كيك اليوسفى .. شيف حلويات لكِ
صباحكم ومساءكم سعادة
جيت بوصفة على السريع للمسابقة
وإن شاء الله الجاى أحلى
كيك اليوسفى
4 حبات يوسفى (مندرين)
3 بيضة + فانيليا
كوب الا ثلث سكر
نصف كوب زيت
2 وربع كوب دقيق خاص بالحلويات + ملعقة كبيرة بيكنج بودر
نقسم اليوسفى من النص علشان يكون سهل نطلع البذور
بالضغط عليها بين راحة اليد ستخرج كل البذور
فى الفود بروسيسور
نضع 3 حبات يوسفى مقشرة وحبة واحدة بقشرها
ولا تخافوا من وضع اليوسفى بقشره .. عن تجربة اكثر من مرة
نخلطهم
ومايمنعش نشوف لو فيهم أى بذرة مستخبية هنا والا هنا قبل خلط باقى المكونات
نضع باقى المكونات عليهم ماعدا الدقيق طبعا
ونخفق
نصب الخليط السائل على الدقيق
لو تلاحظوا فيه بعض الالياف من اليوسفى ..
برضوا ماتقلقوش كله هايتدارى بعد الخبز
نخلطهم بمضرب يدوى
هنا بعد الخلط
ندهن صينية بمادة دهنية
نصب الخليط وندخل الكيك فرن درجة حرارته 180 لمدة ربع ساعة وبعدها نخفض درجة الحرارة 160 لمدة 25 دقيقة او حتى النضج
وهنا بعد خروجها من الفرن
للتزيين
نسيح شيكولا مطبخ على حمام مائى
ونجهز آيسنج
كوب سكر بودر + 2 ملعقة كبيرة عصير برتقال أو عصير ليمون أو لبن حليب
ونخلطهم
نوزع الايسنج على الكيك وبعدين نعمل خطوط بالشيكولا السايحة
طبعا الفن التشكيلى ده محمد اللى عامله فى غفلة منى
بس انا عملتها مرة تانى وزينتها بشكل عقلانى
ده تزيينى الحمد لله
ودى مرة تانى
وهنا من جوة شايفين اللون والا الريحة بتاعتها وهى فى الفرن .. اممممممم
يلا بالهنا والشفا
تعليق