لمحبي بيض العيون تفضلووووووا ......... مهلبيه بيض عيون
اليوم وصفتي مهلبيه بس بطريقه تقديم جديده وحلوه بتشبه بيض العيون هههه
سهله وبسيطه وزاكيه بالصيف لانها بارده وبتنفع تقديمها لضيوفك بشكلها الحلو
مقاديرالكريم كراميل:
4كاسات حليب (تقريبا لتر حليب)
باكتين كريم كراميل
فنجان سكر او اكثر حسب الرغبه
مقادير المهلبيه :
4كاسات حليب
8 ملاعق نشأ
فنجان سكر
ملعقه ماء زهر او اي نكهه بتحبيها مع المهلبيه
الطريقه :
اول اشي بنخلط مقادير الكريم كراميل على البارد وبس يختلطوا منيح بنحطهم على الغاز وبنضل نحرك لحد ما يغلي وبنطفي عليه وبنصب الكريم كراميل بكاسات شاي نص الكاسه تقريبا او بفناجين القهوه العربيه من غير ما نستخدم الكراميل الي بكون مع الكريم كراميل وبس يبردوا بنحطهم بالثلاجه ووبهالوقت بنحضر المهلبيه بنخلط كل مقادير المهلبيه على البارد وبعدها على الغاز وبنضل نحرك لحد ما تثقل المهلبيه واخر شي بنضيف الها ماء الزهر
بنجيب كاسات الكريم كراميل وبنحدد الداير بسكين وبنقلبها بصحن صغير وبعدها بالملعقه بنحط على داير الكريم كراميل الي بالصحن من المهلبيه وبنخلي بس جزء من الكريم كراميل مبين وبنرجعه على الثلاجه وصحه وعافيه
تعليق