>>>في ضيافة ماما حميدة<<<

**نسائم - الرحمه** · 13-10-2006, 09:24 PM

وااااااااااااااو ماما حميده عزمانا

يا حظنا

فى انتظارك ماما حميده

**ماماحميدة** · 13-10-2006, 10:08 PM

طلو حبابنا طلوا
نسم ياهوا بلادي وبين ربوعنا حلوا ضحكت زهراتي الوادي
يامليون مرحبا بمن ليى الدعوة
بتنوروا وياريت العزيمة على ارض الواقع وشوفكن ببيتى وتجمعنا سفرة
رمضان كان شرف كبير الي ,,والحمد لله على نعمة التواصل
ولوعبر النت ,نعمة كبيرة اتعرف على صبايا حبهم ويحبونا لله

وهلق مابتاخر عليكم تفضلوا واعتبروا البيت
بيتكم,,قصدي موضوعكن
وميت اهلن وسهلن

**ماماحميدة** · 13-10-2006, 10:45 PM

منوريين ياصبايا

وهي العصاير وتوابعها من تمر وزبيب

للامانه حفيدتى سهو منها ماصورت العصير اضطريت انقلهم

لانه اساس السفرة وكان موجود الجلاب والسوس

ماركزت على الصورة كانت صايمة وبدها تفطر

طريقة الجلاب

لتحضير ابريق كبير

كوب دبس العتب

كوب سكر مبخر

10 كبايات ماء

الطريقة نحضر وعاء معدن سنتلس وومبخره فيها نارة وبخور ونقلب الطنجرة فوقهم
ربع ساعة لتعرق الطنجرة من الداخل وبعدها نضع السكر والماء والدبس
وندوبهم جيدا ويكون الجلاب جاهز

قبل التقديم
نحضر اكواب فيها لوز وصنوبر وزبيب طبعا مننقعهم قبل بوقت ونزيد تلج قطع صغيرة
او مكسر ناعم ,,ومشروب الهنا والعافيه

تحضير السوس

في نوعين الناشف بحضر كوب ناشف وبرع ملعقة زغير او اقل كربونات سودا
ونبلهم بالمي بفوطة شفافة خاصة بالسوس وقبل المغرب بنص ساعة
نضع الفوطة الي فيها لسوس بمصفاة وفوقهم تلجة ونزيد الماء قدر قنينتين مااكتر
ونكرالطريقة اكتر من تلات مرات نفس السووس نفرغة ونعيد تمريرة فوق السوس
لنحصل على سوس فاخر وله طعم شهي وممكن اضافة ماء الورد او العطرة الخاصة بالسوس
من عند العطار ,,وبالصحة والعافييه

اما عصير القمر الدين
هو العصير المفضل عندي
نص كيلوا قمر الدين بكيه مقاس صغير
تنقع قبل بيوم بابريق كبير وتدوب تاني ويم وتصفى ويضاف اليها كوب سكر
وتزيد ماء ليكون سماتكتها متل اللبن الخفيف وتزيين الاكواب
بالصنوبر المنقوع جربوه وادعولي

وياريت صورتلكم العصائر غلطت الشاطر بالف
خيرها بغيرها الي عندها صور للقمر الدين
تلحقني بصورة والجلاب والتمر
شوهيدا شي فاشل نسيت اهم خطوة

وجزاكن الله كل الخير

يتبع

**الامل الجميل** · 13-10-2006, 11:07 PM

لك انا عم قول هل الريحه الطصبه من وينننننننننننننننننن
لك اهلا بريحة البلاد ريحة الحبايب
هلا ويمت هلا بالغاليه ماما حميده

اتحفينا بسفرتك
وبعدين معليش من اولتها اسائله دبس العنب هو نفسه الي منحطه مع الطحينه يعني دبس الخروب يههههههههه شو دخل الخروب بالعنب ؟؟؟؟؟؟؟؟؟؟؟
على كل متابعه معك ما كن بدي اقطع التسلسل بس ما قدرت ما ادخل

**ماماحميدة** · 13-10-2006, 11:23 PM

خطوة خطوة من المطبخ للسفرة شو رائيكم

تعالوا المطبخ انتوا ماعرب من اهل البيت

هون ببيت بنتي اضطريت استضيفكم عندها البيت اوسع قدمت بيتها وبتقلكن
مليون اهلا وسهلا فيكن

العدس بحامض
المكونات

كوب ونص عدس
مسلوق جيدا

هك كوسا مكعبات
تلات بصلات مفرومة
راس توم مدقوق
2 ليمونه حامض او اكتر حسب المذاق
نعنع يابس
فلفل + كمون + ملح
زيت زيتون يضاف بعد الاستواء يعطي نكهة خاصة

تقلي البصل ليصبح دهبي ونزيد الكزسا ويقلب خمس دقايق
ونضيفهم للعدس المطبوخ ونزيد الحامض والتوم المقلي
والنعنع والكمون والبهارات ونذوب ربع كوب دقيق
ونزيده على العدس بحامض وربع ساعة
والطبق جاهز الف صحة وعافيه

القرنبيط على نار هادئه وبحضر حده طرطور

الطرطور

نص كوب طحينة السمسم
قليل من الماء لتخفيف الطينة
حامضة كبيرة
توم مدقوق
ويخلطوا جيدا وعلى وجهم
بقدونس ناعم

وهلق الرز الاسباني مع القريدس (الجمبري)

قريدس حسب الطلب ليغطي وج الطنجرة

600غرام قطع شيش طاووق بدون تتبيل
كوبين رز بسمتي
نص حبة فلفل احمر
حبتني بندورة مقطعة
نص كوب لوبيا مقط
نص كوب بزيلا
ملعقة بقدونس ناعم
فلفل
ورق غار
جوزة الطيب ان وجد
حب هال ناعم
زيت اوسمن للقلي

تقلي البصل ليشقر ونضيف قطع الدجاج ونضيف البندورة والفلفل الاحمر المقطع
ونغطي الطنجرة ليستوي الخليط,,نزيد ماء حسب الطلب

ان القريدس بقشرة منضفة جديا بالمطيبات والبهات ونغسلة جديا بالخل
ونغيد غسله بتصبح ريحته رووعة
ونقشرة ومنسحب الخيط الاسود الي بالقريدس
الخطوة التانيه القشر بغلي عشر دقايق مع ورقة الغار وجوز الطيب والفلفل
ونضيف ماء القريدس على الرز مكان الماء العادي
بيطلع طعمة الذ واشهي
وبعد ان نضيف الرز قبل ب 10 دقايق وقل النضج بعشر دقايق نضع القريدس على الوج ليصبح لونه احمر بيكون صار جاهز ,,,ونطفي النار ونترك الرز يهبل وقلب السكب نترك القريس بدون تحريك ونحطةعلى جنب
لتزيين الطبق للسفرة

وهي شكل جاط الرز مع القريدس

واي استفسار انا جاهزة

**رضوانة** · 13-10-2006, 11:26 PM

مشروبات لذيذة جريتو ريقنا حتى لو مجربنهاش قبل كدة لكنها لذيذة من طريقة عرضك الشيقة .
اقول لكم على طريقة مشروب عندنا فى مصر اسمه الدوم :
ينقع ربع او ثمن كيلو من مجروش الدوم - و هذا يباع عند العطارين الذين يبيعوا خامات المشروبات ـ
ثم يصفى جيدا بقطعة قماش خفيف ثم يحلى بالسكر ويقدم بارد.
وبالهنا و الشفا.

**ماماحميدة** · 14-10-2006, 12:23 AM

حبيبتي اموله

اوعى دبس العتب غير بالمرة من عصير العنب
انا بااشتريه من لبنان ابني حبيب قلبه الجلاب
علمته هو صتر بيحضرة قبع لي حجار
واخد سر المهنه هالطريقة تعلمتها من خبير اشتغل
عند العنتبلي وهو كان يحضر الجلاب لفترة كبيرة
واخته كانت زميلتي وعطتني الوصفة السبشل
ومابتكتر عليكم بالهنا والعافيه

وهلق طبق الكوسا باللبن

الطريقة

المقادير

كيلو ونص لبن
ربع كوب نشاء
2 كوب ماء
توم
نعنع يابس

كيلو ونص كوسا حبة زغيرة
300 غرام لحمة
كوب رز مصري
فلفل
ملح
شوية زيت للحشوة

الكوسا يحشي بالطريقة العاديه رز ولحمة وبصلة زغنطوطة وفلفل وقرفة
ويحشى وممكن يسلق نص ساعة على نار خفيفة ومع شوية ماء

الطريقة التانييه بنزل الكوسا اول مايغلي اللبن بده تلات ساعات علىنار هادئة جدا

طريقة غلي اللبن الزبادي ,,ندوب ربع كوب نشا وندوب اللبن ونزيده ماء لكل كيلوالبن نص مقدار ماء
ومنرفعه على النار ونحرك بنفس الاتجاه الى ان يبدا بالغليان ونوقف الحرك وننزل الكوسا
وننتبه ما يلزق بان نحرك الطنجرة كل نصمن فترة لفترة واخرخطوة
التوم المدقوق والنعنع اليابس

فرايج بالفرن مشوية

مااخدت الهم صورة الا مع السفرة

الخضار بواعاء البخار عشر دقايق بالميكرويف

الخضراء جاهزة بعد ماقليتها بشوية زبدة

بطاطا بورييه

سهلة كتير معظمكن بيحضرها

الطريقة للجدد بالطبيخ

ست حبات بطاطا كبيرة تقشر وتقطع مكعنات لتنضج جيدا

بحطها بالخفاق او بمضب يدوي وبزيد عليها حليب
(لبن) بالمصري وقطعه زبده قدر ملعقة كبيره
وملح وبخفقهم جيدا وبدخلهم الميكرويف عشر دقايق

وتقدم مع الرز بلحم والدجاج المشوي
مع الخضار الي سبق ذكرتها

الان المعجنات

رقاق البقلاوةباكييه في 30 رقاقة

بلحضر حشوة لحمة مقليه وبصل وصنوبر

وقسم بحشيه خضرةولحمة نفس التطبيقة بزيد على قسم منها جزر وملفوف ولوبيا وبصلة
وبدبلهم شوي وبزيدهم سوا للتغيير وممكن تنحشي جبنه وسبانخ لكن هالفترة
مفقود السابنخ من الاسواق لان في مرض (ايكولاي) اصاب الجرثومة السبانخ
فاخفوه من الاسواق والحذر واجب مابعرف ان بس ببلادنا بصراحة

هيك منخبركن الله يلطف مافي الا امراض مستورده من الغرب

سبرينغ روول

المحشي خضار
جزر + ملفو+ لوبيا مفرومة رقيقة بالطول ومكعب ماجي بصل
بدبلهم شوي ومابسويهم وبحشي الرقاق بالعادي بقليهم
هالمرة اصروا اعملهم بالفرن طلعوا ناشفين

وختامها مسكك

لي عودة انطروا الدزورت والتحليه

**Hamsat Eshog** · 14-10-2006, 12:26 AM

ماشاء الله عليج اختي ماما حميدة..
أطباق رائعة,, وفي انتظار الباقي..

وعساها سفرة دايمة..

**ماماحميدة** · 14-10-2006, 12:38 AM

وتفضلوا هلق السفرة جهزت والاكل على قد المحبه
هيك بيقولوا عنا بلبنان

ميت اهلن وسهلن بمن زارنا اطيب وارق صبايا
مابدي وصيكم اعتبروا حالكم ببيتكم

الصورة بعيده شوية

ومابنسى قدم كلمة شكر للامل الجميل الي ساعدتني رغم المسافات
وكن مغلبه بدي زبط الصور هي قامت بالمهمة ياااارب
عقبال ساعدها بفرحتها بالمولود ولوعبر النت

وبحضرلكم المغالي اللبناني يوم تولد اموله
من شغل ايديا اتفقنا حضري حالك اموولتي

الحلويات عادتا بناتي بيحضرواها

الكيك بالانناس

البسبوسة بجوز الهند

شغل بنتي الله يعطيهاالعافيه
على رواق ببعتلكم طريقتها قرب المغرب
عنا فسمحولي اليوم ملحوقة

صيننيه الكلاج بجبنة الريكوتا هي اختراعي

وشغلي طبعا

وطبق الفاكهة ملك السفرا برمضان
شغل بنوتتي الاكبر الي دعيتنى عندها بالبيت

واتصوير من حفيدتى الله يرضى عليها باشراف صهري
ابو الهمم كل شوي قله تعالي بدنا نصور سمح
لبنته تكمل تصوير وهلق بالف الف صحة
وعافيه وكل رمضان وانتوا سالمين

**النظرة الواعية** · 14-10-2006, 01:04 AM

ما شاء الله عامر ان شاء الله يارب و تسلم هالايدين

**ام علي الامور** · 14-10-2006, 01:33 AM

سفرة دايمة ان شاء الله
ربي يحفظلك بناتك واحفادك

**جباليه** · 14-10-2006, 01:40 AM

ماشاء الله عليك يا ماما حميدة

سفر حلوا وربي يخليهوملك

ورمضان كريك

**om ayoub** · 14-10-2006, 01:51 AM

ماشاء الله ... سفرة دايما اختى و الله يخلى لك بناتك و كل احبابك يارب

**نسائم - الرحمه** · 14-10-2006, 02:38 AM

واااااااااااااااااااااااااااااااااااااااااااا او تسلم ايدك ماما حميده

الاكل شكله رائع ويفتح النفس

وربى يخليلك بناتك يا قمر

>>>في ضيافة ماما حميدة<<<

>>>في ضيافة ماما حميدة<<<

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق