اسهل واسرع كوكيز ب 3 مكونات برضه (مسابقة شيف حلويات لك)
عارفة كل واحدة قالت : هى نسيت ونزلت الموضوع تانى ولا ايه؟؟؟
لا ده واحد تانى
هاحكى لكم قصة......
عارفة اما واحدة تتصل بيكى : ايوة يااسماء احنا فى العربية ولقينا نفسنا قريبين ربع ساعة نكون عندك ؟؟؟؟؟؟؟؟؟؟؟
او اما اختك تتصل بيكى : ايوة يااسماء انا هنا جيت من السفر عاملة لك مفاجاة ومعايا واحدة صاحبتى حضرى لنا الشاى وحاجة حلوة نتصبر بيها عشان ننام لحد ما تعملى الغدا!!!!!!!!!!!!!!!!!!!!!
او لما زوجك يقول : عايز كوباية شاى او كابوتشينو ومعاها حاجة حلوة...مفيش حاجة حلوة....يوووه ده انتى استاذة هو انتى هتغلبى؟؟ (بيثبتنى خخخخ)
لكل هؤلاء البطلات المناضلات المجاهدات المجهولات (وانا منهم) اهدى هذا الموضوع
كوكيز هش سهل طعم ماياخدش غير 25 دقيقة بس
المقادير:
1 كاس بينت باتر اللى هى زبدة الفول السودانى (انا استخدمت الكريمى وممكن الكرانشى) + 1 ملعقة صغيرة بيكنج بودر
2/3 كاس سكر ناعم الحبيبات
1 بيضة + فانيليا
للوجه:
سكر ناعم الحبيبات
الطريقة:
**نسخن الفرن 180 م
**نخلط الزبدة والسكر بالسباتيولا او اليد
**نضيف البيضة والفانيليا والبيكنج بودر ونقلب حتى تصبح عجينة ناعمة لينة طرية
**نشكلها كور صغييييرة وتدحرج فى السكر
**ترص على ورق زبد وتبطط قليلا بشوكة
**تخبز 10-12 دقيقة حتى تنضج وتترك لتبرد تماما
**تزين بخطوط شوكولا اذا اردنا (انا قلت اقصر الشر عشان رشاقتى هههههههههه وبلاش شوكولا)
وبالهنا
تعليق