اخر مشاركاتي بموضوع القشطة شوية حلويات من مطبخي اتفضلوووووووووووووووو
يسعد مساكم جميعا
هاي اخر مشاركاتي بملف القشطة
وبحب اشكر كل الصبايا اللي شاركوني بملفي وكتير انبسطت بمشاركاتهم الحلوة
الطبق الاول
عيش السرايا على طريقتي
المقادير قرشلة او شابورة زي مابحكولها البعض
قطر
وقشطة بيتية
وفستق حلبي للتزيين
انا هون استخدمت الشابورة بحسها افيد واسرع
بطحنها عالخلاط وبضفلها القطر وبحطها بالصينية
بخليها بالتلاجة ساعتين
بحط عليها القشطة البيتية
وبزينها بالفستق الحلبي
انا صورت القرشلة بس مانقلت الصور بس بظن الكل بعرفها
الحلو التاني ليالي لبنان
المقادير
4 كاسات حليب سائل
كاسة الا شوي سميد
معلقتين كبار سكر
مستكة ربع معلقة صغيرة
صفار بيضة مع فانيلا
نص علبة قشطة
للزينة بكيتين كريما مع نص كاسة حليب سائل
نص علبة قشطة
الطريقة
بنحط عالنار الحليب السائل والسكر والمستكة والسميد
بنضل نحركهم لحتى يجمدو
منكون خافقين صفار البيضة مع الفانيلا وبنحطهم عالمزيج وبنحرك بسرعة
بنطفي النار وبنحط نص علبة القشطة
بنصبهم ببايركس وبنحطهم بالتلاجة
بنحط عالوجه الكريما مع القشطة وبنزينها بالفستق الحلبي
وعند التقديم نضع عليهم القطر البارد
الطبق الاخير
حلاوة الجبن تطبيق لوصفة جنة الطيور
المقادير
كاسة الا شوي حليب سائل
نص كاسة سكر
كاسة الا ربع سميد
كاستين جبنة موتزاريلا مبروشة
ملعقة صغيرة ماء زهر
مقادير القشطة عملتها لاول مرة وطلعت تحففففففة
نص كاسة حليب مكثف غير محلى
نص كاسة حليب سائل
معلقتين حليب نيدو
ملعقتين سكر
ملعقتين نشا
نص علبة قشطة
عالنار بنحط الحليب والسكر والنشا والنيدو
بس يجمدو منيح بنطفي عليهم
بنحط نص علبة القشطة
طلعت رهيبة على فكرة بنصحكم تجربوها
ان شاء الله اطباقي يعجبوكم
في امان الله
مدونتي مطبخ ام مرمر و ليلو
تعليق