجبن
واللي تبي طريقته ايضا تقولي
وسويت سمبوسه وحشيتها بحشوات متعدده
شوي حشيتهم بالدجاج بالثوم
وطريقته:
دجاج مسحب+زيت زيتون+ثوم جاهز+ملح+روب+مايونيـز+سماق+بقدونس+جزر+فلفل اسـود
وحشيت بعضهم بحبن الموزريلا والشيدر
وبعضهم بالجبن الابيض مع النعناع والبقدونس
وبعضهم بحشوة دجاج ثانيه
وبعضهم بحشوة خضار
وبعضهم بحشوة لحم
اللي تبي كل الطرق والمقاديـر تقولي
عشان مااحط الموضوع وماالاقي له الاهتمام اللي اتمناه