عجينتي دايما بتبيض وجهي

تفضلوا شوفوا عجينتي اللي دايما بتبيض وجهي
أخواتي الغاليات اليوم حبيت أكتب بأول مشاركة لي بالصور عن عجينتي اللي ما بستغني عنها و بستخدمها للبيتزا و الفطاير و السينامون رولز ( لفائف القرفة ) و خلية النحل و أحيانا بيخطر عبالي أفكار جديدة بجربها و دايما بتعطيني نتائج رائعة يمكن كتير من الأخوات بيعرفوها بس مع ذلك حبيت أحطها لربما تكون جديدة بالنسبة للبعض ما رح طول عليكم بالحكي و نبدا سوا
المقادير :
3 – 3.5 كوب طحين
4/1 كوب زيت
1 بيضة بحرارة الغرفة
1 كوب ماء دافئ جدا ( مش حار )
1 ملعقة كبيرة خميرة فورية
2 ملعقة كبيرة سكر
3 ملعقة كبيرة حليب بودرة
2/1 ملعقة صغيرة ملح
1 ملعقة صغيرة بيكنغ باودر ( هنا سر الطراوة )
الطريقة:
في العجانة إن توفرت نضع 2 كوب طحين مأخوذة من المقدار الأساسي
نضع عليها الملح و الخميرة و السكر و البيكنغ باودر و الحليب البودرة نشغل العجانة قليلا لتختلط المواد الجافة
نضيف الزيت أثناء العجن ثم البيضة المخفوقة و نستمر بالعجن
نضيف الماء و نترك العجانة تعجن مدة 3 دقائق نبدأ بإضافة باقي الطحين بالتدريج حتى نحصل على عجينة طرية مطاطية تلتصق بالأصابع بدون المبالغة بطراوتها
نتركها تختمر و يتضاعف حجمها إلى 3 أضعاف . مدة التخمير تختلف باختلاف حرارة الغرفة
اليوم عملت منها لفائف القرفة و طلعت رهيبة و صورت الطريقة بالتفصيل تفضلوا معي :
هنا العجينة بعد ما تخمرت



هنا فردت العجينة إلى مستطيل بسماكة نص سم و حاولي يكون طول المستطيل يساوي ضعف عرضه

هنا قمت بدهن 100 غ زبدة طرية جدا على سطح العجين

هنا رشيت حوالي 4 ملاعق كبيرة سكر ( ممكن استخدام السكر العادي أو البودرة أو البني ) ثم رشيت 3 ملاعق كبيرة قرفة مطحونة ( دارسين )

هنا بدأت اللف مثل السويسرول البداية من الضلع الأطول

هنا بعد التقطيع كل قطعة بطول 3.5 سم

هنا بعد الخبز




هنا وضعت على وجهها حليب مكثف و محلى ممكن نرش سكر بودرة أو نضع عسل طبيعي أو نخفق جبن كريمي مع حليب مكثف الخيارات كثيرة


و هنا صورة للأطراف لاقيت شكلها حلو فأوحتلي بفكرة رح خبركم عنها لاحقا


خلية النحل :
و كمان اليوم عملت خلية نحل من نفس العجينة و حزروا شو حشيتها
حشيتها كريم باتيسيير مع قطعة أناناس و لما خبزتها و طالعتها من الفرن رشيت عليها عسل نحل طبيعي بالنسبة للطعم لوحدو حكاية شوفو شكلها


أما الفكرة اللي قلتلكم رح خليها للآخر فهي بها الصورة


فردت العجينة و خليتها رقيقة نوعا ما
و بعدين قصيتها الى شرائط بعرض 1.5 سم و لفيت كل شريطة بها الشكل و خبزتها بعد ما دهنت على السطح بيض مخفوق و شفتو النتيجة



أنا قصيتها من النص و حشيتها بشوكولا نوتيللا عشان أولادي بس ممكن ننوع الحشوات ممكن كريم باتيسيير أو مربى أو جبنة كيري أو جبنة بيضاء مع زعتر أخضر مفروم أو لبنة مع نعنع أخضر مفروم أو تونة ممزوجة مع مايونيز أو بدل التونة دجاج مسلوق و مفروم أنت و خيالك
أتمنى تكون وصفتي عجبتكم و بانتظار الآراء