كل أم عانت من تأخر نطق طفلها تدخل تفيدنا( موضوع يستحق النقاش)

[azmiralda000]

مرحبا أم ياسين الغالية
سلامة دماغك حبيبتى
بصى بقى
أنا إسراء بنتى كانت مولودة بعد أبن أختى ب28 يوم بالضبط
وكانت إسراء ماشاء الله عليها بتمشى وبتتكلم
وسننت بدرى عن أبن اختى
حتى فى طريقة أكله كان مبيعرفش يمضغ كويس
وكان عامل زى البروطة
اى والله
وكانوا أخواتى يفضلوا يلعبوا مع إسراء
عن ما يلعبوا مع ابن اختى
بسبب أنها بتلاغى عنه
لاحظنا فعلا أن الصبيان بيتاخروا فى نموهم عن البنات ...متعرفيش ده راجع لأيه
غير انها بقت ملحوظة
وبعد سنة وشهرين بدأ يتكلم بعض الكلمات
وليست كلها ..وبدأ يعنى يمضغ كويس
والمشى كان برضه يعنى بالرغم من انه كان بيروح
حضانة لأن والدته كانت بتنزل الشغل يعنى كان كل ده ممكن يعطى تأثير افضل عن بنتى لأن إسراء لم تذهب لحضانة
وسبحان الله ..بعد فترة ليست بقليلة بدأ يبقى طبيعى ...وكله بأوانه
وياريت قلقك ده مينعكسش على الولد
خليكى طبيعية وتعاملى معاه عادى
وكل اللى يجيبه ربنا كويس وخير
وطالما الفحوصات كويسة يبقى فى امل انه
شوية بشوية يبدأ فى التكلم
وما أدراكى لما العيال بيتكلموا
وانتى عارفة
ربنا معاكى وربنا يقويكى
والحمد لله ..تذكريها دائما
الحمد لله
بوسيلى الواد ياسين
وأمه كمان
ياااااااااااااالا

اهلا يا ام محمود
و الله يا اختى ياسين ده مش بروطة نهاااااااااااااااااائى
ده بسم الله ماشاء الله عليه مكوك فضائى ما بيقعدش
ما بيسخنش مكانه زى ما بيقولوا عندنا فى مصر
و بيرغى رغى بس كله لوغاريتمات من غير و لا كلمة مفيدة

اهلا يا ام ياسين اخبارك ايه
ربنا يطمنك على سيسو يارب ويفرحك بيه
وأظن بعد كلام الاخوات انا رأيى انك تطمنى ومتفركيش نوديه لدكتور فى الفتره دى سبيه كم شهر لبعد ما يكمل السنتين وشوفى وان شاء الله حتلاقيه احسن

ام نور يا صاحبتى
دايما منورانى
و الله انا فعلا و الرد كان نفس الكلام اللى انا كتبته
و ربنا يسهل ادعيله

أم ياسن اولا ربنا يحفظه ويحيمه يارب ويخليه ليكى بصى بقى انا تجربتى انا ادم ابنى عنده سنتين و6 شهور كان زى ياسن كده بالظبط مغلبنى كلام مكانش بيقول حاجة خالص نهائى وكنت اما بوديه عند الدكتورة تقولى طالما بيسمع ويفهم عادى جدا متقلقيش وفعلا قررت انى مش هلف على دكاترة الفترة ديه دلوقتى هو ابتدى يقول كلام قليل بابا ماما ادو يعنى جدو تيتيه مم بو كلام زى كده والحمد لله ابتدى يتقدم فى الموضوع ده بصى كلميه كتيرررر جدا اتكلمى معاه على انه واحد كبير و فاهمك انا ماما كانت بتعمل مع ادم كده لانى كنت بسيبه عندها واروح الشغل ولو تقدرى توديه حضانة يكون ياريت يلعب فيها ساعتين كده ولا حاجة ويحتك بأطفال يمك يقلدهم بس طالما ان الدكاترة طمنوكى يبقى بلاش لف على الدكاترة وبلاش تتحسرى ولا حاجة عادىىى وبكرة تزهق من كلامه انشاء الله معلش طولت عليكى بس حبيت اطمنك ان مش ياسن لوحده وعلى فكرة الصبيان بيتأخروا فى الموضوع ده عن البناتبوسيه كتيرررررررررر ومتقلقيش

ربنا يطمن قلبك يا ميرو
و يارب تشوفي ابنك احسن واحد فى الدنيا
و يارب ياسين يبدأ و يقولى حتى كلمة واحدة يطمن قلبى و يبل ريقى
على فكرة انا فاكراكى من ايام الدورة بتاعة بنت الاحرار

يا ام ياسين
لا تقلقي على ابنك ياغالية

ابنك طبيعي
والاولاد بيتاخروا في الكلام

سبحان الله البنات من صغرهم يحكوا من بدري حتى يلحقوا على كل الكلام
الولد راكز شوية بيفكر كثير قبل ما يطلع كلمة هذه طبيعة الرجل
فلسفة يعني


انت اعملي لك كل يوم ولو لمدة عشر دقائق
جيبي كرت وعليه صورة انطقي اسم الصورة
كرري لمدة اسبوع
الطفل يخزن كل شي في ذاكرته
وفي الوقت المناسب ينطق


لا تقلقي ياقلبي.

طلتك لها طعم خاص يا ام سهيل
و شكرا على الشعار

و الله انا جايبة حيوانات و فواكه و بحاول اقوله اسمائهم
بس هو اسرع حاجة بيتعلم الاحتياجات اليومية

و ربنا المعين

[أم بيدو]

الله يطمنك عليه يا أم سيسو
عندى مريم تقريبا نفس سن ياسين و برده بتتكلم هندى عااااااادى بنضحك عليها و بنقولها يا لكاكة ... تنبسط اوى و تقول كاكة
خدى الموضوع ببساطة و اتكلمى معاه كتيييييييييييييير
يالا نفتح الشباك .. القطة بتقول نونو .. العصفور بيقول ايه ؟؟؟؟؟؟
كده يعنى و ان شاء الله تتطمنى عليه و هو طبيعى مفيش تاخير و لا حاجة
ربنا يبارك لك فيه

[المشغولة دائما]

و الله اضحكتينى يا ام ياسين
انا ابنى الثالث عنده ثلاث سنوات وثلاثة اشهر و لسه بدا يتكلم مع ان اخته الكبرى اتكلمت وهى عندها سنة ولما كان عمرها سنتان كانت عارفة كمان كلمات انجليزى
وابنى الثانى تاخر فى الكلام بدا يتكلم بعد السنتان و نصف
1-الاولاد فىالعادة بياخرو فى الكلام لانهم بيكون التركيز فى النمو الحركى اكثر بكثير من النمو العقلى او المنطقى تجدى الولد بيمشى وينط ويجرى ويتسلق لكن لا يركز معكاذا حبيتى تكلميه هو عايز ينطلق عكس البنت لو كلمتيها تركز معاكى و بالتالى حصيلتها اللوغوية تكون اكثر
2-المفروض انك تكلميه كتير وكل يوم تركزى على كلمة جديدة يتعلمها تفضلى وراه لحد ما يبدا يقولها(طبعا ح يقولها كلشينكان بس اهو احسن من مافيش)
3-لو فى امكانية انه يذهب لحضانة ولو حضانة تعليمية يكون احسن ده اللى فرق كثيييييير جدا مع ابنى دخلته من شهرين حضانة تبع جمعية تحفيظ قران اول يوم راح الحضانة قال كلمة انا
وبدا مع الوقت يقول الحروف زى ما بيتعلموها فى الحضانة باللغة العربية الفصحى والان كلماته بقت واضحة كتييير وبقى يقول اسمه انس وحرف السين بيخرج كويس فاضله حرف القاف والكاف ويبقى سيبويه فى اللغة العربية (بفكر اعلمه هندى وصينى بعد العربى)
معلش طولت عليكى بس انا حاسة بيكى

[azmiralda000]

انا بنتى فضلت لعمر 2و8 شهور مش بتتكلم مثلا قولى ما ولباباها با ووجدتها نا وباقى كلامها كلة ااااااااا اه وكان انا الوحيدة طبعا اللى بفهمها كل اة معناها اية لغاية ما راحت حضانة ابتدت تكلم وهى عندها 3 سنين ودلوقتى ما شاء اللة عندها 6 و مبعرفش اسكتها واخوها عندة 3 سنين بس ما شاء للة علية اتكلم بدرى فحاولو تدخلو الولاد حضانة لانها مفيدة فعلا حتى لو خدو وقت شوية لغاية ميتكلمو لكن لا تيئسو وربنا يحفظ ولادنا يا رب من كل شر

و الله قلبى مش مطاوعنى اوديه حضانة و هو لسا صغير كده

أخواتي الحبيبات
نطق ولغة الطفل تختلف من طفل لآخر اختلافا لايتجاوز أشهر. فمثلا نجد طفلا بعمر سنتين بدأ يكون جملا قصيرة من كلمتين و طفلا آخر بنفس العمر لايتحدث سوى كلمات مفردة محدودة. فاكتساب اللغة يتأثر بعدة عوامل بعد تأكدنا من سلامة سمعه وعدم وجود أية إعاقة ذهنية أو مرضية تؤخر تعلم اللغة أولها الوراثة فالنطق واللغة يلعب فيها عامل الوراثة دورا كبقية الأمور في أجسامنا كالأمراض الأخرى أو الذكاء ، لكن هذا لايمنع أن نركزونهتم أكثر بعامل البيئة التي تساعد الطفل على تخزين وفهم الكلمات قبل نطقها، وهنا يأتي دور الأهل والمحيطين بالطفل للتحدث مع الطفل دائما بكلمات صحيحة واضحة و بجمل قصيرة يسهل على الطفل استيعابها
سبق وأن وضعت موضوعا يشرح للأمهات بوسائل وطرق بسيطة من مساعدة أطفالهن على تعلم اللغة والنطق. وهذا هو الرابط :
http://www.lakii.com/vb/showthread.php?t=532327
وممكن أيضا شراء قصص للأطفال برسومات واضحة وألوان تجذب اهتمام الطفل ويفضل بصور حقيقية لأنها اسهل لاستيعاب الطفل وأقرب للواقع. حتى لوكانت الصور والقصص بدون كلام مكتوب ابدئي انت بتأليف قصة من الصورة بجمل بسيطة، ابدئي مثلا بتسمية المسميات مثلا احكيله: شوف هادا ولد( واشيري على الولد) شوف الولد لابس بنطلون (واشيري على البنطلون) وبعدين أشيري على بنطلون ابنك وقولي (و محمد لابس بنطلون) وهكذا كرريها ولاتملي لأنه بدون التكرار ليس سهلا أن يتعلم طفلك الكلام..
لوكان طفلك يحب مشاهدة التلفزيون أو الكرتون أوحتى الدعايات (لفترة غير طويلة طبعا) نستغل هاي الفترة ونتكلم معه بشرح مايحدث، مثلا مشهد بنت تجري نقول (شوف البنت بتجري) ومثلي حركة الجري، وقولي لابنك انت كمان قوم اجري... وهكذا
معظم الدراسات أثبتت أن البنات أسرع باكتساب اللغة من الأولاد( مشان هيك بيقولوا النسوان ثرثارات ، ظالمينا صح؟
أخواتي أي سؤال بهذا المجال أنا بالخدمة..
دعواتكم

جزاك الله كل خير على المعلومات القيمة

الطفل الوحداني، الأول، الذي لا يلعب مع اطفال آخرين، والذي لا يجد من يكلمه باستمرااااااار يتأخر نطقه

كيف يكتسب أطفالنا النطق وهو لا يمكارس معهم؟ التخاطب هو الوسيلة رقم 1 في الارتباط مع الطفل..
حسب قراءاتي: منذ الولادة، يتعين على الام التواصل مع طفلها من خلال الكلام واللمس والقبلات. قراءة القصص. أوحتى تحويل الأنشطة العادية الى قصة. مثلا عند تغيير الحفاضات، تبادر الأم بالتحدث مع ابنها عما تفعله.. عندالأكل، مشاهدة التلفاز مع بعض، وغيرها الكثير.. الطفل الذي لا يتم التواصل معه يتأخر في الحديث.
الحضانة وتحديد موعيد لعب مع أطفال من جيله كلها أمور تساعده في تنمية مهارات التحدث.

أرجو أن أكون قد أضفت ولو القليل إلى الموضوع

فعلا افديتنا جزاك الله كل خير

السلام عليم
ام ياسين
انا بعتهالك عن طريق ام سهيل
لانى لسه مكملتش 300 رد
فمينفعش ابعت غير للمشرفين
وشكرا على اهتمامك وردك

نورتى اختى
ربنا يطمن قلبك

ام يايسين .... كيفك يا قمر ؟؟؟؟ متذكرتيني؟؟؟

الله يخليلك يايسين يارب ..... بكرة راح تقولي له مشان الله اسكت لا تحكي من كثر برمه... بس المشكلة عندك وعندنا كلنا كأمهات ما النا صبر بنا اياهم يسننوا بسرعة ويحكوا بسرعة ويتعلموا بسرعة ويتعلموا على النونو بسرعة ويكبروا بسرعة .....!! انت راح تخلصي عمرك وانت تستني هلا يتستني يحكي كمان شوي بتستني يدخل المدرسة وبعدها يدخل الجامعة وبعدها يتخرج وراح ضلي هيك مش بس انت كلنـــــــــــــــــــــــــــــــــــــــــــــــ ــــــــــــــــــــــــــــا متلك.....

صبرك صبرك صبرك ...... انا كنت متلك بالضبط لما اشوف ولد او بنت في عمر ابني واشوف الفرق في التطور اللغوي بينهم بتعقد.....

انا حكيت لك تجربتي واذا ناسيتها بحكيلك اياها.... المهم انك اطمنتي عليه انه بيسمع وبيفهم ما بقي عليكي الا تحكي معه وتصبري لحد ما يحكي.... حتى لو احتاج شوية مساعدة مش هسة لبعد 3 سنين..... على فكرة شعورك هدا بينعكس عليه وبخليه يفكر انه هو اقل من غيره وهو ما بيعرف يحكي وبخلي مشكلة النطق تطول اكتر.... لا تفكري في الموضوع كتير عيشوا ايامكم الحلوة بدون احساسكم بوجود مشكلة....

طبعا فاكراكى يا قمر
و الله انتى عندك حق فى كلامك
بس منين نجيب الصبر
ادعيلى ربنا يرزقنى الصبر
و ربنا يسعد ايامك يارب

[سحر66]

حبيبة قلبى ازميرالدا

اليوم قرات موضوعا فى ركن الاخاء لميرو تتسائل عن غيابك

حبيبتى

احب اشارك معكم بتجربتى مع اولادى

ففى البداية كنت اعتقد ان سرعة الطفل فى الكلام دليل على ذكاءه

و عندما تحدث ابنة صديقتى قبل ابنتى بكثييير

وقر فى قلبى ان ابنتى ستكون محدودة الذكاء

و فى سن 3 سنوات و نصف

بدات تتكلم كلام مكسر خالص

و دخلت المدرسة فبدات الحمد لله تتحدث

و الان هى فى الثانوية العامة و طول النهار اقول اسكتى شويه

و لها ميول فنية واضحة

فهى ترسم رسومات جميلة

اطمئنى حبيبتى و تفائلى خيرا ان شاء الله

[omrody2005]

أم يااااااااااااااااسين متووتوريش الولد دة أنتي صعب قوي ولا عشان أنتي في الغربه مطلعه همك فيه


أذا كان ياسين بيقول ماما وبابا وكلام أخر لوغريتمات وراح للدكتور وطمنطك يبقي الواد هيجيب مجموع


قصدي هو في التمام متأخر بقي عشان أسباب
منها أنكم في غربه لا يسمع مفردات مباشرة بكثرة


أنه الطفل الاول ما في سمع حد بيتكلم جنب ودانه الا لما يكون بالك رايق وفاضيه له ومش قاعدة علي النت كما كنتي مع أنك وحشانا جدا


رودي فعلا تأخرت بالكلام لانها كانت طفلتي الاولي وأنا قليله الكلام حتي مع زوجي وكنت أجلس أمام النت كثيرا وشايلاها مثلا علي رجلي وطبعا تأثرت بكل هذا وكلامها ظل مكسر زي الاوربيين اللي بيتكلموا عربي لاول مرة لحد سنتين و7 شهور وشويه

والان هي بربند والحمد لله أصبري وأتكلمي معاة لغه صحيحه وبشويش بلاش اختصارات الكلام زي ننه وأمبو وما شابه


وربنا يخليه ويحلل العقدة من لسانه أميين يا كريم

[نسائم حائره]

السلام عليكم ورحمة الله و بركاته
والله يا ام ياسين انا شايفة ان ابنك طبيعي جدا و الحمد لله
لسه صغير

انا ابني عنده 3 سنوات بيقول كلام كتير عارف كل حاجة بس الحروف كلها
ملغبطة وفي حروف مش بيقولها خالص بس ممكن يقولها اخر الكلمة لكن اولها لا
و بحاول معاه كتير بس بيزهق و بيتحرج فبيسيبو عشان مضغطش عليه
واخته اصغر منه بسنه و 3 شهور و بتقول كل الكلام اللي بيقولو و في كلام بتظبطو اكتر
منه

الحقيقة كلام الاخوات طمني كتير
و اللي يطمني و يطمنك انهم بيفكروا و بيتجاوبو معانا و الحمد لله على كل شيء
و ربنا يحلل عقدة لسانهم و يفقه قولهم
ااامين

[wbaby]

عزيزتي ابني مر بنفس الي بتقولي عليه
وكمان ظروفي زي ظروفك


وعملت كل الي عملتيه الدكتور قلي نزليه الحضانه علشان يتعود ومرة على مرة هيتكلم
راح شويه وبعدين تعب واضطريت اقعده فالبيت

والكلام تاخر اوي معاه هوه هيتم 3سنين كمان شهرين
ولسه في حروف ناقصه وكلامه في منه مش مفهوم عايزة اقلك انه تم سنتين وهوه
مبيقلش عشر كلمات على بعض
كلها لوغاريتمات


متقلقيش ابدا عليه ومتنقليش قلقك ليه

[_سمآت_]

حبيتي "أم ياسين"

عايزه أقولك متخافيش عليه وربنا يطمن قلبك عليه وهو بإذن الله هيتكلم هيكون كويس
بس المشكله أنه لوحده
توتا بنتي عندها الوقتي سنتين و8 شهور وكلامها تقريبا مش مفهوم إلا كام كلمه توتا هي الكبيره علي أخوها 11 شهر الان

يعني بتقول بابا وماما ونانا وجدو وكالو "خالو" وعرفت للأسماء الحمد لله بس بالعافيه بعد مده طويله أووي
أخواتي أصغر مني في فتره الاجازه للي فاتت ليا في مصر كانوا بيلاغوها وبقت أحسن كتير عن قبل كده

ومع التعود ولما تسمعني أكلمها الاقيها بتقلدني

أقولها بحبك أد الدنيا يا توتا بتقولهالي بس بطريقتها

وربنا يحفظهم ويحميهم
أهم حاجه متقلقيش ومتحطيش كلام الناس في اعتبارك لأني كنت بحط كلام الناس في إعتباري والبنت كان بتتأثر مني

فخلي بالك من النقطه دي

معلش طوّلت عليك اعذريني

تقبلي مروري
تحياااتي
*/**********

[هناء روح]

اهلاا ام ياسين

ازيك ياغالية

طبعا مش هضيف حاجه عن اللي الاخوات قالوه

انا اعرف طفل اتاخر لحد 3 سنين وبعدها قال كللللل الكلام واللي كان مخزنة في ذاكرته

اما البنات فرغاية وسمعت انهم اكتشفوا ان البنت وهي في بطن امها بتحرك شفايفها تقريبا بتتكلم جوا

المهم الولد بيخزن وفي مرحلة معينة .. بيتساوى الطفل اللي نطق بسرعه مع الطفل المتاخر في النطق

الله يحفظهولك ويباركلك فيه .. تعرفي لما حسيت ان بنتي مستوحدة عملت ايه ؟؟!!

جبتلها اخوها بفضل الله تعالى هههههه... ولما كبروا اهم روشوني رغي وجرجرة .. ربي يحفظهم

ملخص هاتيله اخ او اخت ههههههههه

في امان الله