موضوعي نوع من الدردشة ... بس ادخلوا ..

[Dandosh]

يا هلا

موضوعي بسيط.. عبارة عن سؤال: ايش هي الادوات و قطع الاثاث اللي في بيتك و اللي ما الها اي لزوم و ما بتستعمليها ابدا.. خاصة بالمطبخ..
يعني في ناس عندهم ماكينة الباستا .. اشتروها لاها عجبتهم لكن ما عمرهم عادوا استعملوها .. ماكينة البوظة، عصارة الجزر.. ممكن لصعوبة استعمالها او صعوبة تنظيفها .. او لانك بتستسهلي الشي الجاهز بدل منها .,..

انا بالنسبة الي عصارة المولينكس.. مكانها ما تغير من يوم ما حطيتها فيه، و السبب ان العصارة اليدوية مركبة و جاهزة و ما بدها هالتتنظيف الكتير متل المولينكس.. وزنها اخف و حجمها اصغر ...

و انتو؟؟ ايش الشي اللي بتتمني انك ما اشتريتيه او ما اجاكي هدية ؟؟

بستنى ردودكم

[- asma -]

هلا بدندوشة


عندي مكينة العجن ناااااااادرا استعملها لأني اكون كسلانة أطلعها بعدين أنظفها قطعة قطعة
مافي أحسن من العجن باليد
بس لما تكون الكمية كبيرة جداااااااااااا اضطر اني استعملها


برا الطبخ والنفخ نيجي لمكان تاني

عندي الآلة اللي تقص الحشيش والزرع اشتريناها على بالي انه الرزع راح يطلع بسرعة (غالبا كل أسبوعين بتلاقي نفسك في غابة) لكن إلى الآن ما استعملتها صوتها عالي مررررررررة وتقيلة شوي ............. صرت استأجر عامل ويخلصها في ربع ساعة

[Dandosh]

يا هلا صدى ...
بصراحة ما بتخيل حالي اجيب عجانة ابداً.. يعني غلبة تركيب و فك و تنظيف .. يا ويلي الكسل ... بس العجن باليد للكميات البسيطة اكيد اريح ..

و الة قص الحشيش مع انها عملية لكن بدها عضلات

[إيمان علي]

موضوعك جميل جداً يا دندوش، الله يعطيك العافية

من كم يوم سألني زوجي، قاللي: يا ترى بتستخدمي شيء من هالأجهزة اللي عندك؟
قلتله: كللللللللل شيء في هذا المطبخ استعملته حتى صار يئن
لكن لدي أجهزة لا تستخدم يومياً أو حتى أسبوعياً، ولكني أستخدمها، مثل آلة العجين والخبز، كنت أستخدمها بالأسبوع مرتين وثلاثة، الآن خففت قليلاً بسبب الصيف ومشاغله. يعني شهرياً أصبح الاستعمال.
خفاقة البيض، أستعملها وقت الحلويات، يعني ليس يومياً.
الفود بروسسر، مرة بالشهر أو أقل، ولكن يأتيها استعمال عند الحاجة

ولكن الشيء الذي فعلاً لا أستعمله أبداً أبداً، هو مقلاة على الكهرباء... وعاء كبير به مصفاه، يقلي البطاطا والدجاج، على حرارة معينة ولا يتسخ البيت ولا تعانين في إخراج الطعام منها، ومع هذا استعملتها عندما شريتها مرتين أو ثلاثة، والآن لم أستعملها من أكثر من 4 سنوات!!!! ودائماً أقول سأستعملها أو أعطيها لأحد وحتى الآن هي في مكانها!!!!!

وكذلك لدي الكثير من الصحون والأكواب التي وضعتها في الفترينة للزينة، أيضاً لا أستعمل أي منها لعدم الحاجة، وكلها هدايا، يعني لم أشتريها للزينة، بل جاءتني حتى البيت

[سنووايت]

هلا دندوش.
انا عندي عصارة الجزر جبتها استعملتها شي خمس مرات ما بستعملها لانو قطعها كتير و صعبة التنظيف لهيك عندي ياها منظر على المجلى عندي بس الخفاقة على الكهرباء بستعملها منشان الحلويات او اكاتو ز بس.
وشكرا لك دندوش على الموضوع كتير حلو.

[Dandosh]

هلا أمونة
اول مرة بلاقي حدا بيستعمل كل شي عنده .. بس بما انه احنا عارفين انك ست معدلة و احسن وحدة بتعمل حلويات و اكلات ايطالية "يمي يمي " و غيره اكيد بدك تهلكي كل شي عندك .. و الله يعطيك الف عافية و يعطي اغراضك العافية

سنووايت .. انا عصارة الجزر استلفتها مرة من بيت حماي لاشوف بتلزمني و لا لا.. طلعت روحي و انا بنظفها و قلت توووووووووووووبة .... اللي بدو عصير جزر ينزل يشتري

و شكرا لمشاركتكم