~ كلوب ساندووويش ... ومشششش كلوب 2 في 1 ~موضوع متميز~

**طيـــف** · 22-07-2006, 03:09 PM

الوصفه الاولي
كلوب ساندويش
اهم شي تحضير الخلطه

المقادير
2علبه تونه مصفيه مضبوط من الزيت( ممكن الاستبدال في مرتديلا لحم او دجاج او تركي) وممكن صدر دجاج مسلوق ومتبل )
2معلقه مايونيز
1حبه فلفل رومي مفروم ناعم
2عصر بصل اخصر مفروم ناعم
2 عود خس مفروم ناعم
زيتون شرائح
معلقتين بقدونس مفروم
معلقه نعنع مفروم
حامض + فلفل + ملح+ زيت زيتون

توست للتقديم

الطريقه
بعد مانفرم التونه نضيف عليها كل المقادير المذكوره ... وبالاخير المايونيز والزيت والليمون والملح والفلفل ... ونخليها شي نص ساعه بالبراد على مانحضر التوست....

نقطع التوست مثلثات او مربعات حسب الشكل المفضل ونحشيها من الحشوه الكلوب المحضره ونقدمها في صحن التقديم

وصحتين وعوافي

**ام البنات ** · 22-07-2006, 03:11 PM

الحقي بالتتمة لاحسن اطلعلك من الشاشة

هههه

**طيـــف** · 22-07-2006, 03:17 PM

الوصفه الثانية
المششششش كلوب

وهي صينيه

المقادير
رح نستخدم نفس الخلطه السابقه والمقدار بيكفي لعمل الساندويش والصينيه

بس هالمره رح نحتاج للقليل من الحلب السائل + سمسم + كيس توست

الطريقه
رح نطلع التوست ونفرد بالشوبت ...
لحد ماينفرد متل العجين.. طبعا التوست رح تكبر لانها فردت
ونقصها احنا نصين ونفردها بالصحن المراد التقديم فيه

ويكون صح حراري لانه رح يدخل الفرن
ونوزع التوست لحد مايغطي قاعده الصحن..ثم نرش عليه القليل من الحليب السائل وذلك لتلييين التوست شوي

ثم نضع طبقه من خلطه الكلوب.. وتكون طبقه سميكه شوي....
..........

للاسف نسيت اصور هالخطوه

يل حطيت فيها الحشوه
ثم نعود نفرد التوسته بالشوبت وبنفس الطريقه السابقه نفرده ونقصه نصين ونغطي فيه الحشوه يل بالصحن
ثم نكرر نفس الخطوه نسقي التوست بالحليب السائل .... ونشر عليه رشه سمسم بسيطه....

وندخله في الفرن ونشعل الشواي لحتى يتحمر من فوق

انا غلطتي انه انشعط معي شوي من الشواي لانه ماتوزعت الحراره منيح

بعدين

لما وزعت الحليب تتتطرش يمين ويسار فظهر على شكل الصحن بعد مادخل الفرن

مشان هيك شكله مش حلو

بس مره تانيه رح انبهه واتفادي هالغلطه مشان مايشعوط في الفرن

ويقدم ساخن وصحتين وعوافي

شو رايكم؟؟

ان عجبكم اذكروني بدعوه صالحه

**ام البنات ** · 22-07-2006, 03:17 PM

هههههه

هلأ شفت تتمة الموضوع

يختي عليها مش صحبة مع المعجنات و بيطلع منك كل ده

لو كنت صحبة كنت عملتي ايييييه يا عسل

تسلم الايادي يا حلوة و لا تنسينا ابق طلي على ركننا و انت محملة طبعا

**طيـــف** · 22-07-2006, 03:23 PM

ام البنات
اخخخخخخخخخ لوصبر القاتل ع المقتول

كان اخد التميييييييييز مني

مرسي اوي اوي اوي ياقلبي ع التميززززززز

بس شفتي كيف اجيت اراضيكم انا من نفسي

لانه مابهون لي فيكم ياغاليات

بس جد والله انا مش صحبه مع المعجنات..
انا سويت الساندويشات ا كرمال ولاد اختي لانه بحزنوني

بتلاقيهم يوم الاربعاء والخميس والجمعه متل الغلابه بطلعو فيني

بعدين اطمني لسسسسسسسسسسه لدي الكثيررررررررررررررررررررررررررررر

بس لازم اسوي لهم كمان معجنات قبل لاتيجي اختي

يالله جاك يامهنا مابتتمنا

**ام البنات ** · 22-07-2006, 03:31 PM

الله يخليلك اولاد اختك يا رب و يضل قلبك حنين عليهم لحتى تحفينا بالمستخبي

الله يسعدك يا قمر و يحققلك الي بتتمنيه

**طيـــف** · 22-07-2006, 03:34 PM

المستخبي كتير ئوووووووووي

ومتنوع اليوم حطيت بالحلويات والمقبلات والمعجنات
ولسه عندي كمان اربع اطباق

طب وتخير

الله يسعدك ويرضي عليكِ ع الدعوات الحلوه
كتري منها

**&قطرة ندى&** · 22-07-2006, 03:51 PM

روعة حبيبتي
دائما اتحفينا باطباقك الحلوة هاي
ويخليلك اولاد اختك
تسلم ايديك

**fatoush99** · 23-07-2006, 03:13 AM

تسلم ايديك حبيبتي

**عبير القدس** · 23-07-2006, 08:24 AM

طيفوووووووووووووو
شو هاااااااااااادا

ليكون طبق من اطباق الريجيييييييييييييييم

هههههههههه

تسلم دياتك يا عسسسسسسسسسسسل
امممممممم
شكلو بيشهي
انتي مو صحبة مع المعجنات و الساندويشات
بس انا صحبة معهم على العضم
ههههههههههههههه

و يعطيكي الف عافية يا رب

**طيـــف** · 23-07-2006, 09:22 AM

صحتين وعوافي يامنالو
بس هيكككككككككك تكرم عيونك
لسه في شي خمس طبخات
غير يل رح يصير الاسبوع الجاي لانه اختي رح ترجع بالسلامه ان شاءالله

شكرا لمرورك حبيبتي

**طيـــف** · 23-07-2006, 09:25 AM

فتووووووووش

صحتين وعوافي ياقلبي

**طيـــف** · 23-07-2006, 09:27 AM

عبوره اسكتي لعضك ياصاحبتهم
ازاهيك صاحبتهم

وليييييي مابتسوي ها
مسكين ابو الشباب معك

**حنان(البحرين)** · 23-07-2006, 10:23 AM

تسلم الايادي حبيبتي ويعطيك العافيه

~ كلوب ساندووويش ... ومشششش كلوب 2 في 1 ~موضوع متميز~