ملف متميز السفرة الرمضانية لشهر رمضان يوميا و لجميع الأطباق

**جنـ أم ــى** · 03-09-2009, 02:36 AM

هذا فطور اليوم من غير الشربه والسلاطه مصورتهمش
بوريك بورق القلاش
وبيتسا ملفوفه
امبطن كرنب
طاجين جبن

وهادوا من فطور امس

هذا دجاج الكنتاكي

هذا طاجين هامبرجر

**kittygago** · 03-09-2009, 02:42 AM

المشاركة الأصلية بواسطة ليبيا قلبى

ماشاء الله على الصفره
تسلم ايدك

الله يسلمك يا حبيبة و بارك الله فيك

المشاركة الأصلية بواسطة هناء&خالد

السلام عليكم يابنات وصحه فطوركم وشنو أخباركم اليوم أن شاء الله بخير

كيف حالك يا هنو شن أخبارك .... صحة فطورك و صحة سحورك

المشاركة الأصلية بواسطة ابريكه

كيتي
ما تشوف اقهار

اتعيش عمرها عز وهنا وافخار

عيون الغوالي

صح يدياتك ويعطيك الصحه
ونبي نعرف شن هي كرويه البطاطا

سلمهاااااااااااااااااااااااااااااااا يا ربي على الشعر الحلو

يا حليلي من العسل اللي ينقط منك يطلع الشعر الحلو يا حبيبة

بالنسبة لكروكيه البطاطا

تسلقي بطاطا كبيرة الحجم و تهرسيها كويس و تحطي عليها شبنة تشدير و صفار بيضتين و ربع كوب حليب و نصف كوب دقيق و ربع ملعقة بيكنج باودر و ملح و فلفل اسود و خبزة مرحية
و اضيفي عليهم اعشاب مثل الزعتر او الأوريجانو

و لو تحبي تزيدي للخلطة تن و فلفل أخضر و اعجني العجينة و شكليها صوابع و الا كراكيب و حطيها في الثلاجة حتى نص ساعة و بعدها حطيها في البيض و الخبزة المرحية و اقليها و بالهنا يا حبيبة

المشاركة الأصلية بواسطة مصراتيه اصليه

كيتي السمبوسه عجينه جاهزة والا انتي اللي عجنتيها؟

حبيبة هذه عجينة من منال العالم درتها في الحوش
العجينة : 3 أكواب دقيق + ربع كوب زيت + كوب ماء + ملعقة صغيرة ملح + رشة فلفل اسود او كمون أسود صحيح

حطي الدقيق و المواد الجافة مع بعض و بعدين سخني الماء و الزبت مع بعض و خليهم يدفو و صبيهم على المواد الجافة و اعجنيهم كويس و خليهم يرتاحو على الأقل نص ساعة و افرديها حتى تولي رقيقة و احشيها بللي تحبيه و اقليها في زيت عزير حامي و مش راح تحتاج وقت باش تتحمر و بالهنا يا حبيبة

المشاركة الأصلية بواسطة نوسة*

السلام عليكم ما شاء الله على صفرتك يا كيتي
كيف حالكم اليوم كلكم
كيتي لو سمحتي اكتبيلي طريقة كروكيه البطاطا

أهلين بنوسة الحبيبة

هذه الطريقة مرة ثانية

بالنسبة لكروكيه البطاطا

تسلقي بطاطا كبيرة الحجم و تهرسيها كويس و تحطي عليها شبنة تشدير و صفار بيضتين و ربع كوب حليب و نصف كوب دقيق و ربع ملعقة بيكنج باودر و ملح و فلفل اسود و خبزة مرحية
و اضيفي عليهم اعشاب مثل الزعتر او الأوريجانو

و لو تحبي تزيدي للخلطة تن و فلفل أخضر و اعجني العجينة و شكليها صوابع و الا كراكيب و حطيها في الثلاجة حتى نص ساعة و بعدها حطيها في البيض و الخبزة المرحية و اقليها و بالهنا يا حبيبة

المشاركة الأصلية بواسطة ابريكه

اني يا كيتي فطيري اليوم
شريبه وسلاطه والعجوله خطرت علي اللحم المكمور درته
وامس زايد مني محشي براك
وطيبت هريسه الشعير
والحلو ضروري اقمه القاضي
وامس في وحده ليبيه وبنتها جاين لولايتنا بتزور ولدها يقراء هنا
بعتتلي حلويات طراااااااااااااااابلس
من المقروض والمطبق والبكلاوه
ربي يبارك فيها جو في وقتهم

ما شاء الله تبارك الرحمن الله واحد على ابريكة الفالحة

هذا انتي في امريكا و طالع منك هذا كله امالا لو تروحي للبلاد شن راح اديري يا حبيبة

ربنا يحفظك من كل شر و عين يا رب

و صحة عليك الحلويات و تتهني بيهم يا حبيبة

المشاركة الأصلية بواسطة ابريكه

نوسه هريسه الشعير هذه الشعير الحب يكون مدقوق ومنظف
ووانديرو فيه بالكرو تعرفيه الكرو ندقو فيها فيه
ونسفوها
ونوازو الحب النظيف ونكلفنوها ههههههههههههههههه ما تعرفيها هذه يعني تكون مفصول الحب سمح وموازه
وياحنه نقعوها في ميه ساااخنه ونحرقو طبيختها وتكون بالقديد والكرشه اللي مربوطه بالعصبان وحاشينها داخل شوي نعناع وبهارات وحبه قديده
وطلوع ياااااابسات
وحرق عادي بعدها
بعد ما اطيب وتكون مش جاريه المرقه خويتره شوي
ناخدو قبلها الشعير المنقع ونصفوه ونغلوه في ميه
لين الحب يفقز
ههههههههههههههههه يطيب يعني
ونحطوه عالمرقه
وترشي عليها نعناع

جوعتيني و اني بنتسحر ما شاء الله على الوصفة الحلوة شنو هذا ما شاء الله
أول ما تروحي من امريكا قوليلي بننقز عليك و بنعزم روحي عليها خخخخخخخخ

**ابريكه** · 03-09-2009, 02:43 AM

ما شاء الله ام جني
صحه شريبتكم وسفره عامره
وطاجين الهمبرجر
يفتح العين المغمضه
صح يدياتك

**kittygago** · 03-09-2009, 02:44 AM

المشاركة الأصلية بواسطة جنـ أم ــى

هذا فطور اليوم من غير الشربه والسلاطه مصورتهمش
بوريك بورق القلاش
وبيتسا ملفوفه
امبطن كرنب
طاجين جبن

وهادوا من فطور امس

هذا دجاج الكنتاكي

هذا طاجين هامبرجر

بسم الله ما شاء الله عليك يا حبيبة ربنا يبارك فيك و في ايديك ما شاء الله عليك

صفرة تحل العين يا حبيبة
و شغل نزيك جدا

**kittygago** · 03-09-2009, 02:47 AM

هيا توا تصبحو على خير يا حبيبات

نشوفكم غدوة بعون الله

بس نبي نسألكم

غدوة بعون الله راح نمشي للعويلة

عويلتي اني أمي و بوي و خوتي

نبي نرفع معاي حاجة حارة و حاجة حلوة

و نبي نديرلهم حاجة قنينة جديدة

شن تنصحوني يا بنات

سؤال غريب بس تعرفو انه الوحدة مادابيها ادلع عيلتها

و بارك الله فيكم مقدما

**هناء&خالد** · 03-09-2009, 02:51 AM

المشاركة الأصلية بواسطة kittygago

هيا توا تصبحو على خير يا حبيبات

نشوفكم غدوة بعون الله

بس نبي نسألكم

غدوة بعون الله راح نمشي للعويلة

عويلتي اني أمي و بوي و خوتي

نبي نرفع معاي حاجة حارة و حاجة حلوة

و نبي نديرلهم حاجة قنينة جديدة

شن تنصحوني يا بنات

سؤال غريب بس تعرفو انه الوحدة مادابيها ادلع عيلتها

و بارك الله فيكم مقدما

حبيبتي أنتي فكري شنو أكثر حاجه يحبوها من أيدياتك وديريها وأكيد أي حاجه منك حلوه ونازكه

**مصراتيه اصليه** · 03-09-2009, 02:54 AM

كيتي بري ادلعي عليهم بالسميكه

حاجه جديده وقنينه
وربي يحفظلك اماليك ياغاليه

**ابريكه** · 03-09-2009, 02:54 AM

كيتي تانسي وتنوري بيتي
نبي نسالك السمبوسه بعدها تشكليها مربع وتحطي الحشوه واديريها متلت صح اوخيتي
بصراحه طريقتها تهبل وشكلها امممممممممم

**مصراتيه اصليه** · 03-09-2009, 02:56 AM

والحلو ديري الجبنيه
مدامها زبطت معاك وطلعت حلوة
اني نحب ديمه اندير الحاجات الجديده

**ابريكه** · 03-09-2009, 02:57 AM

كيتي ديري السميكه حلوه والا شيش كباب
ههههههههههههههه دعايه للعجوله
لا والله بس حاجات صح بصراحه
والحلو ااااااااااااااااااااه لقمه قاضي والا زلابيه
والا بسبوسه
وزي ما قاتلك هناء حاجه هم يحبوه
وكل حاجه من يدياتك اكيد بتطلع يا سلام

**ابريكه** · 03-09-2009, 02:58 AM

علي فكره عطوني طريقه الجبينيه
كيتي والا مصراتيه
نبيها بالتفصيل يا ريت

**مصراتيه اصليه** · 03-09-2009, 03:04 AM

المشاركة الأصلية بواسطة ابريكه

علي فكره عطوني طريقه الجبينيه
كيتي والا مصراتيه
نبيها بالتفصيل يا ريت

جبتلك الجبنيه نسختها
كيتي حاطتها الايام اللي فاتوا

حبيبة بالنسبة للجبينة :
كاسة جبنة سائلة ( بوك أو كرفت أو كيري) عبوة 240 غرام + 2 كوب دقيق + ملعقة صغيرة و ربع خميرة فورية + ربع كوب ماء بحرارة الغرفة يعني دافي شوية + 2 ملعقة كبيرة سكر ( لو حطيتي السكر من داخل مش لازم تعسليها كلها رشي عليها العسل رشان بس و انتي و رغبتك ,,,, وخيتك تحب الحلو حطيت السكر من داخل و عسلتها بعد ما طابت كلها ) +عسل + فستق للتزيين

تخلطي المواد كلها و ضيفي الماء في الأخير راح تتكون عجينة طرية و ملساء خليها ترتاح ساعة و بعدين افرديها رقيقة و قصيها اي شكل تبيه و اقليها في زيت عميق حتى تصبح ذهبية و ستفيها في الكسكاس باش تتصفى من الزيت رغم انها بعد ما تطلع من الزيت جافة و بعدها رشي عليها العسل و الا عسليها كلها حطي و طلعي على طول من العسل و رشي عليها الفستق

**ماما الاء** · 03-09-2009, 03:04 AM

مرحباااااااااااااااااااا عويلة

كيف حالكم ان شا ءالله بالف خير
ما شاء الله يا كيتي لميتي كل الحباب زي ما لمتنا جميلة الكون الله يحفظها زمان في ملف الى اخواتي اللييبات حتى وله اكبر مرجع لكل الاكلات مصلي على النبي علينا

وبعدها لمتنا الهدرزة الليبية لان خفنا انهم يسكرو الملف بعد ما بدينا نهدرزو فيه
واني رافضة نخش هني الا لو عندي حاجة جديدة في المطبخ لانه بجد راه ممكن يتسكر لو الملف بدي هدرزة
ايه صح في اكلات واسئلة واجابة بس هذا كله ممكن يصير في الهدرزة الليبية
ما شاء الله خشينا حتى في الخطوبة
توة نوريها المنجوهة الاصلية اللي نستنا مرة وحدة وجاية تجيب في العرسان
تي به به به غر جيبي للقدم قبل هههههههههههههههه والله ليك وحشة يا مصراتية عوين وصابتنا كنا كل يوم مع بعض بس سبحان الله دوام الحال من المحال لكن اللي في القلب في القلب والحق الحق نحبك ونموووت فيك غر متقوليش لحد //// متاع وحدة سمعت بسيرة عرسان ادير في روحها حلوة وهاديةوامورة خخخخخخخخخ

ما شاء الله حتى هنو الحبوبة هني مصلي على النبي عليك وعلى سفيرتك ربي يجمعك مع خلود بالخير

ام جنى يا مرحبا بيك وبسفيرتك ما شا ءالله شنو الحركات القوية هذي كل شئ من ايديك يهبل صدق اللي سماك اميرة المعجنات ما شا ءالله

كيتي يا قلبي ما تزعليش مني بس بجد احذرو من كثر الهدرزة هني خلوه ملف اكلات والله لما نخش عليه نبي نشوف الجديد ونلقى اغلب الردود هدرزة لين ننغص لاني خايفة يتسكر الملف وبعدين كثر الردود والهدرزة اضيع الاكلات والوصفات اللي بين الردود

شنتال يا اخت نوسة ما شاء الله كل سفيرة احلى من الثانية ونشوف في وردات الطماطم تحسنو هههههههههه اليوم قرمة ليه ليه بيني وبين نوسة بس ما شا ءالله عليكم حوش الكرم ربي يحفظكم وكل يوم عزايم ونراجو في طاجينك

وكل الحباب والصحاب والله استحشناكم ومفتقدينكم وربي يحفظكم وان شاء الله ديما متلاقيين في الفرح والسعد

يومكم طيب باذن الله

**ابريكه** · 03-09-2009, 03:11 AM

مصراتيه صحيتي
وما قصرتي
اختي ام الاء ممكن عادي نسالو هنا في السفره عالطرق عادي

**ماما الاء** · 03-09-2009, 03:28 AM

يا بنات بالله عليكم سكرو موضوع التصويت هني احسن يتسكر علينا كل شئ ويجينا انذار ويتسكر حتى الملف هذا
النطاحية يا ودة امسحي ردك بسرعة وفكينا من المشاكل راه كل الكلام ينفهم والاشراف عندهم حتى ليبين
مافيش احلى من مسح الكلام على السرررررررررررريع
ويا حبوباتي خلو الملف للاكلات والوصفات والرد على الاستفسارات مش نستفيدو من بعض زي ما قالت بريكة الله يحفظها

وبالله سكرو موضوع التصويت وخلي نحترمو راي حنان ليبيا وربي يهدي ويصلح الحال

ملف متميز السفرة الرمضانية لشهر رمضان يوميا و لجميع الأطباق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

** ملف متميز ** السفرة الرمضانية لشهر رمضان يوميا و لجميع الأطباق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ملف متميز السفرة الرمضانية لشهر رمضان يوميا و لجميع الأطباق