**وصفة متميزة**فطاير السبانخ وركن التسمين يجمعنا
فطائر السبانخ :
مقادير عجينتي المعتمدة :
5 كاسات طحين بتضيفي عليهم معلقتين كبار سكر معلقة شاي ملح وظرف خميرة فورية
بتخلطيهم خلطة سريعة وبتضيفي عليهم
4\3 كاسة زيت نباتي وكاسة ونص ماء أكتر من دافي يعني اغلي المي وحطي بالكاسة نص مغلي ونص من الحنفية وضيفي المي بالتدريج طبعا كالعادة اذا حسيتي العجينة رخوة زيدي شوي طحين وإذا حسيتيها ناشفة شوية مي
المهم ادعكيها العجينة رح تكون ناعمة ومطاطية نوعا ما بس ما بتلزق اتركيها ساعة لتخمر واشتغلي فيها
مقادير الحشو :
حزمتين سبانخ مقطعة صغيرة
بصلة مقطعة مكعبات صغيرة
فنجان قهوة دبس رمان
ملقتين كبار عصير ليمون
ملعقتين او ثلاثة كبار حب رمان طازج او مجفف انا استعملت المجفف لانو ما عندي الطازج
ملح فلفل حسب الرغبة وملعقتين كبار سماق
ملعقة صغيرة شطة رح تعطي طعمة خيالية
زيت زيتون حوالي فنجان قهوة
اخلطي المقادير جيدا واتركيها على جنب حوالي النص ساعة لحتى تذبل وتختلط المقادير (لا نطبخها لنحافظ على فوائد السبانخ )
بعد نص ساعة نرى انها نزلت مي نضعها بمصفاه كمان عشر دقايق وتحت المصفاة واعاء لا ترمي المرق كتير طيب لتغمسي فيه الفطايرر
مدي العجين وقطعي بالقطاعة الدائرية واحشيه واقفليه على شكل مثلث وصفيهم بصينية مدهونة زيت
ادهني وجهم ببيضة مخفوقة للتلميع ودخليهم الفرن على حرارة متوسطة حوالي 180 واتركيهم حتى يصير لونهم دهبي
بعدها خرجيهم واتركيهم خمس دقايق يهدو وارفعيهم برفق وغيهم بقماش حتى يبقو طريين
قدميهم اوفرزيهم بعد ما يبردو تماما والوقت يلي بتحبي طلعيهم وسخنيهم بالفرن
اترككم مع الصور
الحشوة
انا خشنت البصلة لاني بحب طعمتها واضحة بس انتي حسب رغبتك
وهي لما نضجو واستوو وبردو
هي لما بديت اكل منهم مع المرق تيعهم اتذكرت صورهم صدقوني مرقتهم اطيب منهم
أتمنى انها تكون عجبتكم
رمضان كريم
تعليق