الي بيحب البسبوسة ييجي

بسم الله الرحمن الرحيم



المقادير::::
1/ 4 كاسات سميد
2/ ثلاث ارباع كاسة سمنة
3/ 3 كاسات سكر
4/ كاسة ماء دافئ
5/ 2 ملعقة قرفة
6/ كاسة جوز هند مبشور
7/ 2 باكو (كيس) بكنج باودر
8/ 2 علبة زبادي


الطريقة:::::
اول شي بنحط النواشف مع بعض ( سميد/ قرفة/ جوز هند/ بكنج باودر) وبعدين بنحط عليهم السمنة وبنبدأ نفرك فيها باليد طبعا لما نحس انو السمنة دخلت في المكونات هاي وصار مبسوس.
بعدين بنجيب علبتين الزبادي وبنحطهم لحالهم هما والسكر وبنحرك لما نحس انو السكر داب في مية الزبادي.
وبعدين بنحط خلطة الزبادي والسكر على عجيبنة السميد وبنعجن منيح واحنا بنعجن بنصب المية الدافية على العجين لما تصير العجينة ما تلزق بالايد. وبتتركيه يعني ساعه او اكتر وبعدين بتجيبي صينية مفرودة وبدهني طبقة سمنة او زبده وبعدين طبقة طحينية(بيضا) عارفين الطحينية اكيد.
وبتحطيها بالفرن لما يتحمر قاعها وبعدين بتحطيها في الرف الي تحت في الفرن وخليها لما يتحمر وجهها.
وبعدين اعملي القطر قبل ما تفردي العجينة في الصينية وصبي القطر عليها وهيا ساخنه بس المهم يكون القطر بارد.
طريقة عمل القطر
4 كاسات سكر
2 كاس ماء
وعصير نص لمونة عشان ما يسكر القطر يعني لما يبرد ما يصير السكر طالع على الوجه فهمتوني ؟؟؟؟؟
لما تجربوها احكولي وانا متأكده انكو رح تدعولي
وسلامي لجميع
انا جديدة على المنتدى على فكرة وهاي اول طريقة عندي