شيخ أزهرنا من القلب شكرا لك

[أحلى صحبة]

السلام عليكم ورحمة الله وبركاته ..


طبعا كلنا شاف وعرف اللي حصل من شيخ الأزهر في حق الطالبة المنتقبة ،

والكل ثار
وعايزين ياخدوا التار !

الموضوع مس قلوب كتير ..
محجبة
مش محجبة
منتقبة
مش منتقبة
كله غار واتحرك من اللي حصل

موقف يهز مش كده ؟؟

انا معاكوا في شعوركوا ..

ومش داخلة اعمل موضوع واتكلم عشان اشتم فيه
ولا اسب
ولا لا ..!
لأن ديني ما أمرنيش بكده ..


أنا داخلة اتكلم من وجهة تانية على اللي حصل ..


أيوا ..

زي ما قرأتوا في العنوان بالضبط ..!!


والله أنا داخلة أشكر شيخ الأزهر ..!


قبل بس ما تتعصبوا عليا

بالراحة

أنا منتقبة على فكرة

وبغير جدا على النقاب
ومحبش ربع كلمة عليه ..


ومع ذلك ..

بجد أنا داخلة في الموضوع ده بالذات عشان اشكر شيخ أزهرنا على اللي عمله .


قولولي ليه ؟
وازاي ؟
وبتشكريه على ايــــــــــــــــــــه ؟


أكيد أنا مش مع ان طالبة يحصل فيها كده
او النقاب يتعامل كده



بس بجد بجد بشكره على رد الفعل اللي شفناه
بسبب موقفه .


الموقف الاستنكاري المستهجن اللي حصل
خلى كل الناس حتى اللي مش بيحبوا النقاب او مش منتقبات
خلاهم يستهجنوا الموقف
ويدافعوا عن النقاب

خلى (((( النقاب )))) اللي بيتحارب
الناس دلوقتي مالهاش كلام الا عليه !
سواء واقع - منتديات - صحافة - اعلام - تلفزيون .. كله كله ..

اتفرجوا على موضوعات وعناوين المنتدى من ساعة ما الموضوع ده حصل
مفيش سيرة الا عليه وعلى النقاب .

تفتكروا ده كان هيحصل لو ما كانش الموقف ده حصل ؟؟

طبعا لا !


انا ما بقولش كويس ان الموقف حصل

بس بقول بصوا لما الموقف حصل .. حصل ايه .


كام واحدة فكرت بعد الموقف ده
انها تبتدي تلتزم صح
تبتدي تتمسك بسنة الرسول صلى الله عليه وسلم أكتر ؟
تبتدي تشوف القصور وتحاول تصلحه
؟؟؟


يا جماعة كلنا جوانا طاقة غضب
وكبيرة مش صغيرة


ليه ما نحولهاش لطاقة ايجابية نحسن ونطور بيها من نفسنا في مدى تمسكنا والتزامنا بديننا ؟؟



-------------


كلمات محبوسة .. أحببت أن أخرجها لكم ..

فكم واحدة فكرت في هذا ؟
وكم واحدة سوف تفكر فيه ؟


أشكركم على حسن الاستماع ،
وأرجو أن يجد موضوعي القبول .

[ربيع الغلا,,]

جزاك الله خير ا


أسال الله ان يثبتك
يامقلب القلوب ثبتنا على دينك

[خيرزاد]

جزاكى الله خيرا
وحسبى الله ونعم الوكيل

[om 3mr]

فعلا عندك حق

جزاك الله خيرا على الموضوع

[حاملة المشعل]

الاخوات الكريمات السلام عليكن و رحمة الله و بركاته لقد انشأت و لله الحمد و المنة مجموعة جديدة على هذا الموقع الحبيب اسمها " اثبتى صاحبة النقاب " ارجو منكن التفاعل لتكن حملة قوية ذات صدى بإذن الله

[ام_مريم]

مش قادرة اقولك غير ان موقفك من شيخ الازهر ينال كل احترام

وانتى بصيتى للموضوع بشكل ايجابى من ناحية

ومن جانب اخر هناك الكثير من ايجابياته

اللى لازم نحطها فى الاعتبار وعجبنى اوى مثل ضربتة مزيعة برنامح العاشرة مساء

لم سالت منتقبة كانت مستضيفها وقلتلها لو انت شوفتى فى العمارة اللى انتى سكنه فيها حد ملثم هتخافى ولا لا ردت المنتقبه وقالت هخاف

المجتمع اللى اتعرض فية الموضوع ظروفة فرضت علية كدةمن حوادث تمت تحت شعار النقاب

لا نعيب النقاب ولا نمسة باى شىء لا سمح الله ولكنه عيب وخلل مجتمعى لابد من النظر اليةومحاولة انقاذ ما يمكن انقاذه

[≈ احـتِـوٍآءْ ≈]

بصراحة كلامك رااااااائع وفعلا لولا ماحدث ما كانت قضية النقاب اثيرت بهذا الشكل
غيرة رائعه ظهرت على الكل منتقب او لا الكل أثاره موقف شيخ الازهر

جزاك الله الجنة اختى وثبتك

[زهر الريحان]

جزاك الله خيرا

لكن ملاحظة أنو انت في لجنس عاملة ذكر يعني غيريه

و الله في ناس كثيرة تفكر انو اللي منقبة ممكن تسرق و ممكن تعمل اشياء كثيرة ووجهها مخفي عن الانظار
و دائما اجاوبهم ان المنقبة تخااااااااااف الله و مسلمة و امتثلت لامر الله
خلط الأمور لا احبه ابدا

و موضوعك جميل بارك الله فيك

[صاحبة البيت]

غاليتي/أحلا صحبة
شكراً لكي لأنك نظرتي للموضوع نظرة إيجابية
واعتقد أنكي تؤمنين بأن الخلاف في الرأي لا يفسد للود قضية
لذلك فأنا لن أكذب ما حدث ولن أصدقه
لأنني على علم بأفاعيل الصحافة والصحفيين
والرجل مستهدف منذ زمن
وكل من يستطيع أن يطير بخبر كاذب أو إشاعة
فهو الأمثل في هذا الزمان
وكما أقاموا الدنيا ولم يقعدوها على مفتي الديار المصرية
في اكثر من موقف
لذلك أنا لا أصدق هؤلاء ولا هؤلاء
لنا الله غاليتي
أسأل الله أن يقينا شر الفتن إنه سميع مجيب

[شذا_شذا]

لا أستطيع شكره ..

فهو مثل ما أثار المسلمين .. أهان الإسلام أمام العدو بفعلته .