كيفكم يابنات ؟؟ اتمنى انكم بخير
يارب ترزق كل بنت تتمنى ولد
وتسهل الولاده على كل حامل
اسمعوني انا عندي مشكله وابي مشورتكم لاني احبكم وانتو اكيد تحسو بالم كل وحده في هذا التجمع
هو المفروض انه اكتبه في قسم ثاني بس حبيت تكونو انتو اللي تساعدوني وتخففو عني
قبل يومين دق رجال على باب البيت الصبح وزوجي بالدوام ورديت ...قالي خذي الورقه اللي دخلتها لك تحت الباب
والله يابنات حسيت بخوف موطبيعي
نزلت بالدرج واخذت الورقه وقريت اللي فيها ........يابنات حسيت ان اديني ورجليني تشنجت ولا قدرت امشي واطلع بالدرج
حاولت وحاولت لحد ماوصلت للسرير وطحت عليه
كان نفسي مقطوع وقلبي يدق بقوه
تدرون ايش اللي كان مكتوب في الورقه؟؟
كاتب فيها ((( اسف على الازعاج بس حذري زوجك اذا ماترك بنت الناس في حالها بأبلغ عنه الشرطه وعندي اثبات وهذا رقمي )))
بصراحه يابنات ماقدرت اتحمل الصدمه تمنيت لو الدنيا انشقت وبلعتني
والله يابنات اني اكتب وانا ابكي
المهم تجرأت ودقيت على الرقم ورد علي وقالي انا مااكذب زوجك يزعج هذي البنت بالدق على بابها ويدخلها اوراق تحت بابها
سألته قلت له كيف عرفت ؟؟
قالي انا مصوره بالجوال
قالي اذا تبغون تبعدون عن المشاكل حذريه
انا من القهر والصدمه قلت له اذا عندك الاثبات واكيد بلغ عنه وانا راضيه
وقلت له اذا مابلغت انا بأبلغ عنه وقفلت الجوال
اتصلت على زوجي وهو بالدوام وقلت له تعال
وفعلا طلع من الدوام واعطيته الورقه
يابنات انا ماقدرت اوقف من البكا تمنيت اني اقتله واقضي عليه
المشكله انه ينكر ويحلف انه مو هو اللي يسوي كذا
انا عندي ثلاثه اطفال ولي فتره ماحملت وكنت اتمنى الحمل بس الحين ماعاد لي رغبه باي شي ..كرهت كل شي وكرهت زوجي ولا لي رغبه بالحمل
انصحوني ايش اسوي ...؟؟
فكرت اروح عند اهلي بس المشكله ان ىاطفالي يدرسون وماابي اسبب لهم اي لخبطه
تعبت هاليومين احس اني اموت بكل لحظه
ساعدوني
كتبت بواسطة كنزى احمد
الروابط المفضلة