ملف الحضانات في الأسكندرية

[monydent]

ام البنات....من واقع تجربتى في اللف و الدوران)اقدر اقولك ان...ايوة النظام الغالب انهم بيحطو كل سن مع بعضه يعنى من 1_2 مع بعض و من 2_3 مع بعض و 3_4 مع بعض و المفروض ان 1-2 كلاس بيتعلموا سماعي و لعب و اكل و غيار و حجات كدة يعنى اما من 2_3 المفروض يتعلموا عن طريق الرسم و الغناء و اللعب برضوا
و هما بيروحوا من 8:3 تقريبا يعني و الموضوع مش الزامي اوي يعني بالمواعيد
و مفيش وقت محدد للتقديم في اي وقت لكن في حضانات معينة بتبدتي المنهج من شهر 9 و قبل كدة بيبقي 3 شهور الصيف كانها نادي

[monydent]

ام يوسف الامين....بصي انا لسة خبرتي ما وصلتش حد التجربة و لكن سماعي كدة انا اسمع ان في حضانة اسمهاabc فى سموحة حلوة جدا في موضوع اللغة و سعرها400 جنية...و في حضانات تانية كمان بس لازم نعرف انتي عايزة الحضانة فى منطقة اه و في حدود كام؟ علشان نقدر نساعدك صح

[hanaa2]

ام يوسف الامين
انتى بتقولى انك ساكنه فى سيوف انا اسمع عن حضانه كويسه اسمها ترتلز موجوده فى لوران بتعلم كل حاجه ولها باصات اسالى عليها وربنا يوفقك للى فيه الخير
ممكن تجيبى رقمها من الدليل تتصلى ب 140 وهم يقولو لك على رقمها وتسالى على كل حاجه

[ام البنات 81]

ام البنات....من واقع تجربتى في اللف و الدوران)اقدر اقولك ان...ايوة النظام الغالب انهم بيحطو كل سن مع بعضه يعنى من 1_2 مع بعض و من 2_3 مع بعض و 3_4 مع بعض و المفروض ان 1-2 كلاس بيتعلموا سماعي و لعب و اكل و غيار و حجات كدة يعنى اما من 2_3 المفروض يتعلموا عن طريق الرسم و الغناء و اللعب برضوا
و هما بيروحوا من 8:3 تقريبا يعني و الموضوع مش الزامي اوي يعني بالمواعيد
و مفيش وقت محدد للتقديم في اي وقت لكن في حضانات معينة بتبدتي المنهج من شهر 9 و قبل كدة بيبقي 3 شهور الصيف كانها نادي

جزاك الله خير حبيبتى على الرد
والله الواحد بيبقي محتار عشان اول طفل يوديه فين وطبعا بيبقي كل الى حواليكى بينصحك بس بتحتارى اكتر
لو حد يعرف يا جماعه حضنات قريبه من سيدى بشر يقولى ربنا يكرمكو ويقولى على نظمها بكام وفعلا مفيده للاطفال ولا مجرد بيلعبو
وهى افضل ولا البلاى سكوا
معلش طولت عليكو

[ام يوسف الامين]

شكرا ليكى يا هناء وللاخت مونى وانا انشاء الله حسأل على الحضانة وحروح اشفها وحقوللك عملت ايه

[monydent]

انا النهاردة رحت حضانة دلفي في سابا باشا.....سعرها 200 جنية......مستوى اللغة عالي ليها منهج و فيها جاردن و الميس تحس انهم مستوى

[ام يوسف الامين]

معلش يا مونى متعرفيش لها بصات ولا لا

[monydent]

اسفة ام يوسف لا ما سالتش....بس هو معظم الحضانات يا اما عندها او بتبقي متفاة مع ناس

[monydent]

السلام عليكم جميعا......في حضانة اسمها
early learningموجودة خلف بوتيك لندن في رشدي .....400 جنية ....هي عبارة عن فيلا كبيرة و طبعا فيها جاردن و حسيت ان مستواها حلو اوي و الميس بتاعت الكلاس كانت كيوت خالص و هي الي بتاكل الولاد

[monydent]

مبروك ام يوسف للولاد انا عرفت من موضوع مدارس الأسكندرية انهم قبلوا في بريلينس