-
-
يا عيني عليك حويجات من الاخير تهبل والله
عطيك الصحة يا روحي وما يحرمنا منك
عجبتني فكرة الكاخط في الابواق مع انهم قالولي لعيها قبل بس ما كنتش مقتنعة بيها
بس توة خلاص شفتها عيني عينك وطعت تهبل وناجحة باذن الله نجربها
المقروض حاجة مش عادية طلع مقروض رسمي ما يبصرش
اني شفته في الاول نسحاب مقروض بجديات بس مش معسل ههههههههههههه
عطيك الصحة كل ما يجي من ايديك يهبل.. { إِنَّ رَبَّكَ لَبِالْمِرْصَادِ }..
تعليق
-
ممكن وخيتتناالحبيبهطلب بسيط: ممكن المقادير المقروض الحار والبوريك ومقاديرالعجينه وبس ,,,,قولى شن خليتى
والمقروض حلو انا نقلى فيه انتى شكله فى الفرن والا لا؟
ومشكوره مقدما
الله يعطيك الصحه ويسلمووووووووتعليق
-
السلام عليكم
ماشالله زعمةقداش غبت عليكم ؟؟؟؟؟؟؟؟؟؟؟؟؟؟؟؟؟
خشيت بنسلم لقيت الملف عامر يعطيك الصحة كيتي منورة ماعنديش خلوق للكتيبةالحق يادوب انخزن وربي يستر ماحديلعبلي في الكمبيوتر
فكرةملف رمضان حلوة عجبتني علي بركةاللهتعليق
-
سلمها و نجيها يا ربي أيور ... كيف حالك ان شا ءالله تكوني بخير
بالنسبة للحلة ... حليها على آخر رقم عندك أني عندي آخر رقم 7 و بعدها ادهنيها بالزبدة أو السمن كيف ما تبي ... لكن لو تبيها حلوة زرقي شوية زيت للزبدة أو السمن يعني ما يقعدوش بروحهم و ادهني بيهم الورقات اللي عندك ... و هذا في حالة انك تبي اطيبي البوريك في الكوشة
و اي سؤال أني حاضرة
لو نعرف يا ماما الاء انه المقروض و الأبواق هما اللي بيدخلوك على الملف راهو درتهم من أول ما بديت نكتب في الملف هذا
نورتي يا حبيبة بهالطلة
و بالله عليك ما تغيبيش علينا و لو عندك حويجة حلوة أكرمينا بيها و انتي أهل الكرم
بالنسبة للمقروض هههههههههههههههههههه ضحكتيني يا عطيك السلامة ... لكن بنته حلوة
و بالنسبة للأبواق المهم تستخدمي ورق غليض شوية و تحاولي انك ما تضغطيش العجينة عليه هلبة باش ما تلصقش
سلمها يا ربي .... بالنسبة للبوريك هذا هو
البوريك متاع الورق الحلة
هو شكله زي بوريك الجبدة ... غير طبعا بوريك الجبدة خير لأنه يقرمش هلبة
العجينة : بياض بيضة + شوية ملح + زيت أو زبدة أو سمن + ماء + دقيق
الماء هنا حطيه على حسب كمية العجينة اللي تبيها زيها زي الزيت و الا الزبدة و الا السمن و طبعا ما يعجنهم دقيق و تخليها ترتاح حتى نص ساعة.
أني الحشو المفضل لدي في البوريك و خاصة النوعية هذه :
بيضة مطبوخة + ( معدنوس مفروم + بصل مفروم + فلفل أسود + قرفة + ملح ) و دبليهم على النار في طاوا فيها شوية زيت و الا زبدة و الا سمن + بطاطا مقلية و تكون رطبة مش مقرمشة و مقطعة مكعبات + و تقدري تزيدي عليه طروف دجاج ... أني ما نحطش في الدجاج بكل + أي نوع جبنة تحبيه + بيضة نية
تخلطي الحشو كله و امرسيه بايدك و الا بالشوكة و يولي زي العجينة و اللي تحب تزيده بهارات تحبها تزيد
نحل العجينة بمكينة الحلة لأخر رقم و بعدها ندهن كل شريط بالسمن و الا الزبدة و الأحلى انك تخلطي واحد منهم بالزيت و تدهنيه و تحشيها و تسكريها زي الحجيبات و الا صوابع و تدهنيها من فوق و ستفيها في الطاجين و طيبيها مش عادية
و لو تبي تقليه ما تدهنيشي احشي الشريط على طول و اقليها
و بالنسبة للمقروض أني نقلي فيه مرات و مرات في الكوشة و هذه طريقته
المقروض الحار :
3 بطاطا متوسطة مطبوخةو مهروسة ناعمة + 2 بيض + خبزة مرحية + ليمون + بيكنج باودر + لحم مفروم + بصل مفروم + معدنوس مفروم + فلفل أسود + ملح +قرفة + سمن
الكيمة : لحم مفروم و بصل و معدنوس و فلفل أسود و ملح و شوية قرفة و السمن و خليهم يطيبو زي الكيمة العادية .
تخلط البطاطا مع الخبزة المرحية و الليمون و البيكنج باودر و البيض و إذا كانت العجينة طايبة زيديها دقيق و معصميها لين تولي سهلة التشكيل و بعدها حطي فيها الكيمة و سكريها و معصميها زي المقروض و قصيها و نقرشيها زي المقروض و ضعيها في الفرن لين اطيب و تتحمر و ممكن تشكيلها مثل الفطائر و تحشى و تسكريها بالشوكة و تحطيها في الفرن أو تقليها و خودي معدنوس مفروم ناعم و رشيها بيها بعد ما اطيب.
و تفضلي أني جاهزة أسئلي اللي تبيه
سلمها ياربي المغتربة .... يا ريت تورينا و تتحفينا بإبداعك يا غالية
أما فكرة رمضان الحق اني عاجبتني و راح نستفيدو منها و لكن عندي سؤال في أي ركن نفتحوه في ركن المعجنات و الا ركن الأطباق الرئيسية
تعليق
-
ماشاء اله عليك ياكيتي والله شكلهم الحاجات ايهبلو بالنسبة لفكرة الكاغط متع الابواق حتي اني ماكنتش مقتنعة بيها لكن شكلهم الحويجات ايهبلوا تسلم الايادي والفكرة الملف التاني متع رمضان عجبتني وان شاء الله حانفيدوا ونستفيدوا
تعليق
-
تسلميلي يا جميلة يا صاحبة أحلى ملف و اللي هو ملفنا هذا و ربنا يحفظك .... و ان شاء الله نسعوله الملف الرمضاني بس لو فيه حد يقدر يفيدنا و يقولنا في أي ركن نقدرو نحطوه و اي يوم نفتحوه
اني نشوف انه نفتحوه من يوم الإربعاء أو الخميس بما أنه الجمعة أول يوم رمضان بعون الله تعالى
تعليق
-
كيتي
بسم الله ماشاء الله
ربي يسلم هاليديات
منووووووووورة
معليشي عندي سؤال غبي شوية
بخصوص المقروض الحشومايتبزعش والا اديريله في دحية باش يتماسك
تعليق
-
ماشاءلله على الليبيات منورات والله
تعليق
-
-
ماشاء الله عليبياااااااااااااااااااااات
ربي يحفظكن ويحرصكن من العين
سلمهن وسلم من جابهن
ربي يسعغدك يا صاحبه الاطباااااااااااااااااااااااق الزينه واللي تهبل
عطيك الصحه
[/CENTER]
تعليق
-
الله يسلمك يا حبيبة يا نوارة
و خودي اللي تبيه يا أم ياسمين و ما تنسيش تخلي طريف لياسمين باش حتى هي تتبنن معاك
بالنسبة للحشو تقدري تحطي بيضة باش تتماسك معاك الحشوة ... لكن اني نتفكر اني ما درتاش البيض لأني لما نكبس على العجينة تنشد معاها الحشوة
لكن فكرتك صحيحة انه الواحد يضمن الحشوة ما طيحش من المقروضة
سلم يا ربي أم ياسمين و حاشاك من الغباء يا حبيبة ... عمرك ما تقولي هكي ... بالعكس احنا نستفيدو من بعض عن طريق الأسئلة
نورتي الملف يا حرة .... كيف حالك
تعبك راحة يا غالية ... و اني في الخدمة و حاضرة في كل وقت 24 على 24
و ربنا يحفظك
كيف حالك ا ابريكة .... نورتي الملف يا غالية
تعليق
-
ماشاء الله عليك ياكيتي يسلمو ايدياتك على هالوصفات الروعة ومشكورة على اكلاتك اللي كتبتيها شكلها كلها روعة ...وان شاء الله نجرب منهم في رمضان ....بس التصوير هذا اللي مش اكيد
وعلى فكرة طريقة الورق في الابواق هاذي طريقتي من لما تعلمت هالاكلة ..واحيانا نعمل في ورق كراسة نتنيه ونلفه
وفكرة الملف المضاني عجبتني هلبة ..واقترح يتم فتحه في قسم المقبلات ...مجرد رأي
وعاد انتم صدقتوا اني بننسحب ...تي انا مانقدرش نستغنى عليكم ...حتى لو ماكتبتش ردود راني نطل كل مانحصل فضوة والا رصيد ...عاد راجلي هبلته بقصة الرصيد
...قالي ماتقوليليش وين يمشي هالرصيد 10 دينار اتم فيومين
تحياتي لكل الليبيات الحلواتالتعديل الأخير تم بواسطة اسيرة السهر; 17-08-2009, 02:09 PM.تعليق
-
سلمها يا ربي و نجيها هللي ما تستغناش علينا .... يا حبيبة يا غالية
و الله رعشتينا لما قلتي بننسحب بهدوء .... احنا ما نستغنوش عن الأصل يا أسيرة السهر
و الحمد لله اللي عجبوك الحاجات و ربنا يسترني معاك و يطلعو قنينات زيك
و بالنسبة للملف .... بارك الله فيك على الإقتراح ... لكن شن رايك يكون في قسم المعجنات ... لأنه السفرة راح يكون الغالبية العظمى فيها معجنات
و بالنسبة للتصوير ... ما تصوريش الخطوات بكل .... صوري صفرتك و شن فيها من أطباق و صوريها من أكثر من زاوية باش تسفهينا خخخخخخخخخخخخخخ
و سمي تحت الصورة شن هو اللي موجود ... باش اللي تعجبها حاجة تنقز عليك بسؤال باش نستفيدو كلنا و يا تجاوبيها انتي و الا لو فيه وحدة من البنات تعرفها تجاوبها و هما البنات ما يقصروش
ان شاء الله تعجبكم الفكرة
بالنسبة ليا راح نفتح الملف يوم الخميس في الركن اللي تختاروه و لو ما اخترتوش راح نفتحه في ركن المعجنات و نبدأ بالصفرة متاعي و نسمي ..... و نتكنى انكم تشاركوني ...
و راح نحطلكم الرابط هنا بعون الله
تعليق
تويت
بارك الله فيك تعبتك
تعليق