تويت
الصفيحة الارمينية من مطبخ FEFE.1لاحلى توتو
السلام عليكم
احبتي امبارح يعني من يوم مضى اتشرفت باستضافة احلى وردتين
ام انس - تغريد 2007
وام محمد - مشرفة ركن التعارف
الله يبارك فيهن
وكانت فرحتي كبيرة بستضافتهم لافطار متواضع وتحلية بسيطة
ويارب يكون عجبهم والف صحة وهنا
ومن ضمن الافطار الصفيحة الارمنية
ولان توتو الغالية طلبت مني تنزلها للصبايا
غالية والطلب رخيص
نبتدي المشوار
الصفيحة الارمنية
مكونات العجينة
كيلو دقيق لجميع الاستعمالات - وللتعديل مني بدلت الربع بدقيق قمح
ستة ملاعق كبيرة حليب بودرة -
ملعقة ملح
ملعقتين سكر
ملعقتين خميرة فورية
كاس زيت نباتي
ماء حسب الحاجة
ونجنها كويس تكون طرية دون ما تلتصق باليد
بها الشكل
ونتركها تخمر وتكون بها الشكل
واحنا بفترة ما تخمر نحضر الحشوة
نحتاج لحمة ناعمة - كفتة
حبتين بصل - فصين ثوم - بقدونس - بندورة بنضيف عليها ماء مغلي وتترك دقائق وتقشر
فلفل حار - فليفلة خضراء
ملح - ملعقة صغيرة كبش قرنفل او المسمار مطحون ناعم - ملعقتين رب البندورة - ملعقة شطة اختياري - ملعقة كبيرة ورق العصفر يفرك باليد
نستطيع طحن الخضراوات على الفود بروسيسر لانا نحتاجها ناعمة ما عدا البندورة بعد تقشيرها تقطع باليد تقطيع ناعم
بالوصفة الاصلية تقطع جميع الخضار باليد ناعم - يا طولة البال
وبعد طحن الخضار ناعم تصفى جيدا
ونخلط اللحمة مع الخضارويضاف الملح والبهارات المذكورة
وهيك الحشوة جهزت
تقطع العجينة بعد الاختمار كرات صغيرة يعني اكبر من حبة الجوز بشوي ونتركا ترتاح دقائق لنبدا الرق
نرقها رفيعة لكن مش لدرجة تتمزع باستخدام الدقيق
ونمد عليها ملعقة كبيرة من الحشوة وما نكتر لان الحشوة حتكون رفيعة فوق العجينة
نمد الحشوة من المنتصف للاطراف وبترك اول الاطراف بدون حشوة للتحمير
نصف الصفيحة عاى الصواني وما نحتاج لاي زيت
حندخلها فرن حامي حتى تحمر من القاع والاطراف طبعا ما هي رفيعة مع المراقبة ويحمر الوجه قليلا
وان حطيتيها بالفرن وتركتيها بدقيقتين ريحة الحرق ترجعك
بالنسبة لي اشتغل بصنيتين اجهز الاولى واحطها بالفرن واشتغل بالتانية بتكون الصنية الاولى جهزت وتحمرت
وبدها شوية سرعة
تخرج الصفيحة من الفرن يابسة ومقحمشة لانها ساخنة وبعد ما تبرد تتطرى من النصف والاطراف تضل ماسكة شوي وبهاي لزتها
وصحة وهنا
تعليق