تويت
شعار ♥حلى متميز♥ حلى السمسميه ... سهل وبسيط وسريع ولذيذ وبالصور :)
اليوم سويت سمسميه وحبيت تذوقونها معاي وتحلون فيها مع القهوه
خفيفه وسهله وماتاخذ وقت ومقررررمشه
نجي للطريقه
كاس سكر مع 4 ملاعق ماء... نحطهم على النار لما يقلب لونهم للاشقر الخفيف
وهذا لونه قلب للاشقر الخفيف ... احط عليه ثلاث ارباع الكاس سمسم.. واقلب فيه لمدة دقيقه بسسسسس .. هالخطوه ماقدرت اصورها لاني ما اقدر اقلب وامسك الكاميرا
افرشه على صينيه مقلوبه ومدهونه بالزيت ... واسطحه بشكل متساوي ... هالطريقه اعمليها بسرعه قبل لا يجمد السكر ... وبعدها خليييه يبرد على راحته
من طرف السكين حطيها تحت السمسميه وفكيها عن الصينيه بشويش...كسرييييييها لقطع متوسطه وقدميييييييها
ملاحظات :
1- السكر والماء اصبري عليه ولا تستعجلين راح يتحمر ... لانه نفس طريقة التوفي ووايد بنات قالو ما يصير اشقر ... يبيله صبر اشوي
2- لما تفرشين السمسميه لا تخلين سمكها ثخين حتى ماتكون يابسه وايد
ولا تخلين سمكها وايد خفيف حتى ما تتكسر بسهوله ... خلي سمكها وسط مثل ماتشوفون بالصوره الرابعه
ولا تخلين سمكها وايد خفيف حتى ما تتكسر بسهوله ... خلي سمكها وسط مثل ماتشوفون بالصوره الرابعه
3- ولا تنسين تدهنين الصينيه حتى لا تلصق عليها السمسميه
4- انا جربت اكور منها حبه بس تطلع وايد يابسه يعني هالطريقه ماتصلح للتكوير
وممكن تحفظيها بعلبه اذا حبيتي
وعليكم بالعافيه
تعليق