استفسار

عن شو قصدك يا قمر !!

شوفي هالرابط .. قصدك متل اللي موجود في الموضوع هاد يعني ؟

ايوة هذا هو و اذا امكن طريقة استخدامة اقدر استخدمة اذا بس غطيت الكيك بالكريمة واحط الورقة حولية او لازم شوكولاتة وبعدين اثبتة علية

انت شفتي حبيبتي الموضوع منيح

هاد عباره عن ملف مدرسه عارفاه ... انا قصيته لمستطيل يكون مناسب للحلى

وما بينفع ينحط عليه كريمه .. بدك شي يجمد عليه .. يعني شوكولاته السودا او البيضا
وحتى التوفي ما بعرف اذا بجمد عليه او لا

بالنسبه لموضوعي انا عملت حلى بارد .. يعني دهنت البلاستيك شوكولاته وحطيته في
القالب على الجوانب .. بعدين حطيته في الثلاجه .. وحضرت خليط الحلى وصبيته في القالب
ورجعته للثلاجه .. لمدة يوم على الأقل .. بعدين طلعته من الثلاجه ولانه قالب متحرك القاعده
فكيت الجوانب وشلت البلاستيك عن الشوكولاته شوي شوي

هلا بالنسبه للكيك العادي اللي محضر مسبقا .. انا ما جربت اعمله عليه .. وحتى في
التلفزيون .. ما شتفهم عملوها عليه .. بس ممكن الواحد يجرب .. لو أنا ممكن أدهن البلاستيك
شوكولاته وألفها حواليه منيح وأحطها في الثلاجه لحتى تجمد بعدين لما أشيلها بتكون عملت
الشكل المطلوب على جوانب الكيكه

وكمان ممكن بدل ما تدهنيها كلها شوكولاته من نفس اللون .. تدهني خط عريض شوكولاته
بيضا وبعدين خط عريض شوكولاته سودا .. وتعيدي الترتيب لحتى تخلص مساحة البلاستيكه

وبيطلع المنظر كتير حلو خط ابيض وخط اسود

ان شاء الله تكوني فهمت علي حبيبتي
واذا فيه سؤال تاني انا حاضره يا قمر

وشوفي هالطريقه كمان يا قمر في التزيين بطريقة البلاستيك

يعطيك الف عافية على الرد بس وين احصل على البلاستيك تبع التزين

حبيبتي ما بعرف اذا فيه بلاستيك معين وخاص للحلويات
ويمكن يكون فيه .. وعلى الأغلب راح تلاقيه في محلات الخاصه بأغراض الحلويات

انا ورينو في المواضيع اللي فاتت .. استخدمنا ملفات المدارس العاديه
قصيناها متل ما بدنا واستعملناها .. يعني دبرنا حالنا بدون محلات حلويات

وحتى رينو حاكيه في موضوعها ممكن تستعملي البلاستيك الموجود في الملابس الجديده
يعني عند ياقة القميص الجديد عادة بيكون فيه بلاستيك قوي وهاد منيح لاستعمالات الشوكولا

بس اذا ما حبيتي تستعملي الطرق هاي .. اسألي عندك عن محلات مستلزمات الحلويات
وهناك بتلاقي أي شي بدك ياه خاص للحلويات .. ان شاء الله اكون افدتك حبيبتي

مشكورة يا عمري على التوضيح

واسفة على التعب