ღ♥ وصفة متميزة ღ♥مافن الشوكلاتة بطريقتي الخاصة هش ولزيز جدا

**إكليل الزهــور** · 06-07-2010, 05:06 PM

اسعد الله أوقاتكم اول شي اشتقت لمطبخ لك وتحياتي القلبية لكل مبدعة بهذا المطبخ
انا طبعا الفترة اللي فاتت واللي جاية كمان مشغولة كتثير بالدراسة وعلشان هيك انقطعت مشاركاتي بهذا الركن الجميل
ولكن قبل اسبوع كنت بادرس ولقيت جاي علي بالي آكل كيكة بشوكلاتة
كان عندي ورق المافن وكاكاو وتقريبا كل شي ماعدا زبدة وسمنة
فقولت مو مشكلة اعمل بزيت واخترع وصفة جديدة
المهم وصفتي اللي اخترعتها كانت تقريبا حسب الاحساس يعني
لما عملت المافن ماكان في بالي مقادير معينة
ولكن انا قدرتها علشان كنت عارفة انه لو ظبطت مش راح احرم اخواتي من هالوصفة اللزيزة واتمني تعجبكم كتثير طبعا التزيين كل واحدة بتقدر تزين علي كيفها
انا عن نفسي بحب المافنز سادة يعني بدون صوص وبدون مربي اشياء للتزين

اتركم مع الوصفة

المقادير:

3 كاسات طحين

1 كاس زيت نباتي
2/3 كاس ماء دافئ
1/3 1 سكر
5 بيضات
1 بيكينج بودر
2 فانيلا
الكاكاو حسب رغبتك الكمية اقل شئ 4 ملاعق كبيرة
انا حطيت تقريبا 7 ملاعق لانه الكاكاو اللي استخدمته غير مُحلى

الطريقة:

مثل اي كيكة بناخد البيض بنخفقه مع السكر والفانيلا وبنضيف بعدين الزيت بنخفقهم منيح.
بعد هيك انا ضفت الكاكاو قبل الطحين لانه اسهل تذوبيه وخفقته كويس مع خليط البيض والزيت.
هلا بنبدأ نضيف الطحين شوية شوية ونضيف معهم البيكنج بودر لحد ما تتجانس العجينة كلها مع بعض.
بنجيب صيينة المافن وبنحط فيهم ورق المافن وبنصب في كل واحدة شوية من العجينة.
في نفس الوقت نكون شعلنا الفرن من فوق وتحت علي درجة حرارة 180
بامكانك رش جوز هند علي وش المافن اختياري طبعا .
او ممكن تحطي مع العجينة ملعقة كبيرة جوز الهند بيعطي نكهة لزيزة وريحة حلوة للكيكة.

والآن اتركم مع النتيجة

صورة عن قرب

والف هنا يارب وما تنسوني من دعائكم الصالح