تويت
ام السنفور يسلمو وقوليلى اول واحده شنو هده حلو ولا حار
-
-
أختي الغالية فرفوره بالنسبة لطاجين الجبن اللي ندير في اني بطاطا مقليه مكعبات صغيرة ولحم دجاج مسلوق ومقطع قطع او مفروم عادي اللي عندك البض خمس بيضات
وناخذ بصلة ونقطعها صغير وفلفل اخضر وملعقة زيت ونضعها في طاجين ونخليها تذبل اشوية وكان عندك اخضر زيدي ونضعها على الخليط السابق ونخلط معها معدنوس وكسبر وبهارات وطمام معجون وملح واشوية خبزة مرحية بعدين نجي للطاجين الطاجين المستعمل طاجين التوست ندهنه بزيت ودقيق ونضع نصف المقدار ثم نضع بيض مسلوق ومقطع بالعرض يعني ثلاث بيضات يكفي وتضعي طبقة جبنة شرائح ثم زيتون أسود ثم تضعي الطبقة الاخرى وتدهنيه بشويه بيض فاضل منك وتحطيه في الكوشة وتفتحي عليها من فوق وتحت لان كل شي طايب
والكوشه تكون ساخنه من قبل
ان شاءالله استفدتي من طريقتي والله اليوم درته ياريتني صورته ليك بس وعد المره الجاية بإذن الله انصوره ليك
شهيه طيبهالتعديل الأخير تم بواسطة ميلا; 02-09-2009, 01:59 AM.تعليق
-
الله يذكرك بالشهادة يا حبيبة
و اني قولتلك انها ما شاء الله عليها العجولة
ايديات و فالحة ما شاء الله
الله يحفظها و يحفظك و يحفظ كل العيلة
أم السنفور .... كيف حالك و حال السنفور ان شاء الله بخير
و كيف حال الدراسة يا حبيبة
بالنسبة للقطايف اني واخدتها من المنتدى : كوب دقيق و نص كوب سميد و ملعقة كبيرة بيكنج باودر و ربع كوب سكر + كوبين ماء
و نحشيهم قشطة و نسقطر عليهم العسل و نرشهم باللوز المهروش
و بالله قوليلي على طريقتك
الله يبارك فيك يا حبيبة و على الدعيوة الحلوة يا رب
تعليق
-
اليوم جايبتلك طريقة درتها اليومين اللي فاتن في فطورنا هي السميكه يارب تعجبكم
السميكه
المقادير
4كوب دقيق
2ملعقة زبدة
بيضة
ملح
أقل من طرف بيكنج بودر
نأخد كوب ندوب فيه خميرة فورية وسكر ونضع عليه حليب دافئ
وتعجن به العجينة
وتترك حتى تتخمر
الطريقة
ثم تفرد العجينة
ثم تقطع على شكل مربع
ثم نتنيه علي شكل مثلث
ثم نجبد الحواف
وبعدها نضع الطرفين على بعض
ونعمل الخياشم بالمقص
والعين بالزيتون
وتدهن بالبيض
وتوضع في الفرن
وبعد النضج يكون الحشو حسب الرغبة
وهذا الشكل النهائي
يالله دعواتكم
سلم ايدياتك يالعجولة على هالوصفة والطريقة الحلوة ...
حلوة الفكرة
بارك الله فيكتعليق
-
اليوم جايبتلك طريقة درتها اليومين اللي فاتن في فطورنا هي السميكه يارب تعجبكم
السميكه
المقادير
4كوب دقيق
2ملعقة زبدة
بيضة
ملح
أقل من طرف بيكنج بودر
نأخد كوب ندوب فيه خميرة فورية وسكر ونضع عليه حليب دافئ
وتعجن به العجينة
وتترك حتى تتخمر
الطريقة
ثم تفرد العجينة
ثم تقطع على شكل مربع
ثم نتنيه علي شكل مثلث
ثم نجبد الحواف
وبعدها نضع الطرفين على بعض
ونعمل الخياشم بالمقص
والعين بالزيتون
وتدهن بالبيض
وتوضع في الفرن
وبعد النضج يكون الحشو حسب الرغبة
وهذا الشكل النهائي
يالله دعواتكم
هلا بالكل وصحه اشريبتكم ...
شني هذا يا العجوله ما شاء الله مش عادية بكل سلم ايدين اللي دارتها ...
شن كيف حال الفالحات عيني اعليكم باردة وحدة احلة من التانية .. مش انتم
الصفر ههههههههه معليش الحلو ما ايديره الا الحلو زيه ...
تعرفو اني امعاكم من ملف اخواتي الليبيات نقراء ونكتب ونضحك والله جوكم ما شاء
الله اتونسو .. تعرفو صارلي موقف اليوم امس فاتني هلبة خلاص اليوم بعد صليت
العصر اقعدت من صفحه لصفحه وكاني في عالم تاني انسيت راجلي وصغاري
واني نقراء لين جاني راجلي قالي شن ما عندناش افطور اليوم .. قالي الساعه 6
مزال عالمغرب ساعه ونص هههههههههه اقريب اهبلت جري عالمطبخ وشن صار
تاني انسيت الخط مفتوح هههههههه
المهم سامحوني كثرت اعليكم الكلام
تحياتي للكل بالدااااااااااات حرة ما شاء الله ديمه فاتحه ههههه اتونستعليق
-
ليبيا قلبي والنطاحية كيف الحال ان شاء الله اموركم تمام
ماشاء الله ياكيتي على السفر وحدة احلى من التانية يسلموا ايدياتك انت يا متاع المشقشقات انت ( وحدة تعاكس )
تبي الحق استاحشت البكبوكي ههههههههههههههههه
والقوارب درتيهم بعجينة الباف؟؟؟
القطائف باش حشيتيهم ومقليات ولا كيف درتيهم؟
تعليق
-
سنفورة مانحصلوش صونية من كل حاجة فيهم ....ماشاء الله عليك
منظر القطايق وخبزة الكسكاس يهبلللللللللللللللللللللللوا سلم ايدياتك عليها
من كثر ماسهفتوني فيها هالخبزة مشيت طبقتها اليوم ومافضلش منا ولا طرف كان طرفين دسيتهم لروحي باش
نتسحر بيها هههههههه " معليشي نفسي نفسي "
كان تبعتيلي صونية منهم ياسنفورة تولي حبيبتي ههههههههههه
لا والله بجد ياسنفورة ماشاء الله عليك وماتحرمينا من وصفاتك وسفرك " ركزي في كلمة سفرك مش تفهميها
حاجة ثانية هههههههههههه "
سنفورة قمت بالواجب أو لا ؟هههههههههتعليق
-
ام السنفور ضخكتيني خاشة قايمتيها على راسك وتغني وطنا يا وطنا ههههههههههههههههههه
ليبيا قلبي كيف حالك وردي بالك من البيبي ربي ان شاء الله يسهل عليك
ميلا شوفي الصفحات اللي فاتوا البنات حطوا الرابط اللي ادوري فيه
صحتين على قلبك ويسلم ايدياتك
قوليلنا كيف الدحي المحشي باش حشيتيه؟تعليق
-
سووووووووووووووووووووووومة هلا يا حبوووووووووووووووووبة كيف حالك تسلم عليك نووووووووووووسة هلبةتعليق
تعليق