مشاركة الاخت الطائر الازرق3 بالسفره الرمضانيه

**zahrat almadain** · 13-10-2010, 09:16 PM

وتوا بنوريكم سفرة فطورى واللى كانت متكونة من رز بالخلطة وبورديم دجاج (ياودى هى ماهى دجاجة شكلها ديناصور من الكبر فى الحجم هههههه) لكن طعمها مانحكيلكمش صنة وبنة وامهبزة ادوب فى الفم
وبوريك بالدحى وشربة وثلاث سلطات

وهذه صورة من جهة ثانية

وهذا بورديم الدجاج

وهذه طريقة البورديم بعد ما تنظفى الدجاجة كويس من الداخل ومن الخارج تتبل بخلطة متكونة من ملح وفلفل اسود ورشة زنجبيل وزيها قرفة وعصير ليمون وشوية خل وبصل جوانح كمية لاباس بيها وزعتر ضرورى منه وتدخلى داخل الدجاجة من هده الخلطةوتخليها مدة تتشرب توابلهاوانى هنى حشيت الدجاجة برز ناقص شوية طياب وسكرت عليها بعودان الاسنان وكان الفرن امتاع الطين اللى يطيبوا فيه خبزة الفرن محمى او واتى وفيه جمر يعنى النار تكون هادئة جدا وتكونى حاطةشباك مرتفع تحطى عليه الدجاجة وتغطى الفرن بصفرة تكون معدن ولازم تلاحظى ان مافيش بخار يطلع من الفرن بحيث يطيب اللحم بالصهد امتاع الجمر وماتفتحيش عليه بكل الابعد ساعة اقل حاجة وبعدين نحى المغطا وارفعى الدجاجة بالراحة لانك حتلقيها مهبزة وكولى بالصحة والعافية وبصدق طعم وريحة ولا فى الاحلام هى صح تبى عرس امطنطن لكن اول ماتحطى منها فى فمك تنسى

والحلو كان كنافة بطريقة ميمي 28 الله يذكرها بالخير وين ماكانت

وسلامى للكل

......................................

وبنوريكم سفرة فطورى امس

وهذه سفرة اليوم وكانت شربة عدس وكنتاكى وكرات التونة وبيتسا وكبة التوست وشورما و قوالب الباف بالدجاج والجبن وملوخية من ايدين حماتى العزيزة

صورة ثانية جانبية

والحلو كان كيكة الشوكولا

سلامى للجميع

مشاركة الاخت الطائر الازرق3 بالسفره الرمضانيه

مشاركة الاخت الطائر الازرق3 بالسفره الرمضانيه

تعليق