✿موضوع متميز✿لكل اللي طلبوا طريقتى بالتورتة

**zoozaa** · 13-03-2009, 03:42 AM

واو تسلم ايديك انا بتعقد هههههههههه
انا شاطرة اوي في الطبخ
وفاشلة اوي في الحلويات

**●•°BaSmA°•●** · 13-03-2009, 04:09 AM

بيكون قوامها تقيل شوية يعنى بعد ماتضيفي اللبن ماتبقاش زي المية وإلا بتكوني خربتهيا

أختي أنتي بتستخدمي الكوب المعياري ولا كوب تاني
حتى نعرف المطلوب
لأن الجملة خوفتني يعني في احتمال الفشل

تسلم اديكي شغلك راائع ومرتب
بوركتِ

**فراشةالربيع** · 13-03-2009, 04:31 AM

المشاركة الأصلية بواسطة فراشةالربيع

السلام عليكم ورحمة الله وبركاته

لكل اللي طلبوا طريقتى بالتورتة

بالنسبة يابنات لطريقتى في كيك التورتة
فلدي 4 طرق
منهم طريقتين كيكة إسمها شيفون كيك فيها زيت وبعملها بطريقتين والإتنين ناجحين ماشاء الله
والطريقة التالتة كيك إسفنجي دسم يضاف لها زبد ذائب بكمية قليلة جدااا
والطريقة الرابعة الكيك الإسفنجي المتعارف عليه بدون دهون ولكن مقاديري مختلفة شوية وسأبين لكم إن شاء الله مميزات كل واحدة واللي يعجبها طريقة تجربها

سامحوني هرغي كتير بس عايزة أوصلكم صورة حقيقية لكل كيكة
نبدء بالطريقة اللي باعتبرها أسهلهم وفي نفس الوقت كيكة خفيفة وطعمة يمكن تزيينها بابسط الطرق لو حتى تدهني وشها مربى وترشى عليها شوية جوز هند بيكون كفاية أوي ومش مهم حتى جوز هند

شوفوا

وده لأنها طعمة منها فيها ولا تحتاج انك تسقيها ولا حاجة وأحسن حاجة فيها إن برغم إنها إسفنجية القوام وهشة جداا إلا إن مفيهاش فصل البياض عن الصفار وكمان بتستخدمي المضرب لحد الأخر يعنى مش بتحتاجي إنك عند إضافة الدقيق تستخدمي معلقة وبهدوء والكلام اللي عايز ناس راااااااااااايقة ده محدش عنده وقت في الزمن ده
الكيك الإسفنجى الدسم
مقاديرها
لصينية مقاس 22 تعمل كيكة تكفي تنقسم طبقتين أنا عن نفسي بعملها مرتين وكل مرة بأقسمها دورين يبقى عندي تورتة 4 أدوار زي التورتة ده

المقادير
2بيض كبير تم تعديلها
كوب دقيق
كوب سكر بودرة
1 م ص بودر
فانيليا
1/2 كوب لبن مغلي
ملعقة كبيرة زبدة متماسكة
اولا تحطي معلقة الزبدة في اللبن الساخن اللي هو الحليب وتسيبيها تسيح معاه
تضربي البيض والسكر والفانيليا 5 دقايق او اكتر شوية لحد ماتعلى كتييير ولونها يفتح
بعدين تجيبي الحليب اللي الزبدة ساحت فيه وتضيفي شوية شوية والمضرب شغاااااااااال وبالراحة اوي وانتى بتصبي لو نزل كمية كبيرة مرة واحدة بتخرب الكيكة
وعشان تتأكدي انها تمام معاكي بيكون قوامها تقيل شوية يعنى بعد ماتضيفي اللبن ماتبقاش زي المية وإلا بتكوني خربتهيا
تخلطي الدقيق والبودر وتهدي المضرب على أقل سرعه وتضيفي الدقيق ملعقة ملعقة والمضرب شغاااال على الهادي
بعد ماتخلصي كمية الدقيق على المضرب على أعلى سرعة ثوانى بس لتتأكدي من الإختلاط التمااااااااااام
وبس على الفررررررن عدل
أي سؤال أنا تحت أمركم لحد ماأنزل الطريقة التانية

سامحونى على الخطأ وياريت لو المشرفات يعدلوها

**فراشةالربيع** · 13-03-2009, 04:32 AM

المشاركة الأصلية بواسطة ●•°BaSmA°•●

أختي أنتي بتستخدمي الكوب المعياري ولا كوب تاني
حتى نعرف المطلوب
لأن الجملة خوفتني يعني في احتمال الفشل

تسلم اديكي شغلك راائع ومرتب
بوركتِ

إستخدمي كوب عادي مثلا كوب الجبنة
بس أقصد كوني حذرة أثناء صب اللبن الساخن لأن لو أضفتى كمية كبيرة مرة واحدة هو ده اللي بيخربها

**●•°BaSmA°•●** · 13-03-2009, 05:01 AM

مشـــــــكورة

***ام تولين*** · 13-03-2009, 05:04 AM

روووووووووووووعه تسلم ايديكي

**um almajd** · 13-03-2009, 07:51 AM

تسلم ايديكي يا قمر

آآه هيك بدنا منك حبيبتي
علطول تحطيلنا الوصفات مع مقاديرها
ما بنقدر نشوف بلا ما نطبق احنا

يعطيك الف عافيه يا قمر كل وحده احلى من التانيه

**noorelhoda** · 13-03-2009, 09:24 AM

ماشاء الله علييكى اخت فراشه
شغلك رائع حقا
لذا اختى نتمنى منك الكثير من المشاركات
لان ماشاء الله عليكى واض ان حسك فى المطبخ عالى
وفنانه
فلا تحرمينا من ابداعاتك
والف شكر

**هناء&خالد** · 13-03-2009, 05:14 PM

مشكوووووووووووووره حبيبتي على مشاركتنا في طريقتك الخاصه وأحلى حاجه فيك أنك تبسطي الامور للأخوات وماتتفلسفي عليهم عمال على بطال وثانيا أجدد شكري وننتظر جديدك

**amal250** · 13-03-2009, 07:17 PM

الله يعطيكى الف عافية يارب

وتسلمى على الوصفة الجميلة

والف هنا وعافية على قلوبكم يارب

**فراشةالربيع** · 13-03-2009, 07:26 PM

الطريقة الثانية
الشيفون كيك
كيك مناسب للتورتات ويمكن أن يؤكل
بدون حشو يستخدم فيه الزيت والماء
ويسمى شيفون لأن مسام الكيك
متناسقة زي الشيفون وذلك لإستخدام
الزيت ويحتفظ بطراوته فترة أطول
طريقته أصعب شوية من الكيك السابق
بس مش صعبة أوي والنتيجة حجمها
يستاهل وفيها خاصية هامة ريحتنى
جدا وهي ان يمكن تقسيمها باستخدام
الخيط وده بيخلي الطبقات متساوية
جدا وكمان سهل
عندي طريقتين طريقة باستخدم فيها 3
بيضات وبعملها مرتين ويبقى عندي
تورتة من أربع أدوار لصينية مقاس
22
وطريقة تانية باستخدم 5 بيضات وده
حجمها كبيييير لذلك لازم تكون
الصينية جوانبها عالية او تستخدمي
مقاس اكبر 26 مثلا
ملحوظة مهمة الصور المرفقة
بالموضوع مش صوري لأن صعب
جدا أصور وانا بشتغل لكن وبأمانة
هي لاتختلف أبدا عن الحقيقي سواء
في الشكل او الحجم
قبل مانخل في المقادير بديكم فكرة
عامة عن الكيكة
زي اقلتلكم قبل كده هي فيها ماء
وزيت وده بيخليها مسامها متناسقة
وطرية
بنفصل فيها الصفار عن البياض
بنخفق البياض مع جزء من السكر
حتى يصير مارنج
وباقي المكونات كلها مع بعض مرة
واحدة اسهل شويه من الإسفنجي
التقليدي واللي بنضرب الصفار مع
السكر ونضيف الدقيق بالمعلقة
روقاااااااااااااااااااان
نخلط البياض مع باقي المقادير
بالررررررررررراحه والخطوة ده زي
الكيكة الإسفنجية

نشوف بقى المقادير

نبدء بالطريقة الأولى
طريقة ال5 بيضات
(1)
5 صفار كبير
2كوب دقيق
1كوب سكر
3 م ص بودر
1/2 كوب زيت
فانيليا بشر ليمونة
3/4 كوب ماء
(2)
5 بياض
1/2 كوب سكر
عصير ليمون ملعقة كبيرة
تخلط كل المقادير (1)مع بعض
تخلط المقادير (2) مع بعض
تخلط واحد واتنين بهدووووووووووء
الصور توضح اكتر
توضع في فرن مسخن من قبل على
درجة 190 م لمده 50إلى 60 دقيقة
حسب فرنك
مش عارفة كده الشرح كفاية ولا لأ
لو افتكرت حاجة هقولهالكم
ولو عندكم أسئلة انا معاكم

حاجة مهمة
ممكن تستبدلي الماء بعصير لتغيير
طعم الكيك برتقال مثلا

**فراشةالربيع** · 13-03-2009, 07:33 PM

بس عندي ملاحظة على الصور
هما بيضيفوا خليط الصفار على البياض لكن انا بعمل العكس يعنى بضيف البياض إلى الصفار على دفعات اول دفعة بتخفف شوية مزيج الصفار بتحتاج تقليب أشد شوية من اللي بعدها
وكمان ملحوظة أحيانا لما بضيف الدقيق كله مع الصفار بلاقي المزيج تقيل في التقليب حسب نوع الدقيق فبسيب جزء من الدقيق للأخر يعنى بضيفه بعد ماخلط الصفار والبياض وده للسهولة مش أكتر وكل واحدة تجرب وحسب الدقيق

**شموع دامعه** · 13-03-2009, 07:38 PM

مشكوووووووووووووورة

**المطمئنه** · 13-03-2009, 09:52 PM

مشكور اختي
لكن ما طلعت عندي الصور

✿موضوع متميز✿لكل اللي طلبوا طريقتى بالتورتة