مشاركة حبيبة زوجها بالسفره الرمضانيه

**zahrat almadain** · 13-10-2010, 09:31 PM

امس فطورنا
خبز الرقاق ملفوف بالكفتة المشوية

هدا طبق الشربة
شوربة الكريمة بالدجاج بسيطة والطعم طيب جدا

ودرت خبز الرقاق الليبى

ودرت سلطة مشوية بطماطم وفلف رمى احمر وتومة مع زيت الزيتون

وبالنسبة لسلاطة الفلف الاحمر
عادية اشوى الطماطم والفلفل الاحمر الحلو وشوية تومة
وزى السلاطة المشوية غير ديريهم بالموس قطعيهم طريفات والتومة ارحيها رحى وخلطيهم مع ملح وفلفل اسود وزيت زيتون وبس ماديرلهمش لاكروية ولااى بهار تانى بش تعطيك طعمة صح

والحلو
ودرت بقلاوة تركية مشكلة كمية صغيرة سبق وانى نزلتها فى ركن الحلويات

....................................

**zahrat almadain** · 13-10-2010, 09:53 PM

هده سفرتى اليومين الى فاتو ماخشيتش انشغلت

درت البيتسا

ودرت البيتسا الملفوفة

ودرت ا لفطاير بالحم المفروم

وسلطة بابا غنوج بالزبادى ونقصت الطحينة تكون اخف وافضل

والحلو درت حاجة جديدة ايمها الكبوس وهى كلمة قديمة معناها الطاقية تهبل يابنات

حلى الكبوس (الطاقية)
المقادير
1 بيضة *2ملاعق زبادى سادة او حليب والزبادى افضل*1ملعقة زيت*1ملعقة صغيرونة كربونان الومنياكا يعنى
2 كوب ناقص ملعقة دقيق
الشربات 2 كوب سكر
2كوب ماء
ربع كوب ماء زهر
الطريقة بعدما تعجنى وتجهزى زى ما فى الصور الطريقة اقليه فى الزيت
انى مرات اندير فيه فى الفرن حتى هو جونااااااااان

بالله تدعولى يابنات رهو الحلو طعمته اتهبل بس ديروه رقيق مش غليظة لما تطرحوها العجينة

ودرت الفطاير

.......................................

هدا فطورنا ل
لااحد الايام الماضية هههه والله مامتفكرة اما يوم بالظبط
درت شربة اكيد وكالونى
ودرت كفتة الباشا
وخبيزات محشية و
ولفايف السفيحة
سماحونى التصوير مش باين هلبا لانه من الموبايل
معادا صورة الحلو من الكام
نتركم مع الصور

كفتة حسن باشا
http://www.rjeem.com/forum/t85728.html

والحلو درت كب كيك محشى بالتمر والشوكولاتة

وبعض من الكب كيك درتله شوكولاتة بس من غير كريمة وفاكهة

**zahrat almadain** · 13-10-2010, 09:59 PM

هده سفرتنا

اليوم فطورنا كان شوربة الليبية

و سلاطة متبل البادنجان بس خفيفة وصحية جدا
وبوريك باللحم المفروم
ونخليكم مع الصور

ودرت المسخن الفلسطينى بالدجاج واللوز و اول مرة اعمله طعمته جناااااااان ماشا ءالله

وهدا طريقة المسخن الفلسطينى بايدى
http://www.rjeem.com/forum/t85764.html

...................................

اليوم فطورنا بسيط الجو سخون مافيش نية للماكلة غير العطش تعبنا
شربةعدس
كبسة باللحم على البخار تهبل

الكبسة الليبية
هو زى الكبسة السعودية غر على البخار
المقادير***رز مصرى البسمتى مايمشيش حاله يتكسر
شبت ومعدنوس شوووية بصل عادى مادريرش بصل اخضر بازيليا اوفاصوليا خضرا مقطعة طريفات صغار
شوية طماطم حكة ملح وزيت بزار وفلفل احمر
فلفل اخضر وطماطم اخضر امقرض وحمص مقسوم نصين مش كامل
لحم خلطى كل المقادير وخليها على الكسكاس تقريبا 40 دقيقة وصحة وعافية
انخليك مع الصور توضحلك

وهدا الحلو انشوق فيكم بش اتطبقوه راهو بااارد ومنعش وسااهل

وسلاطة جرجير ودرت فريكاسى

والحلو درت حلى الطبقات نوعين بالشوكولاتة وبالكيوى

ودرت مينى تشيز كيك حتى هو بالشكولاتة

**zahrat almadain** · 13-10-2010, 10:26 PM

اليوم فطورنا اول مرة بنوتى اديرحويجات لكن حرقتها شوووية هههه دارت بوريك بالحم المفروم والسلك فى الطاوة
ودرت الشربة الليبية طبعا

والكباب معاه شووووية برغل يعطيه طراوة

ودرت ظروف البيتسا المقلية تهبل

وهده عن قرب شوفو الجبنة سايحة ماشية ابصر وين

وسليطة جرجير وجزر خفيفة
ودارت بنوتى بيتسا لكن جت قنينة الحمد لله

والحلو باقى من امس تشيز كيك

....................................

السلام علكم
اطباق من فطورنا الايام الماضية
بادنجان محشى بالطريقة التركية

وبيتزاء

وفطاير محشة بالاجبنة اطرافها عبيتها سمسم

وهده مجموعة من حلواتى الى درتها فى رمظان واكيد تنفع للعيد وكل سنة وانتو طيبين
الدبلة

والفيونكة

الوريدات سبق ونزلتهم فى لك

وحلى الدويرة المعسلة نفس عجينة الشيش الى نزلتها فى لك حتى هى غر التشكيلة تختلف شوية

محلبية ايرانية بالزعفران

**zahrat almadain** · 13-10-2010, 11:05 PM

السلام عليكم
فطورنا اليوم

الشنكارى سمبوسة هندية

همبرغر محشية ولفايف الكباب شفتهم عن الغالية كيتى ودرتهم الشكر ليها وللحبيبة ماما الاء ربى يحفظهم

مينى مانتى باللحم المفروم

شربة عدس

وهده السلطة

وكفتة التن والبطاطا بفيونكات المكرونة

والحلو كان فاضل من الدبلة والفيونكان

..........................................

حبيباتى هده اطباقى لفطور من الايام الى فتت والله مامدكرة اما يوم بالظبط
ندى عزومة رجالة ونساوين صورتلكم من الجهتين مع مراعاة ان اطباق النساء قليلة الدسم حتى السلطة خفيفة من غير زيوت او صوص
هدا ارز فى القالب وسبق ونزلته فى المنتدى

بس الطاجين اكبر

وهده السمبوسة الهندية محشية بالبازيليا والدجاج

درت منها شكلين

وهده سلاطة النساء خفيفة لرجيم

وهده خبيزات المحشية بالتن

وهده سلاطة الرجال تامة

وهدا طاجين اللحم والزيتون

وهده الخبزة الحلزونية محشية باللحم المفروم

وهدا الحلو كيكة البارح كيكة الجالكسى بكريم كراميل الباردة

مشاركة حبيبة زوجها بالسفره الرمضانيه

مشاركة حبيبة زوجها بالسفره الرمضانيه

تعليق

تعليق

تعليق

تعليق

تعليق