$$$ على بركة الله نبدا ورشة الشال الأول $$$ "تريكو وبس"

[فراشة الرحمة]

ما شاء الله تبارك الرحمن
وأنا مبتدئه يا أبله
نبغى الشرح خطوة خطوة

[mistry]

انا مبتدئه بالتريكو ما اعرف ولا شي بس عندي صوف وسنارتين
والباترونات ما اعرف اقرئها ولا افهما لاني لسه جديده بها العالم
وعاوزة تعلميني خطوة خطوة
يا ابله..
دلوقتي اول حاجه اعمل ايه...

بصى يا قمر
أهلاً بيكى
طالما انتى مبتدئة
الشال ده مناسب جداااااااااااااااا ليكى
لأنه عبارة عن عدل ومقلوب وآخر بساطة
ان شاء الله تابعى معايا وانا هأشرح بالتصيل الممل

ماشى يا قمر
دلوقتى عندك خيط كفاية (حوالى 500جم، وممكن 400 جم لو مش عايزاه عريض اوى) ومحتاجين ابر مناسبة للخيط بتاعك

لو مش عارفة بيبقى مكتوب على الشلة حجم الابر المناسبة
يلا شوفى وقوليلى

[mistry]

ما شاء الله تبارك الرحمن
وأنا مبتدئه يا أبله
نبغى الشرح خطوة خطوة

ما تقلقيش يا توتة
ان شاء الله الشرح هيكون خطوة خطوة
واسالوا براحتكم
بس أهم حاجة التطبيق
يا ترى جهزت الخيط والابر

[mistry]

طيب ان شاء الله عشان نبدأ
لازم نحدد هنبدا بكام غرزة عشان نوصل للعرض المطوب

قاعدة عامة:
نعمل عينة من الغرزة المطلوب التنفذ بيها

وبعدين نقيس أبعادها طول وعرض عشان نحسب عدد غرز البداية
ماشى حلوات

الغرزة الأساسية هى غرزة الـ Basket Weave
ودى صورتها




فالمطلوب دلوقتى ان كل واحدة تطبق الغرزة فى عينة من الخيط اللى هتعمله الشال وكمان بنفس الابر
ماشى يا قمرات
لغاية كدة فيه مشاكل

[لحن القول]

انا راح اكمل بكرة معاك
ماش
لان بكرة عندي دوام
تصبحوا على خير

[mistry]

شرح غرزة الـ Basket Weave:

الغرزة بتتكون من مضاعفات العدد 12 + 8
وهى عبارة عن 8 أسطر

ما تنسوش اننا بنرمز دايماً للغرزة العدلة بالرمز (ع)، والغرزة المقلوبة بالرمز (م)

السطرالأول:
(خلف الشغل)
كله مقلوب

السطر الثانى:
(8 م - 4 ع) - يكرر ما بين القوسين وينتهى السطر بـ 8 م

السطر الثالث:
(8 ع - 4 م) - يكرر ما بين القوسين وينتهى السطر بـ 8 ع

السطر الرابع:
(8 م - 4 ع) - يكرر ما بين القوسين وينتهى السطر بـ 8 م

السطر الخامس:
كله م

السطر السادس:
2م (4 ع - 8 م) - يكرر ما بين القوسين وينتهى السطر بـ 4 ع - 2 م

السطر السابع:
2ع (4 م - 8 ع ) - يكرر ما بين القوسين وينتهى السطر بـ 4 م - 2 ع

السطر الثامن:
2م (4 ع - 8 م) - يكرر ما بين القوسين وينتهى السطر بـ 4 ع - 2 م

متهيأ لى ما فيش أسهل من كدة

ملحوظة:
العينة اللى أنا عملتها 32 غرزة وكررتها مرتين (يعنى 16 سطر)

[mistry]

انا راح اكمل بكرة معاك
ماش
لان بكرة عندي دوام
تصبحوا على خير

ان شاء الله يا حبيبتى
بكرة هتلاقى شرح الغرزة
تعملى العينة
ونصححها سوا
تصبحى على ألف خير

[mistry]

ماشى يا بنوتات
دلوقتى كلنا ان شاء الله هنطبق عينة من الغرزة زى ما اتفقنا

أهم حاجة تكون بنفس الخيط اللى هنعمل بيه الشال
وبنفس الابر اللى هنستخدمها فى العمل

عشان ان شاء الله هنحدد على أساسها عدد الغرز اللى هنبدا بيه العمل
انشاء الله

فى انتظار التطبيقات
وأى استفسار أنا حاضرة ان شاء الله

بارك الله فيكن جميعاً
موفقات ان شاء الله

[أم قسمت]

مستري ياغاليه
الشال تحفه وشرحك جميل والله
باذن الله ورشه موفقه ياقمر

[mistry]

مستري ياغاليه
الشال تحفه وشرحك جميل والله
باذن الله ورشه موفقه ياقمر

ست الكل بحالها منورة ورشتى المتواضعة
ازيك يا حبيبتى
وحشتينى
وربنا يوفق الجميع بإذن الله
يجد مرورك أسعدنى
عام هجرى سعيد يا قمر