شعار♥حلى متميز♥ماربل كيك + حلى الكريم كراميل مع الجبة والبسكويت.. وبالصور :)

السلام عليكم ورحمه الله وبركاته


اليوم بحطلكم نوعين حلى واتمنى انه يعيبكم

((ماربل كيك)) هذي أول مرة أجربها ولكنها طلعت لذيييييييييذة مثل باوند كيك الفنادق اللي دايما يحطونة في بوفيه الفطور

*المقادير:
2 ك طحين
1 ك سكر
2/1 ك زبدة (اصبع = 100 غ ) ... ((انا استعملت مارجرين بدل الزبدة))
2/1 ك عصير برتقال
2/1 ك روب (زبادي).. ((انا استعملت لبن حامض بدل الروب ويعطي نفس النتيجة))
1 م ك باكنج باودر
2 بيض
بشر ليمونة..((انا استعملت روح الليمون))

*الطريقة:
- ننخل الطحين+الباكنج باودر ويترك الخليط على جنب.
- نخفق البيض + السكر حتى يصبح الخليط شبة كريمي.
- نضيف البشر+الزبدة ونخفق.
- نضيف العصير+ الروب ونخفق..وفي النهاية نضيف خليط الطحين حتى تتجانس جميع المقادير مع بعض.
-نصب الخليط (خلو منه تقريبا الثلث عشان تخلطون معاه كاكاو بودرة) في صينية مدهونة وندخلها الفرن على حرارة 180 درجة حتى تنضج.

- أول شي تصبون الخليط الأبيض وبعدين صبو فوقة خليط الكاكاو. مثل ماتشوفون في الصورة..


وهاي شكلها بعد ما طلعتها من الفرن.


شوفو كيف شكلها من داخل..


بعدين قطعوها شرايح أو على حسب شكل الصينية اللي سويتو فيها الكيكة.. وخلوها شوي تبرد بعدين قدموها ولو تحطونها في الثلاجة تطلع ألذذذذذذذذذذذذذ ..


وهاي بعد


على فكرة هذي الكيكة خذتها من برنامج الشيف أسامة..وهو ترا قسم خليط الكيك لقسمين يعني من هذا الخليط سوا كيكتين وحدة الماربل نفس اللي انا سويتها والثانية حط عليها 2/1كوب فواكة مجففه ((انجلش كيك)) ..
إذا تحبون تسوون نفس الشيف أسامة لازم تستعملون صينية صغيرة لأن الخليط بيتقسم على صينيتين..

فكرة ثانية (من عندي) لماربل كيك..
تقدرون تغيرون شكل تعرجات خليط الكاكاو والطريقة:
1) الخليط الأبيض قسموة لقسمين.. والخليط البني قسموة قسمين.
2) أول شي تصبون في الصينية القسم الأول من الخليط الأبيض بعدين القسم الأول من البني بعدين الأبيض الثاني وآخر شي البنى الثاني بيطلع لكم شكل رخامي وايد حلو

تابع النوع الثاني:::