تويت
فاهيتا الدجااااااااج روووووووووووعه وداعا لمحلات الوجبات السريعه**موضوع متميز**
السلام عليكم ورحمه الله وبركاته
عندك اطفال مغلبينك في الاكل
عندك حيره تعملي ايه اكل
أطفالك مدمنين اكل وجبات سريعه
عايزين تجددوا في سحور رمضان
عندك ضيوف وعايزه تعملي سندوتشات تشرفك
تعالي ورايا ومش حتندمي ووداعا لمحلات الوجبات السريعه
فاهيتا الدجاج حتاكلو صوابعكم وراها
سهله وطعمه وسريعه كل اللي اخدوا طريقتها باستمرار بيعملوها
مش حطول عليكم بينا علي المقادير والطريقه
::: المقادير :::
- نصف كيلو صدور فراخ مخليه
- فلفل اخضر حار او حلو حسب الرغبه (الحار بيشهي اكتر)
- بصله مقطعه شرائح او مفرومه حسب الرغبه
- فصين ثوم مفرومين
- 3 ملاعق طعام زيت زيتون (او زيت عادي)
- ليمونه
- بهارات
(ملعقه شاي ملح - ملعقه كاري(مهم) - ملعقه بهار لحم - ملعقه كمون - ملعقه خردل مطحون- ممكن الاستغناء عن الليمونه وتحطي سماق)
بس خلاص
::: الطريقه :::
- اغسلي الفراخ جيدا وقطعيها قطع صغيره جدا
- شوحي البصل في الزيت الي ان يزبل
-ضيفي الثوم وقلبي دقائق اخري
- ثم ضعي الفراخ وقلبيها قليلا وضعي البهارات فوقها وعصير الليمونه
- قلبي جيدا حتي تمتزج البهارات بالفراخ
- هدأي النار واتركيها تنضج بماءها
- لما يفضل بها قليل من الماء (قربت الي النضج) ضعي الفلفل الاخضر بعد تقطيعه قطع صغيره
-واتركيها حتي يختفي كل الماء وهنا تكون قد نضجت وشمي الريحه مممم يمي يمي
ملحوظه::: ممكن تتبلي الفراخ بالبهارات والليمون والثوم بالثلاجه مسبقا كي تتشبع بطعم البهارات بشكل اكبر
وتقدميها بجانب الطعام او تعمليها سندوتشات وبتطلع روعه
:::مثال للسندوتشات:::
اخلطي المايونيز والكاتشب سويا وامسحي به الرغيف
قطعي الطماطم شرائح ورصيها به
قطعي خيار شرائح ورصيها فوق الطماطم
ثم ضعي الفاهيتا وكل ما زاد الحشو كل ما كان السندوتش اطعم واطعم
وبالـــهنــا والشـــفـــا
تعليق