هذة الطريقة بعلم ابني التعرف علي الالواناولا عرفتة اسم اللون وربط اللون بشئ هو بيحبه مثلا اللون الاصفر قلت له دة لون اصفر زي (سبونج بوب) وهو بيحب الشخصية دى من الكرتون ومعاه لعب منها قال لي ااااااااااه صح يا ماما دة لون سبونج بوب.
واما اللون الاحمر قلت زى لون البطيخة من جوة يعني اللى بناكلها فرح جدا لانه بيحب البطيخ ورد عليا نفس الرد صح ياماما زي البطيخة اما الرد اللي عجبني اكتر انه ربط الالوان يعني قال لي كمان زى الكرافتة بتاعت سبونج بوب
الحمدلله
المفترض انك ماتعرفيش طفلك علي اكتر من لون في نفس الوقت عشان يقدر يفهم
ومرة بعرفة علي اللون الاسود قلت له اللون دة اسود_كان معايا لعبه_تعرف زى ايه؟ لون شعرك وكررت الاشياء بالغرفة ذات اللون الاسود..........
المهم
عند تعليمك طفلك شئ جديد حاولي تربطي الاشياء اللي بيحبها بالمعلومة كدة بيعرفها اسرع افضل وماينسهاش والاحسن انك وانت بتعلميه يكون طريقتك معاه باللعب والهزار حتي يحب التعلم وهذة طريقة كنت ادرس بيها للاطفال في الروضة والان استعملها مع ابني 3سنين والحمدلله نتيجتها جيدة.
نفعنا الله واياكم واعاننا علي التربية الصحيحة.
احبكن جميعا في الله
الروابط المفضلة