حلويات من ليبـــــــــيا للأخت مغتربه واخواتى فى المنتدى

**ام مودي** · 14-11-2005, 09:37 PM

تسلم ايديكي يا مصراته على هالحلو شكله لذيييذ و يعطيكي العافية

**مصراته** · 15-11-2005, 08:36 PM

...نجمة الجلجلان(السمسم).....

السلام عليكم ورحمة الله وبركاته
مشكوره اختى ام مودى انتى الوحيده الى جبرتى بالخاطر الباقيه شورا معجبهمش الحلو مش مشكله هدا شكل تانى
وانشاءالله يعجبكم

نجمة الجلجلان(السمسم)
المقادير::
2كوب زبده
كوب ماءعطر اويمكن تخليطه بماء مع ماء عطر
بيضه
كوب جلجلان محمص
فانيلا
القليل القليل من البيكنج بودر
دقيق حوالى من اربع الى خمس اكواب على حسب نوع الدقيق بحيث العجينه يسهل فردها
شربات
الحشوه:
تكون شاميه (حلوة طحينه)او مكسرات محمصه ومجروشه مع زبيب وشويه عسل اومكسرات مع سكروشويه ماء ورد
يمكن للزينه جوز هند

الطريقه ::
بعد تدويب الزبده نضيف البيضه والفانيلا ثم كوب الماء ثم الجلجلان والدقيق مع البيكنج بودرنعجن الكل حتى يصبح عندنا عجينه يمكن فردها بالنشابه ونقطعها دوائر و نحشيه بالحشوه ونجمع اطراف الدائره حتى يتكون لنا نجمه او هرم انشاءالله الفكره وصلت ونخبزها فى الفرن حتى تتحمر شويه
تكون الشربات جاهزه نغطسها فيها وتقدم مع القهوه
صحه وهنا

**ام البنات ** · 15-11-2005, 08:44 PM

عزيزتي ****مصراته***حبيبتي اكيدالكل معبرك

بس احنا بطبعنا طماعين بنستناك لما تضيفي ها الحلويات الرائعة من ايديك الحلوة

ووبعدها هاك يا اكل

اقصد هاك يا ردود

**مرح مرح** · 16-11-2005, 12:30 AM

السلام عليكم ورحمة الله وبركاته السلام عليكم ورحمة الله وبركاته جزاك الله خيرا على الانواع الشهية وانشاءالله رح أجربها بس يي ليت تعطينا طريقة البقلاوة الليبيه لانها من أروع الحلويات اللي ذقتها..ولك جزيل الشكر

**مصراته** · 16-11-2005, 02:52 AM

اختى ام البنات مشكوره على كلامك الطيب
اختى مرح مرح تسلمى على المرور بس والله طريقة البقلاوه منعرفهاش بس نحاول نسألك عليها لان بنشتريها جاهزه من المحلات من غير تعب

**ام لومي** · 16-11-2005, 05:36 AM

السلام عليكم ورحمة الله وبركاته
جعله الله في ميزان حسناتك

**بنت طرابلس** · 16-11-2005, 05:49 PM

اختى مصراته ...منوره على ها لحلويات

انا عضوه جديده من ليبيا ارجوا ان تقبلينى اختا لك فى الله

**لبلبة** · 16-11-2005, 07:26 PM

تسلم يدك ويد الأخت المغتربة

بانتظار جديدك

**مصراته** · 17-11-2005, 04:48 AM

اختى بنت طرابلس مرحبتين بيك

اختى لبلبه مشكوره على مرورك وبالنسبه لاسمى مصراته لكن مش مشكله مغتربه ولا مصراته كلنا ليبيات والهدف واحد اكلات من ليبيا

**مصراته** · 17-11-2005, 04:58 AM

.....القرينـــــــات.......

القرينات... حلو مع القهوه
المقادير::
نصف كيلو دقيق
نصف كوب زيت
نصف كوب زبده
كوب لوز ابيض مهروش(المقصود بابيض تنضيفه من القشره )
جلجلان (سمسم محمص) الكميه حسب الرغبه
ملعقه صغيره بيكنج بودر
ماء عطر مايلأم العجين ويساعد على تشكيله
سكر ناعم للزينه
الطريقه::
تخلط المقادير ثم تفرد وتشكل على هيئة دائره بالكوب ثم تقطع على هيئة هلال وينقش بالمنقش ثم توضع فى الفرن
ترش بالسكر الناعم وصحتين وهنا

**شيز كيك** · 17-11-2005, 05:00 AM

تسلم يدك

**الورده الدهبيه** · 17-11-2005, 09:30 AM

بسم الله الرحمن الرحيم
مشكوره وتسلم ايديك
نتظر المزيد والجديد من انواع الحلويات الليبيه
جزاك الله خيرا

**مغتربة** · 17-11-2005, 11:02 AM

وعليكم السلام ورحمة الله وبركاته

ما شاءالله أمتى صار هذا كله

؟ قريت ردك اليوم فى الملف الليبى وجيت جرى

لقيتك ماشاءالله مش مقصرة ، يعطيك الصحة فالحة والفلاحة أهو باينة

بارك الله فيك وإن شاءالله كل ما نجرب طريقة نقولك

سامحينى على التأخير فى الرد لأنى ما كانش عندى علم بالموضوع

سلامات

**مصراته** · 19-11-2005, 11:25 PM

.....العصفوره......

السلام عليكم ورحمة الله وبركاته
العصفوره..... بسكويت مالح او صامت مع الشاى
المقادير::
كوب زيت
كوب زبدة سائحه اوكوب سمن(يمكن كوب زيت)
كوب ماء عطر (او ماء عادى مع ماء عطر)
ملعقه كبيره بيكنج بودر
ملعقه صغيره ممسوحه ملح
دقيق من 4 الى 5 اكواب
للزينه::
صفار بيض
كمون اسعد(حبة البركه)
جلجلان(سمسم)
الطريقه::::
تخلط مقادير السائله مع بعض ثم نضيف الملح والبيكنج بودر والدقيق تكون العجين وسط يعنى مش رطبه ومش يابسه بعد دلك تقطع كور صغيره وكل كوره تنمبرم زى الكعك وتشكل على هيئه ضفيره او يمكن تعمليها على هيئة ربطه وتدهن بصفار البيض وترش بحبة البركه او السمسم وتوضع فى الفرن
حتى تتحمر وتوكل بالهناء

حلويات من ليبـــــــــيا للأخت مغتربه واخواتى فى المنتدى