تويت
مرحبتين ياكيتي ما نحسابكش قاعدة
منورة الملف بطلاتك
وفكرة ركن المعجنات يمكن تكون انسب فعلا وانا معاك
منورة الملف بطلاتك
وفكرة ركن المعجنات يمكن تكون انسب فعلا وانا معاك
-
-
ممكن نسأل عن طريقة طاجين الجبنة ....عاد توا تقولوا عليا ماقدمها
بس حبيت نتأكد هل هي نفس طريقتي والا لا
تعليق
-
أني عندي طاجين جبنة لكن بالبطاطا
و راح نقولك عليه و ان شاء الله يطلع هو :
تاخدي بطاطا متوسطة الطولو الحجم و تقصيها كيف ما تقصي البطاطا للمبطن و يكون عددها على حسب الطاجين اللي عندك ... تقليها كويس و ما تخليهاش تتحمر هلبة
و خودي طاجين و ستفي فيه الطبقة الأولى شرائح البطاطا المقلية و بعدين رشي عليها الجبنة اللي خاطرك فيها أني نحط في الجبنة التشدر و الموتزريلا و نرش شوية زعتر عليهم و نستف طبقة ثانية من البطاطا المقلية و نرش عليها جبنة و زعتر و بعدين آخر طبقة جبنة و زعتر و رشقيها بالزيتون و حطيها في الفرن لين تسيح الجبنة و تتحمر و بعدها خليها حتى ساعة تبرد و قصيها و راهي مش عادية لكن قوية هلبة يعني طرف و بعدها تفقدي الوعي من الحلاوة
تقدري ادير طبقتين بطاطا و بينهم جبنة بس و ترشي من فوق جبنة يعني الطبقات اختيارية
و حاجة ثانية لو حبيتي البطاطا مبهرة ... قبل لا تقليها قصيها شرائح و حطيلها ملح و البهار اللي تحبيه و خليها ساعة تمص البهار و بعدها اقليها تعطيك ريحة مش عادية في الطاجين
و ان شاء الله انكون أفدتك
تعليق
-
بالنسبة للجبنة تكون كمية لا باس بيها باش تغطي البطاطا و الشقوق اللي بينهم
تعليق
-
الله يسعدك ويهنيك ياغالية ويرزقك بالذرية الصالحة وينولك اللي في بالك
ياساتر ... هذي كلها حلاوة لين بنفقد ..وزعما كان كليت طرفين شن بيصير ...والا ماظنيت نلحق في التاني
سلمها ياربي هالكيت ....مشكورة على ردك عليا بسرعة الله يخليك وينجيك ويحفظك
تعليق
-
تسلمي يا أسيرة على الدعيوة الحلوة و احنا في الخدمة
و رمضانك مبروك و ربنا يشفي وليدك و ينوضه بالسلامة
تعليق
-
اهلين بااسيرة السهر تي وينك وين هالغيبة هدي كلها كيف حالك وشنوا اخبارك نورتي الملف مرة تانية و كل سنة وانتي طيببة بمناسبة رمضان
خيره لاباس علي وليدك ان شاء الله ربي ينوضه بالسلامة
كيتي كيف حالك وشنوا اخبارك بالنسبة للملف اني اقتراحي نفتحوه في ركن الاطباق الرئيسية علاش لانها حاتكون سفرة متنوعة فيها كل شي وان شاء الله نفيدوا ونستفيدوا ورمضانك مبروك
ان شاء يارب يرزقك بالذرية الصالحة انتي ونانا يارب العالمينالتعديل الأخير تم بواسطة جميلة الكون; 17-08-2009, 07:06 PM.تعليق
-
تعليق
-
ماشاءالله عليكن يا بنات بلادي ربي يعطيكن الصحة ان شاءالله
وعيني عليكن باردة
تعليق
-
الله عليك ياليبيا وعلي بناتك الله يحفظكم من العين ويعطيكم ربي الصحةتعليق
-
رمضان كريم
انشالله ديما ملتمين علي الخير
ورحبوا بيا اخت جديدة ليكمتعليق
-
كيف حالكم ياريت تقدروا تساعدوني اني درت طريقة القطر زي ماكاتبتها ماما الاء ص 117 لكن
نحس في طعمتها زي الحلوة الي يقيمو بها الشعر فلما حليتها بطاسة مية لقيت نفس البنة
قاعدة فزدت حليتها ومافيش تغيير قولولي هي هكي طعمتها ولا كيف اني مش مدايرة عسلة
قبل هكي واني بنعسل بيها عووامة ولا كان درت بسبوسة مش عارفة متلخبطة ياريت تفيدوني
وكل سنة وانتو طيبيينتعليق
-
كيتي ماشاءالله حاجاتك تجنن ربي يسلمك ويرزقك الذرية الصالحة بنسالك خبزة الكسكاس اني
الفرن متاعي عيونه كهرباء معناه الكسكاس مايفسدش ونقدر انطيب عليه كسكسي ولاندير واحد خاص
لخبزة الكسكاستعليق
-
السلاة عليكم
طريقتي في طاجين الجبن: معدنوس, بصل, لحم مفروم او دجاج بطاطا مقطعة مكعبات, اجبان ممكن اكثر من نوع, مثلثات ,شرائح, منزوريلا شيدر ممكن خليط من هذا كله,بيض,خبز مرحي
الطريقة نقلي البطاط ونقلي البصل في قليلا من الزيت حتى يذبلويضاف له المفروم ويقلب حتى ينضج ويضاف له ملح وفلفل اسود.تهرس البطاط مع المعدنوس في مهراس وتضاف الي لحم المفروم وتضلف الاجبان والبيض وخبزة المرحية.توضع في طاجين وتدخل الفرن ملاحظة ممكن اضافة كركم للحم عند قليه مع البصلة وليس البزار.
الطاجين الثاني : معدنوس بصل,بطاطا,ممكن اضافة انواع اخرى خضروات مثل بادنجان, قرعةبيضة, فلفل اخضر, لحم مفروم اودجاج, بيض,خبزة مرحية, جبنة اي نوع, قليل من الحرارات
تقلى الخضروات,بعد تقطيعها مكعبات صغيرة ونقلي البصل في قليلا من الزيت حتى يذبل ثم يضاف اللحم المفروم ممكن اضافة الكركم يعطي لون وطعم حلو ,ويضاف ملح وفلفل اسودحتى ينضج اللحم نخلط اللحم مع الخضروات والبيض والخبزة المرحيةو الجبنةو المعدنوس والحرارات, توضع في الطاجين وتدخل الفرنتعليق
تعليق