شعار ♥موضوع متميز♥حلويات رمضانية

كيكة الأناناس هذي وايد حلوة وفي طريقة تقديم لها بعد حلوة بحطلكم إياها
وهذي الوصفة عندي من زمااااااااااااااااااااااان وسويتها أكثر من مرة بس هذي المرة صورتها لكم

*المقادير:
2/1 1 ك مارجرين
2/1 1 ك سكر ناعم
2 ك طحين بالخميرة (self raising)
2 م ص باكنج باودر
1 م ص فانيلا
3 م ك ماء أو عصير أناناس
4 بيضات
هذي صورة المقادير حطيتها عشان حق اللي ما تعرف الطحين بلخميرة


للقاعدة:
4 م ك عسل
شرائح أناناس
كرز مقسمة أنصاف (اختياري انا ما استعملتة)

*الطريقة:
-تيبون ورق زبدة وتقصونة على قياس الصينية(لتسهيل قلب الكيكة بعد ما تنضج) طبعا الصينية تدهنونها بشوي زيت عشان يمسك عليها ورق الزبدة
وهذي صورتة للي ما تعرفة

- تحطون العسل شوي على النار حتى يصبح شبة سائل
- بعدين على طول صبوة في الصينية اللي بتسوون فيها الكيكة(اللي فيها ورق الزبدة)
- صفو شرائح الأناناس فوق العسل (إذا تستعملون كرز يكون أنصاف وتصفونة في فتحات دوائل الأناناس يعطي شكل حلوووووووو من زمان جربتها بالكرز)
- تخلطون مقادير الكيك بالطريقة العادية وتصبونها فوق الأناناس وبعدبن تدخلون الصينية الفرن على 180 درجة حتى تنضج.. خلوها تبرد 10 د بعدين أقلبوها ..

هذا شكل الخليط النهائي
هذي الصور بالترتيب..






1) وضع ورق الزبدة في قاع الصينينة بعد دهنها بقليل من الزيت عشان تمسك في الصينينة

2) وضع العسل بعد تسخينة قليلا..

3) صف شرائح الأناناس..فوق العسل..

4) صب خليط الكيك فوق شرائح الأناناس..

5) شكلها بعد ما طلعتها من الفرن

6) شكلها بعد القلب..استعجلت عليها وقلبتها وهي بعدها شوي حارة لهذا السبب تشوفون شوي من العسل تم لاصق في الصينية..











طبعا أطراف الكيكة الباقي لا ترمونة حرام كلوة بعد طعمة حلو بس هذي الطريقة للتقديم إذا عندكم ضيوف..

تابع كيكة السنيكرز..

كيكة السنيكرز

هذي الكيكة لأم فهوودي من عالم حواء بس لذيييييييييذة..

وهذي المقادير والطريقة مثل ما كتبتها..

*المقادير:
2 كوب دقيق..
1و1/4 كوب سكر ..
3 بيضات ..
علبة زبادي..
فنجان شاي زيت ..
ملعقه كبيره بيكم بودر ..

*خلطة الوجة:
6 حبات سنيكرز ..
علبة قشطه ..
ربع اصبع زبده ..

*طريقة عمل الكيكة:
نضع البيض في خلاط الكيك اليدوي .. ونخفقه لمدة 5 دقائق ثم نضيف السكر ونستمر بالخفق ..ثم نضيف الزيت والزبادي ونخفق لمدة دقيقتين ..وبعد نخل الدقيق والبيكم بودر ..نضيفها للخليط بالتدريج ..مع استمرار الخفق ونتركها تخفق قليلا ... ثم نأخذ صينيه وندهنها بالزبده ونرش عليها الدقيق .. ثم نسكب عليها خليط الكيكة وندخلها فرن متوسط الحراره لمدة 40 دقيقه ..نتركها قليلا لتبرد ثم نقلبها في صحن التقديم ..

*طريقة عمل خلطة الوجة:
نضع القشطه والزبده والسنيكرز على نار هادئه الى ان تذوب وتختلط جيدا ..
ثم نضعها على الكيكه .. ثم ندخلها الثلاجه لمدة ربع ساعه .. ثم تقطع وتقدم..

# ملاحظة:
اذا كانت الصينيه مستطيله لا تقلبي الكيكه واسكبي الخليط على وجهها ...

وهذا تطبيقي..





تابع كيكة البرتقال..

كيكة البرتقال..

وهذي لعزيزة والصراحة رووووووووووعه وطعمها لذيذ

وهذي طريقتها من الأخت عزيزة..

*المقادير:
3بيض- اكاس سكر -1م ص بشر برتقال – ¾ ك حليب سايل- 1ك دقيق مخمر او دقيق عادي مع 1م ك باكنج بودر- ربع ك زيت

*شرائح البرتقال : 5 برتقالات تقطع دوائر رقيقة وتوضع في قدر مع 1ك سكر و3/4 ك ماء و1م ص عصير ليمون وتترك على النار لتغلي لمدة نص ساعة حتى تطرى شرائح البرتقال ويصبح السكر كثيف (هذه الخطوة اعمليها قبلها بيوم)

*البودنج: 1ك حليب بودرة – نص ك سكر – صفار 2بيض – 2م ك نشأ – 1ونص ماء – فانيليا تخلط كلها بالخلاط وتوضع على النار حتى تثخن

*الطريقة :
نعمل الكيكة بالطريقة المعروفة ثم توضع بالفرن لمدة نص ساعة حتى تنضج ثم ترفع من الصينية وتترك حتى تبرد ... في نفس الصينية نرص حلقات البرتقال بحيث تغطي جوانب الصينية واسفلها ثم نقسم الكيكة نصفين
نضع فوق البرتقال قليل من البودنج ثم نضع طبقة كيك ونسقيها بالشيرة المتكونة لدينا من غلي البرتقال حيث اخذت النكهة ثم نضع البودنج على الكيكة ثم نضع القسم الثاني من الكيكة ونسقيها بالشيرة ايضاً
الان الخطوة المهمة غطي الكيكة بورق شمع افضل من القصدير حتى لتلتصق بها الكيكة ويوضع عليها صحن وفوق الصحن شيء ثقيل حتى تتماسك الطبقات وتوضع في الثلاجة لمدة 4ساعات ويفضل اذا بيجيك ضيوف هملها قبلها بيوم حتى تتماسك
عند التقديم ينزع الورق وتقلب في صحن التقديم ويلمع الوجة بقليل من الشيرة وتقدم بجانب شرائح من
البرتقال..

وهذي صور تطبيقي

شرائح البرتقال+البودنغ+شراب البرتقال


شوفو كيف شكلها حلو


وهذي من قريب



وكل ما بردت في الثلاجة صارت أحلى..

سمحولي تأخر الوقت باجر بكمل إن شاء الله

ممممممممممممممممممممم

الصراحه روووووووعه


يعطبك الف عافية

الله يعطيكي العافية شهيتيني والله
وان شالله تكملي خيرك وتحطيلنا وصفات تانية وبالصور

مشكورة اختي واااااااااايد




ساريتا

تسلمي ايديكي كل وحدا احلي من وحدا

ربي يعطيك العافيه

وعليكم السلام والرحمة

هلا حبيبتي منطوق قلبي

الله يعطيج العافية الغلا تسلم يدج عيوني وماننحرم يارب

وآخر شي بحطلكم حلى الشتلات..
من زمان انا شايفة طريقتة بس ما جربته وهذي المرة قلت بجربة وطلع طعمة رهيييييييييب ..
وهذا الحلى خذتة من الأخت غرومة في حواء..
ومقاديرة مثل ما كتبتها..هي:

*المقادير:
*الطبقة الأولى: كيك سويس رول مقطع حلقات
*الطبقة الثانية: صوص الشوكولاته السائلة
*الطبقة الثالثة:
2 كيس دريم ويب
10 قطع جبن كيري
علبة كريمة KDD(أو أي كريمة سائلة)
1 كيس كريم كراميل
*الطبقة الرابعة:
بسكويت اوريو مطحون

*الطريقة:
تقطع السويسرول ونحطه بقاع الكوب


نحط شوية صوص كاكاو على الكيك

بعدين نخلط مكونات الطبقة الثالثة بالخلاط إلى أن يتماسك ، مثل الصورة ونحطه على الكيك..


نطحن بسكويت الاوريو(بدون الكريمة) بالمطحنة ، مثل الصورة ونرصة بالملعقة فوق الخلطة..


وتزين بعرق من أوراق النعناع الطازج ، وهذا شكل الصينية بعد ما خلصتها..



دخلو الحلى الثلاجة.. وقدموة بارد..






ملاحظات::
الكوب اللي استعملتة كوب القهوة البلاستيكي..
إذا بتقدمونة للضيوف أحسن شي البسكويت والنعناع تحطونة قبل التقديم مباشرة...لأن النعناع في الثلاجة يذبل والبسكويت يستوي لين ومايكون هش..


اتمنى أن هذي الأطباق تعيبكم..

وتحياتي لكم

وادعولي بالخير

مشكورة اختي على الوصفات الرائعة.. ولا احلى منها

رووووووووووووووووووعة ما شاء الله تسلم ايدج ياقلبي..

ما شاء الله عليك اختي منطوق قلبي
كل اطباقك مشهية
يعطيك الف عافية

ما ننحرم من طبخاتك اختي الكريمة
مشكورة جدا جدا جدا