التربية ,, السهل الممتنع (الجزء الخامس ) ( ابناؤنا والالكترونيات)متميز

[نسايم منعشه]

*** ابنائنا و الالكترونيات ***


الالكترونيات بكل انواعها الاطفال و الكبار


بيحبوها و بنفس الوقت لها مضار ،،


و انا شخصياً ضد المنع المطلق ،،


يعني كون اني امنع اطفالي من هالالكترونيات


و تكون ممنوعه و حتى شرائها ممنوع ما احب


كذا ابداً ،، لانه بيقدر يشوفها في اي


مكان و يقدر يجيبها من اي مكان ،،


انا اوفر لهم بعض الالعاب الالكترونيه و احدد


لهم وقت محدد باليوم يلعبوا فيها ما يزيد عن ساعه


وبعد كذا ارفعها ،، حتى التلفزيون ما اخليه مفتوح


لهم طول اليوم ساعه او ساعتين بالكثيييير و انتهينا


و اكون حريصه على تنبيههم على الاشياء اللي ما تعجبني


لو موسيقى باقولهم حرام ،، لو عن الادب باكلمهم عن هالنقطه


اللي شفتها ،، سبونج بوب بنتي كانت تموت فيه و يوم شفته


الا انه وسخ جداً و جلست اكلمها انه كل هالاشياء اللي يسويها


مو حلوه و لو احد سواها الناس بتقرف منه سبحان الله بنتي


اللحين لو شافته تقولي مقرف!! و احيان تجلس عليه ،، لكن


ما راح امنعها ،، ابغاها لما تبطل منه تبطل عن قناعه ..


طبعاً مو كل مره بيتفرجوا باكون جالسه لكن اللي باشوفه


لو فيه شي مو كويس نبهتهم عليه


بناتي يمتلكوا قيم بوي و زي ما قلت قبل لهم وقت محدد


و انا عندي ايباد ،، و بعض العاب الايباد حلوه يبغالها


تفكير و ذكاء اعطيه بناتي كل كم يوم مره ،،

*** ابنائنا و الغذاء ***


اكثر شي يزعج الامهات في الاطفال


هو وجبة الفطور بتلاقي الطفل احياناً


ما يبغى ياكل و الام تجبره ياكل


نصيحه : ماله داعي تجبريه احترمي


رغبته يا حبيبتي بلاشي تنكدي عليه


يومه من الصبح مسكين في ناس كذا خلقه


من ربي ما يحب ياكل اول ما يصحى


يحب يشرب بس ،، بنتي اللي الآن سنه


اولى كانت كذا ما تفطر تشرب عصير و بس


و بعد ساعه و لا ساعتين تفطر عادي بس يكون


موعد الغدا قرب فاديها فطور شوووويه عشان


ما يسد نفسها عن الغدا ،، الآن بنتي سنه


اولى و الحمدلله تفطر طبيعي بالليل باخيرها


بين نوعين من الفطورو اخليها تختار تصحى الصباح


تفطر غالبا يكون كورن فليكس و حليب او ساندويش


جبن او ساندويش شوكولا او لبن و تمر ،،


مره قمنا متأخرين و من العجله نسيت اعطيها


شي تاكله و بعد ما خرجوا تذكرت ( طبعاً اتكلم


عن فطور بالبيت) لما جات قالت خليتني اجوع قبل الفسحه،،


فارجوكم ارجوكم بلاش سياسة الجبر و القوه


صح انتي امه و تبغي مصلحته بس طفلك


الآن ماله رغبه في الاكل احترمي رغبة طفلك


و هي مسألة وقت بس ان شاء الله..


و عشان ياكل بوجبة الغدا و العشاء لا تعطيه


شي قبلها بساعتين يجلس عالسفره جيعان


و ياكل و الوجبات الخفيفه خليها من بعد


وجبة الغدا الى اذان المغرب ممكن وجبه


او وجبتين ،، انا اديهم اول شي فاكهه ياكلوها


اذا كملوها ياكلوا شيبس او شوكولا او بسكوت


و عصير كل يوم نوع واحد مع عصير و بس


لاني كما سبق و ذكرت بالالكترونيات ضد


سياسة المنع المطلق مره ما احب امنع شي


منع بات الا المشروبات الغازيه هذي لا يمكن


اعطيهم اياها..