ساندويش .... بس على كيفكم!!!

الله يسعد صباحكم ومساكم يا صبايا يا حلوين .. إمبارح إجا أخي زارني وهو مقيم ببلد تانية .. وكان كتير جوعان قالي بدي آكل أي إشي على السريع .. طبعا فكرت كتير ووصلت لنتيجة .. وهي ::

المقادير: (حسب الرغبة والحاجة)
- خبز توست (أنا استعملتو أسمر)
- جبنة شيدر (مش كرافت اللي بتكون لونها برتقالي)
- جبنة موزيرلا
- جبنة جلوم
- مرتديلا
- زيت زيتون
- زعتر أو نعناع (مجففين)
- بندورة
- جرجير أو خس

الطريقة:
قطعي الجبنة شرحات رقيقة .. وقطعي البندور شرحات مدورة.. وهلأ جيبي شرحة الخبز وامسحيها بزيت الزيتون وحطي عليها ورقة جرجير أو خس وبعدين شرحة جبنة من كل نوع وشرحة مرتديلا وفوقها شرحة البندورة ورشيها بالزعتر الناشف أو النعناع الناشف وحطي عليها طبقة تانية من الخبز وحطيها بالتوستر حتى تسيح الجبنة وتمطمط .. وهيك حتى تخلصي الكمية ..
كولو وإدعولي .. والله عملت ربطة خبز توست خلصت كلها ..

وكمان خفت ما يكفي الأكل شو عملت ..
كان عندي الخبز المكسيكي (نسيت شو إسمو!!) شو عملت فيه ..

المقادير:
- خبز مكسيكي
- بيض مقلي بالطريقة العادية
- جبنة كريم/كاتشب/ماسترد/مايونيز(ملعقة صغيرة من كل نوع مخلوطين ببعض)

الطريقة:
دهنت الخبزة بالخليط السابق وحطيت عليها قطعة بيض مقلي ولفيتها .. وخليت طرف الخلطة يجي على طرف الخبزة عشان لما ألفها تمسك وماتفتح الخبرة..

حتى أخي بصراحة أنجن وأكل حتى ما عاد يتحرك من مكانو ..

وصحتين وهنا على قلوبكم ..