الي اخواتي ليبيات

**روني الحلوة** · 22-09-2008, 03:53 AM

المشاركة الأصلية بواسطة ماما الاء

مرحبتين وخياتي
وينكم عويلة
مش مبينين اليوم شكلي ساهرة بروحي
جبت ليكم صورة النجاصة اليوم درتها على الفطور بس الحق وليدي مش فاضي مش ينزل الصور فحتقعد لغدوة مش انزلها في موضوع على المنتدى
بس جايبة ليكم صورتها
هي تفضلووووو

وهذي الغريبة مش عادية بكل واني متاكدة ريحة زيت العطر واصلتكم لحد عندكم

صحتييييييييين وكل سنة وانتو بخير

ياسعدود عويلتك بيك كل يوم ياكلوا ويتبننوا
النجيصات شكلهم ايسفه
والغريبه فعلا صنتها فايحة لعندي
ماشاء الله عليك

**روني الحلوة** · 22-09-2008, 03:55 AM

المشاركة الأصلية بواسطة hananlibya

اه اها اه عييت من القرايا عيوني طلعوا ماشاء الله شن هاربداع كل حاجة اتشره انه الواحد ايديرها

ان شاء الله نقراء الموضوع من الاول بس توة عييت

على فكرة مريت على الانجاصة ههههههه عرفت انها حار بي هدي اني انسمي فيها الافخاد الكذابة لو ش غالطة درتها اليومين اللي فاتوا روعة

الام الحنون ياحبيبة تلقيها الطريقة كاتبتها الغالية ماما الآء في الصفحات اللي قبل

تسلموا يابنات و الله اللمة حلوة

مرحبين بيك ياحبيبة انستى وشرفتى ملفنا
متعرفيش قداش عاجبتنى اطباقك بالحق بالحق انت شيف مع مرتبة الشرف ربي يحفظك

**mof** · 22-09-2008, 06:49 AM

المشاركة الأصلية بواسطة روني الحلوة

انت اللي ربي يونسك بصحيحتك وعويلتك وياريت لما نمشي نتلاقوا وانى عندي احساس انك تعرفي وخيتى

ربي انشاء الله يونسنا بيك اكيد و علاش لا نانسو و نتشرفو بمعرفتك ..و انى كيف بنعرفها اختك؟؟ انى نحس فيك طرابلسيه ؟!! باهى وين اختك تسكن فى ماليزيا قصدى المنطقه على الاقل؟!

**mof** · 22-09-2008, 07:02 AM

سلم هاالايديات يا ربي ... ربي يحفظهم من العين يا ماما الاء

يا بنات نبى طريقة الكعك الحلو الحقانى مره يجينى يابس و مره يتهسهس و مره اتجينى فيه الخميره مافيش مره درته و راضيه عليه

ومقاديري فيه 2 كوب زيت و كوب سكر و معاهم كوب ماء و ربع ملعقه صغيره منياكا و ما يعجن دقيق و الكمامين طبعا.

و طريقتى هو اندوب السكر فى الميه الدافيه و بعدين نصب عليهم الزيت و المنياكا و بعدين الدقيق صح هكى ؟؟؟؟ باهى تحطوله بيكنباودر؟؟؟؟؟ بالله اللى تعرفه سره تقولى وانشاء الله فى ميزان حسناتكم و يعطيكم صحيحتكم ... لنا لقاء ان شاء الله

**بريق الابتسامه** · 22-09-2008, 07:08 AM

مشكووورة أخيتي ..

تسلم يمنآكِ ..

**ماما الاء** · 22-09-2008, 11:39 AM

المشاركة الأصلية بواسطة الورده الدهبيه

ما شاء الله ماشاء الله
تحفة رائئئئئئئئئئئئئئئع جدا
الانجاصات كلهم لي انا ما في حد يلمسهم وحدة شريرة بصراحة قمة في الرووووووووووعة
تسلم ايديك وربي يعطيك صححتك ويسلمك

خيرنا عاد وردتنا
معقولة يجي منه هذا الكلام اني عارفة حنينة ومش متاع شر بكل
ربي يخلي لينا قليبيك الطيب وابدعاتك اللي تجنن

**ماما الاء** · 22-09-2008, 11:49 AM

المشاركة الأصلية بواسطة hananlibya

ماشاء الله شن هىنجاصات شن هدو حلو و الا مالح
و الا الغريبة ماشاء الله حويجات العيد بدت اتبان و الله صنة العطر فاحت في خشمي

تسلم ايدياتك ماما الآء

ما شاء الله عليك انتي فنانتنا
واليوم باذن الله حنزل النجاصات في ركن المقبلات بس تفضى الخدمة عليا شوية وانزلهم باذن الله
لنا عودة
سلام يا عسل

**ماما الاء** · 22-09-2008, 11:55 AM

المشاركة الأصلية بواسطة ألأم الحنون

اهلين ماما الاء انا قريب انموت بيش نعرف الطريقة توا لانو بكرة عندي عزومة ...... هكي تهبليني بالصور...... علي العموم تسلميلي يارب و تسلم ايدك

بعيد السو على قلبي اني
هيا ساهلة جدا واني كتبتها في صفحات قبل
تسلقي دجاج مع توابل الرز مع ملح وبصل بعد ما ينسلق تحطيه في البلندر مع دحية وبصلة صغيرة وتوتي كيمة عادية بالصنوبر او اللوز وتبدي تكببي عجينة الدجاج لو لقيتيها مرخية تقدري تزيديها خبزة مريحة المهم تكببيها زي الكبة وتحشيها بشوية كيمة وتشكليها على هيئة نجاصة وتحطيها في الدحي والخبزة المرحية وتقليها في زيت سخون جدا مش ما تتفترش منك وبسرعة راه لانها تنحرق على طول
وبعدين تخليها تبرد وترشقيها فوق بورقة من اي شئ عندك اني امس استخدمت وراقي شجرة الحنة لانها صغيرة ومناسبة للشكل ترشقيها بعود قرنفل وبالصحة عليكم
وسامحيني والله في الشغل ومستعجلة كان هذا راه نزلت المضووع كامل بس مع الليل حيكون نازل باذن الله
وكان في اي خطا مطبعي اعذريني لاني مش حنقدر نراجع شن كتبت لضيق الوقت
لنا عودة
سلام يا عسل

**ماما الاء** · 22-09-2008, 12:00 PM

المشاركة الأصلية بواسطة hananlibya

اه اها اه عييت من القرايا عيوني طلعوا ماشاء الله شن هاربداع كل حاجة اتشره انه الواحد ايديرها

ان شاء الله نقراء الموضوع من الاول بس توة عييت

على فكرة مريت على الانجاصة ههههههه عرفت انها حار بي هدي اني انسمي فيها الافخاد الكذابة لو ش غالطة درتها اليومين اللي فاتوا روعة

الام الحنون ياحبيبة تلقيها الطريقة كاتبتها الغالية ماما الآء في الصفحات اللي قبل

تسلموا يابنات و الله اللمة حلوة

اخ يا ريتني عرفت انك لقيتيهم كان هذا ما كتبتش للام الحنون الطريقة من اول وجديد
يلا ما علينا المهم تلقوهم وتجربوهم والله تحفة بنتهم خرافة
واهم خطوة انكم تسلقو الدجاج في دباير الرز مش يطلع فايح لان متاع المحلات اني ضقته بنته مش حلوة بكل لانهم ما يهتموش بالتفاصيل
ومش معطلة عليكم
راااااااااجعة ليكم

**ماما الاء** · 22-09-2008, 12:05 PM

المشاركة الأصلية بواسطة روني الحلوة

معقولة الحبيبة ماما الاء تحط ايدها في حويجة وتجى ماتنفعش توا هذا كلام وهاليديات اللي يتلفوا بحرير يطلعوا حاجة ماتنفعش طبعا لا لهذا اكيد بنتهم حلوة تاكلوهم بالهنى

حي عليا حي قداش من الكلام الحلو هذا
والله يا بنتي ما نبيك تاخذي فيا مقلب راه مش للدرجة هذي
كان شفتيني امس واني واقفة على الكوشة واني نولد ونقمط ونراجي في اللي حيطلع سبع والا ضبع شن تقولي عليا ههههههههههه مهبولة رسمي ههههههههههه
الله يعطيك الصحة يا حلوة ويخليلك صغيويرتك ووبيهم وكل احبابك

**ماما الاء** · 22-09-2008, 12:08 PM

المشاركة الأصلية بواسطة روني الحلوة

ياسعدود عويلتك بيك كل يوم ياكلوا ويتبننوا
النجيصات شكلهم ايسفه
والغريبه فعلا صنتها فايحة لعندي
ماشاء الله عليك

والله تبي الحق
يا سعدي باحمد
ويا سعدي بيكم
ويا سعدي بعويلتي
ويا سعدي بصحابي
ويا سعدي بناسي واهلي
ويا سعدي بكل شئ حولية
الحمد لله رب العالمين

**جميلة الكون** · 22-09-2008, 12:43 PM

والله ماشاء الله عليك ياماما الاء شنوا هل النجيصات وهل الغربية والله شكلهم بنة وصنة
ربي ان شاء الله يحفظك ويسلم ايديتك
مشكورة والله يعطيك العافية

**ماما الاء** · 22-09-2008, 01:02 PM

المشاركة الأصلية بواسطة mof

سلم هاالايديات يا ربي ... ربي يحفظهم من العين يا ماما الاء

يا بنات نبى طريقة الكعك الحلو الحقانى مره يجينى يابس و مره يتهسهس و مره اتجينى فيه الخميره مافيش مره درته و راضيه عليه

ومقاديري فيه 2 كوب زيت و كوب سكر و معاهم كوب ماء و ربع ملعقه صغيره منياكا و ما يعجن دقيق و الكمامين طبعا.

و طريقتى هو اندوب السكر فى الميه الدافيه و بعدين نصب عليهم الزيت و المنياكا و بعدين الدقيق صح هكى ؟؟؟؟ باهى تحطوله بيكنباودر؟؟؟؟؟ بالله اللى تعرفه سره تقولى وانشاء الله فى ميزان حسناتكم و يعطيكم صحيحتكم ... لنا لقاء ان شاء الله

الله يسلمك يا حبيبة
الكعك الحلو نزلته قبل يا ريت تشوفي الصفحات اللي قبل
نزلت طريقة المنياكة بس توة والله ما نتفكره
بس تقريبا زي ما قلتي طاستين بطاسة
وكاشيك صغير منياكة وكاشيك صغير بكمبودر وكمامين وما يعجنهم دقيق
واكيد فيه بكمبودر
بس اني نعجن فيه بارد وماندفي المية بكل
راجي الصفحات اللي قبل وان شاء الله تلقي غايتك
سلام يا عسل

**ماما الاء** · 22-09-2008, 01:27 PM

المشاركة الأصلية بواسطة جميلة الكون

والله ماشاء الله عليك ياماما الاء شنوا هل النجيصات وهل الغربية والله شكلهم بنة وصنة
ربي ان شاء الله يحفظك ويسلم ايديتك
مشكورة والله يعطيك العافية

اهلين جمولة
والله انتي ايديك اللي ينباسو لانك فتحتي لينا هذا الموضوع
الله يعطيك الصحة
جمعتي كل الطاقات الليبية هني
وزاد الموضوع من حماسنا
والله بديت نطيب باليمين ونصور باليسار
وحتى العيلة عندي فرحانين بيكم وديما يسالو فيا شن صار
خذيتو عقولنا وقلوبنا
الله يعطيك الصحة وهنيا لينا بيك

**زينب محمد 2** · 22-09-2008, 02:07 PM

السلام عليكم و رحمة الله و بركاته

يسلموا الايادي ماما الاء

اختي mof

بالنسبة للكعك الحلو هذه طريقة الكعك يذوب فيها في الفم

كوبين زيت نضيف لهم كوب ماء ساخن مذاب فيه كوب سكر و نضيف ظرفين

بيكنج بودر كاملات و الدقيق مايعجن.

و اذا كنتي تبي تبرميه بيديك ضيفي الكمامين

اما اذا كنتي تبي تشكليه بالفورمة اللي تركب على ماكينة الطماطم الزمنية

اللي يطلع بها شكل الكعك منبرش روعة

ماتضيفيش الكمامين لانها تغلق الفتحة و ماتخليش العجينة تطلع.

جربيه على ضمانتي و قوليلي رأيك

صحتين و عافية

الي اخواتي ليبيات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق