تويت
سلم يا ربي نانا اللي حاضرة و تعاون في الكل
ربي ما يغيبك علينا يا حنينة
ربي ما يغيبك علينا يا حنينة
-
-
حلوة الوردة...اكيد بالصور</STRONG>
المقادير:
2 بيضات
-2 زلافات الطحين
-نصف زلافة سكر
-1 فاني
-زلافة و نص ماء
-عسل
-زنجلان للتزيين
-زيت للقلي
الطريقة:
خلطي البيض السكر فاني و الماء ثم الطحين بشوية بشوية ثم سخني الزيت و خدي الطابع و وضعيه في الزيت الساخن لدقائق ثم غطسيه في الخليط ما خاصوش يتغطس كامل غير من تحت ثم وضعيه في الزيت و الووردات غينزلو وحدهم في الزيت و لما يتحمرو من الوجهين غطسيهم في العسل و زينيهم بالزنجلان
[img]
[/img]
[img]
[/img]
هذا الطريقة مصورة والاخت نانا منزله طريقته وان لااسف كانت نعمل فيه لكن الاله والطريقة في ليبيا ان شاء الله كان سخر ربي ما نسيت نكتبة لكن بعد مدة انت كان عندك طريقه معينة جربية وهذا كيفية الاستخدام طريقة اخت مغربية وحتي في المنتدي اخت منزلتة توا ندور الرابط كان لقيته
ان شاء الله افدتكتعليق
-
كيتي الله يبارك فيك والله اني نحاول غلي قد مانقدر نكون معاكم والله كاان نقولك اني توا كوجينتي الله لالالالالالالالا تروعك مقلللللللللللللللوبة حالة حالة حالة هما دباير وبهارت علي شكاير ماكنتش نندري هالكوجينة ماتلمممم وهالدواليب مايحملو واني كنت هازية ونقول ياغيبة كوجينة حوش بوي هههههه الحمد لله علي كل حال
ولاكن بادن الله مانقصر معاكم بادن الله
واهو ام الياسمني قامت بالواجب ونزلت تصاويرها واني عندي نفس الفورمة ويا ام الياسمين راهو حتى في امريكا لقيتها اكيدة تلقيها حتى انت لو اتدوري ان شاء الله تلقيها بصراحة رووووووووووعة في رمضان تقولي الدبلة امتعنا روعة روعة
كيتي قوليلي في الماقدير امتع الحلويات كتبتي بيكن باودر من غير مقدار زعمة قصدك كيس ؟؟
وياريت توريني طريقة هالفرارة ماخشتليش راس هلبة نخاف لما بنديرها نتلخبط هادا لو مافيش غلبة راهو وكان فيها تشحوير فوتي الموضوع عادي انفورمها وخلاص كيف ماتجي
وشن تاني وشن تاني مممممممم واه التمانيات قصدك يولي شكل التماية هادي 8 ولا تمانية العيون الانجليزية ؟؟؟ راني تلخبطت لان كمبيوتري تكتب في التمانية هكي مرات من غير مانبيه قلت بالك دارها فيا حتى توا نبي نكتب الانجليظية يعطيهاله ماباشتعليق
-
حلوة الوردة...اكيد بالصور</STRONG>
المقادير:
2 بيضات
-2 زلافات الطحين
-نصف زلافة سكر
-1 فاني
-زلافة و نص ماء
-عسل
-زنجلان للتزيين
-زيت للقلي
الطريقة:
خلطي البيض السكر فاني و الماء ثم الطحين بشوية بشوية ثم سخني الزيت و خدي الطابع و وضعيه في الزيت الساخن لدقائق ثم غطسيه في الخليط ما خاصوش يتغطس كامل غير من تحت ثم وضعيه في الزيت و الووردات غينزلو وحدهم في الزيت و لما يتحمرو من الوجهين غطسيهم في العسل و زينيهم بالزنجلان
[img][/img]
[img][/img]
هذا الطريقة مصورة والاخت نانا منزله طريقته وان لااسف كانت نعمل فيه لكن الاله والطريقة في ليبيا ان شاء الله كان سخر ربي ما نسيت نكتبة لكن بعد مدة انت كان عندك طريقه معينة جربية وهذا كيفية الاستخدام طريقة اخت مغربية وحتي في المنتدي اخت منزلتة توا ندور الرابط كان لقيته
ان شاء الله افدتك
ما شاء الله مش عادية يسلمو هالإيدين
روعة منظرها و الباين بنتها مش عادية
ربنا يحفظك
تعليق
-
ربنا يكملك المحوال على خير و تستريحي يا غالية و تكون عتبة خير عليك و على رويجلك
بالنسبة للبيكنج باودر لما نذكره هكي من غير مكيال معناها ظرف تام
و بالنسبة للفرارة راح نحاول نحط رسم ليها و الا انديرها ان شاء الله
و الثمانيات هي رقم 8 بالإنجليزي
و أي سؤال أني حاضرة
فيه بعض الأكلات اللي اني منزلتها في المنتدى غير بس لأنهم ليهم من السنة اللي فاتت فالصور كلها راحت راح نحاول انزلها مرة ثانية و نعطيكم اللينك
تعليق
-
السلام عليكم اخت nana
لم استطع فتح رسالتك او ارسال رسالة مش عارفة كل مواصفاتك نسرين اني كنت في اوريغون في كرفالس وبعدين حولت ونسرين في بورتلند بالله عليك لو انتي قوليلي على فكرة حاولت نضرب على رقمك اعطاني مسج رديت عليه على امل انك مازلتي ماحولتيشتعليق
-
الله يعاونك يا نانا ... لو تبيها انديرها على القيسطو خودي مني سنة و الا سنتين على الأقل باش نتفكرها ههههههههههههههههههه .... وخيتك من يوم بدت تخدم دماغها خلاص اللي قدامي انديره و اللي مش قدامي ننساه ... الله يكون في العون و خلاص
هههههههههههههههههههههههههههههههههههههههههههههه
ضحكتيني يا عطيك الهنا يا ربي على كلمة السامسونايت
لو تشوفي الكراسة اللي عندي تقولي هي بروحها زي السامسونايت من كثر ما معبية ورق و المشكلة كل ما انقل حاجة و تعجبني و نقرر انديرها نلقى روحي لاهية في حاجة ثانية تأخر فيا على تطبيقها
و راجلي كل ما يشوفها الكراسة و يلقاني مقعمزة على موقع لكي يقولي اليوم مرتي بدير قنبلة الموسم اللي ما نشوفوش فيها الا من السنة للسنة ((( خخخخخخ طبعا بصارة .... على اساس اني ما نشكلش الا في رمضان و الا في مناسبة ))))
الحق لما كنت بنت كنت ما نخلي ما ندير اللي نسمع بيها الأكلة نمشي طول نطبقها و لو لقيت مستلزماتها ناقصة و تبي شري نقعد نلمد في الفلوس على خاطرها باش انديرها .... و بعد ما تزوجت اللي جاني جاني سبحان الله فشلت و حسيت روحي مش ناشطة كيف ما كنت بنت .... ممكن يرجع العامل انه بين عيلتك فيه تشجيع كبير .... لكن مع عيلة زوجك انتو تعرفو شن نقصد
يلا الواحد خاطره يدير أحلى ما عنده
أني طولت عليكم و بديت نسرد في قصة مش رد
و الباين اني سهرانة بروحي
الله يبارك فيك يا أم ياسمين على الدعوة الحلوة و ليك مثلها يا رب و يجعلها في ميزان حسناتك يا غالية
تعليق
-
حبيباتي نبي نكمل باقي الأكلات اللي عندي و ان شاء الله تستفيدو منهم كيف ما استفدت منكم هلبة هلبة :
البوريك متاع الورق الحلة
هو شكله زي بوريك الجبدة ... غير طبعا بوريك الجبدة خير لأنه يقرمش هلبة
العجينة : بياض بيضة + شوية ملح + زيت أو زبدة أو سمن + ماء + دقيق
الماء هنا حطيه على حسب كمية العجينة اللي تبيها زيها زي الزيت و الا الزبدة و الا السمن و طبعا ما يعجنهم دقيق و تخليها ترتاح حتى نص ساعة.
أني الحشو المفضل لدي في البوريك و خاصة النوعية هذه :
بيضة مطبوخة + ( معدنوس مفروم + بصل مفروم + فلفل أسود + قرفة + ملح ) و دبليهم على النار في طاوا فيها شوية زيت و الا زبدة و الا سمن + بطاطا مقلية و تكون رطبة مش مقرمشة و مقطعة مكعبات + و تقدري تزيدي عليه طروف دجاج ... أني ما نحطش في الدجاج بكل + أي نوع جبنة تحبيه + بيضة نية
تخلطي الحشو كله و امرسيه بايدك و الا بالشوكة و يولي زي العجينة و اللي تحب تزيده بهارات تحبها تزيد
نحل العجينة بمكينة الحلة لأخر رقم و بعدها ندهن كل شريط بالسمن و الا الزبدة و الأحلى انك تخلطي واحد منهم بالزيت و تدهنيه و تحشيها و تسكريها زي الحجيبات و الا صوابع و تدهنيها من فوق و ستفيها في الطاجين و طيبيها مش عادية
و لو تبي تقليه ما تدهنيشي احشي الشريط على طول و اقليها
المرقاز
ناخد في مصارين الخروف الرقيقة و طبعا تقعدلي من العيد الكبيرة ... اندير منه عصبان و منه مرقاز
حشو المرقاز : لحم مفروم + ثوم + فلفل أسود + كسبر مرحي + فلفل أحمر + ملح + بصل مفروم ناعم + كروية مرحية
و نخلطهم و نحشي بيهم المصارين بالقمع الرقيق و نقطعهم بعد ما نحشيهم و من الأفضل انه يكونو جنابه مش معبيات و نقليه
و خديت طريقة حلوة من منتدانا أنه ندير عجينه العشر دقائق و نديرها زي الصويبعات و نطيبها في الكوشة و بعدين نفتحها زي الخبزة و ندهنها بالهريسة و نحط مرقازة وحدة و زيدي انتي الباقي لو تحبي
كراكيب رز محشية
اطيبي الرز زي الرز بلاو و يكون طايب كويس و تخليه لين يبرد و ضعي عليه بيض و خبزة مرحية و شوية من وجه مرقة الكيمة الحمرا ( الكيمة العادية نحط معاها في بازيليا و طماطم حكة و شوية فلفل أحمر ) و راح يولي لونه شوية أحمر و لما تزيديه خليه لين تحسي انه بدي يتشكل في ايدك
خودي شوية منه و ديريها كركوبة و احفريها و احشيها بالكيمة و سكريها كويس و اقليها في زيت ساخن هلبة لأنه كل شيء فيه طايب و اقلبي أول ما تتحمر و ردي بالك يتفترش منك المهم القلب في الزيت و كولي بالهناء
عجينة اللازانيا
4 بيضات + ملح + ما يعجنهم دقيق
ترتاح العجينة و تحل بالماكينة متاع الحلة و بعدها ناخد كل شريط نقصه مربعات و نوتي فوطة كبيرة باش تسد الورق اللي عندي كله و نكون في نفس الوقت موتية طنجرة فيها مية و ملح و نخلوها تغلي و نبدا نحط بالمربعين بالثلاثة و خليهم لين تشوفيهم بدو شكلهم زي المكرونة يعني ممكن دقيقتين على حسب نوع العجينة و طلعيها من الطنجرة و ستفيها فوق الفوطة كل ورقة بروحها و خليها تبرد و تجف و استخدميها زي اللازانيا أو حتى زي الكلوني و احشيها .
كباب دجاج
دجاج مطبوخ و افرميه كويس بالسكين و حطي عليه ملح و بزار و جميع البهارات اللي تحبيها و بصل مفروم ناعم و ثومة ناعمة و نحط عليه بيض و خبزة مرحية و نخليهم زي العجينة و نشكلهم صوابع و نقليهم و الا نشويهم .
السمبوسة (فطائر )
بيضة + كوب زبدة سائحة + كوب حليب عادي مش مركز و يكون دافي+ ملعقة صغية خميرة + ملح + ما يعجنهم دقيق
و تكون العجينة رطبه و نشكلها بالفورمة متاع السمبوسة و نحشيها و ندهنها بصفار البيض و نرش عليها سمسم و نحطها في الكوشة لين تتحمر.
كفتة دجاج
دجاج مفروم و يتبل بالملح و الفلفل الأسود و الثومة و نعجنه و بعدين ناخد منه شوية و نديره كركوبة و نحفره و نحشيه ( معدنوس مفروم ناعم +بصل مفروم ناعم + ملح + فلفل اسود + و شوية زبدة + و في الاخير جبنة ) يعني ندبلهم على الزبدة و بعد ما نحشيهم نحط معاهم شوية جبنة و نسكرها الكركوبة و نثبتها كويس و نحطها في دقيق و بعدين بيض و بعدين خبزة مرحية و اقليها .
كوسة بالبشاميل
ناخد كوسات يكونو طوال شوية و مش كبار و نقسمهم على اثنين و نحفرهم و نحشيهم بالكيمة الطايبة العادية و تكون مخلطة مع بيض و مكسرات ثم ضعيها في طاجين و غطيها بالسلفر و ضعيها بالفرن حتى النضج و بعدها صبي على كل وحدة بشاميل و حطيها مرة ثانية و خليها تتحمر من فوق.
فطائر بالخضرة
العجينة : كوب حليب غير مركز + كوب ماء + بيضة + ملح + ظرف بيكنج باودر + ملعقة سمن غير سائحة + ما يعجنهم دقيق
و تكون العجينة لا يابسة و لا رطبة تكون وسط و تساعد على الحل بالنشابة و نخليها ترتاح على الأقل نص ساعة
الحشو : جزر مقطع مكعبات + بصل مقطع مكعبات + فلفل حلو مقطع مكعبات + بطاطا مقطعة مكعبات + بتنجال مقطع مكعبات ( و كلهم يتم قليهم حتى النضج ) + بازيلياء طايبة
و بعد ما نخلطهم كلهم نحط عليهم ملح و فلفل أسود و شرائح زيتون فقط و نكون حالة العجينة و قاصتيها دوائر و احشي كل دائرة و ضعي فوق الحشو شوية جبنة و سكريها و ادهنيها بيباض البيض و السمسم و في الفرن على طول .
السيخ
بطاطا مقلية مكعبات و دجاج مطبخ و مقطع طروف و فلفل حلو مكعبات و زيتون مقصوصة على نصفين من غير قلب و طماطم مكعبات و نشكلهم في السيخ وحدة بوحدة و نضع السيخ في البيض ثم الخبزة المرحية ثم البيض مرة أخرى ثم الخبزة المرحية و نقليه و بعد ما يتم كله نحط عليه جمرة بياضة في الوسط و حطي عليها شوية زيت و غميها و بعد ما يبرد نحي الأسياخ من الحشو باش يقعد الحشو بروحه و فيه نكهة الشوا
أبواق
وب حليب + كوب زيت + كوب ماء دافئ + خميرة + ملح + ملعقة صغيرة بيكنج باودر + ما يعجنهم دقيق
ناخد الأبواق الجاهزة و ندهنها و لو ما عندكش تقدري تاخدي الورق المقوى و تلفيه زي البوق الصغير و تدهنيه شوية و ابرمي العجينة زي الكعك و خودي كل برمة و لفيها على البوق للأخير و هنا على حسب رغبتك في كبر البوق لأنك كل ما لفيتي راح يكبر البوق و خلي شوية مسافة بين اللفات ما تبانش و ادهنيه من جهة وحدة ببياض بيضة و سمسم و حطه في الطاجين على الجهة اللي مش مدهونة و بعد ما يطيب و يبرد شوية نحي الأبوق منه و احشيه باللي تبيه
سمبوسة هندية
آسفة لقيت روحي واخدتها من موقع لكي لكن مجربتها تهبل
تعليق
-
شكرا اوخيتى عالوصفات بس فكرة المرقاز هذى جديده اول مره نسمع بيه يعنى قصدك نقطعهم قبل القلى ما يطلعش الحشو؟؟تعليق
-
نكملو مع الحلو يا حلوات :
كعك مظفور :
كوب زيت + كوب سمن أو زبدة + كوب حليب مركز + ظرف بيكنج باودر + ملح + ملعقة صغيرة خميرة مع قليل من الماء الدافي و السكر + ما يعجنهم دقيق
نعجن العجينة و نخليها تخمر ساعة و بعدين نبرمها و نشكلها زي الظفيرة بس صغيرات يعني رقم 8 بالإنجليزي غير الدويرة متاع الثمانية اللي لوطة مفتوحة و اهنيها بالحليب المركز و حطي عليها كمون أسود و في الكوشة طول
كعك عبابيد ( الكرايم ):
2 كوب زيت + 6 ملاعق نشا + 6 ملاعق سكر ناعم + 2 بيض + فانيليا + ظرف بيكنج باودر + ما يعجنهم دقيق
تعجن و تعمل العجينة مثل عبود الزميطة أو الكرايم متاع الصوابع و تشكليها ما بين صوابعك و توضع في الفرن ثم ممكن تعسليها أو ترشي عليها سكر ناعم أو تغمسي جزء منها في الشكلاطة الكحلة و الجزء الآخر في الشكلاطة البيضاء .
القلب :
كوب زبدة + 1 و ربع كوب نشا + نصف كوب سكر مرحي + نصف ملعقة صغيرة بيكنج باودر + بيضة + فانيليا + ما يعجنهم دقيق
نعجن العجينة و نحلها و تكون غليضة شوية و نقصها بفورمة القلب و نضعها في الفرن و بعدين نغلفها بالشكلاطة و يمكن عمل قالب الجبنة منها بحيث يتم تقطيه العجينة مثلثات بدل قلوب و تكون مثلثات بكبر جبنة المثلثات و بعد ما اطيب غلفيها بالشكلاطة البيضاء.
باسطي الطاسة :
4 بيضات + 4 ملاعق دقيق + 4 ملاعق سكر + 4 ملاعق زيت + ظرف بيكنج باودر + فانيليا + نصف كوب جوز هند + شكلاطة نوتيله و الا كاكاو
نخلط الخليط و نقسمه نصفين الأول نخلطه بجوز الهند و الثاني بالشكلاطة أو الكاكاو و ناخد طواسي الشاهي الزمنيات المرش المخططات متاع العالة و ندهنهم بالزيت و نضع بها جزء من النصف الأول و نحط عليه جزء من النصف الثاني بحيث ما يكونش ارتفاع الخليط هلبة يكون فوق نص الطاسة بشوية باش نخليلها مسافة للإرتفاع هكذا لين يتم الخليط على الطواسي كلهم و نوتي طنجرة و كسكاس و نحط المية في الطنجرة و نخليها تغلي و نحط الكسكاس عليها و نستف الطواسي فيه و يكونو في وسط الكسكاس بعاد عن جوانبه لأنه جوانبه يبدو يقطرو في المية و راح يفسدو الكيكة و نغم الكسكاس بالمغطة متاعه و نخليه بس ربع ساعة لا اكثر و لا اقل المهم لما حطيتي الطواسي كانت المية تغلي غلي ثم نخرج الأكواب من الكسكاس و نخليها تبرد شوية و نحيها من الطاسة بشيء حاد و يكون صغير و نع عليهم مربى و نرش باللوز المجروش.
كوكوبرنج :
رغم اني لقيت وحدة هنا في المنتدى حاطاته و نسيت اسمها لكن نكتب طريقتي عادي :
2 بيض + واحد و نص كوب نشا + كوب زبدة + كوب زيت + كوب سكر ناعم + ظرف بيكنج باودر + ما يعجنهم دقيق
تعجني العجينة و تقصيها دوائر و اطيبيها في الكوشة و بعدين لصقي كل دورتين بشكلاطة و الا مربى و غلفيهم الزوز بالشكلاطة الكحلة و رشي عليهم مكسرات
الحجيبات :
4 ملاعق سمن + 4 بيضات + شوية عطر + شوية ماء + ملح + ما يعجنهم دقيق
الحشو : لوز مرحي و حاطه عليه شوية سمن و سكر ناعم و عطر
تحلي العجينة بمكينة الحلة و تحاولي تجبدي العجينة و انتي تحلي و بعدين ادهنيها بالسمن و حطي فيها الحشو و لفيها مثلثات و اقليها و عسليها .
كعك الجيجلان المعسل :
نفس الشيء لقيته من ضمن أكلات لكي و بنته جناااااااااااااااااااااااااااااااان
و ان شاء الله ما نسيت شيء
و نحاول اني ندور على روابط المواضيع اللي درتهم و انزل الصور باش تستفيدو
تعليق
-
كيتى بصراحه انت تبذلى فى مجهود جبار ربى يعطيك الاجرتعليق
تعليق