ارجو من الكل يشارك

[روابي22]

[COLOR=darkblue]خواتي عندي سؤال مهم؟
وهو كيف تقدرين تعاملين مع بنتك اذا صدتيها تعاكس بالتلفون لا سمح الله
سؤال محيرني وموقف صعب
انا توني بنتي صغيرة يادوب ما كملت سنتين الله يصلحها
بس هالتساؤل مر بخيالي وصراحة مهم لكل ام انها تكون واعية وفاهمة لكل هذي المواقف
صحيح ان الاسرة والتربية لها دور لكن برضه اختلاط البنات في المدارس وفي بعض البنات الله يستر منهن يخوفن
وممكن يلعبن بعقل بعض البنات
علشان انا كذا انا ابغي الكل يشارك ويقول وش هو الحل لهذا الموقف وكيف من الاساس انا نجنب بناتنا هالخرابيط
عسى الله يحفظ البنات جميعا من الزلات
امين
اختكم
روابي22

[بارعه]

اكفخها تكفيخ واحرمها من اي طلعه واهم شي ماتشوف ولاترد على التلفون كلش ولا تلعب بالتلفون

وامسكها ووديها حق ابوها يكمل الباقي ويكفخها حتى تعض الارض




والله من صدق امسكها وائنبها وانبهها عن خطر اللي تسويه وش راح يجر بعدين اوله استهتار واخره ندم واراقبه بعدين واهم شي لاتلفيون تردعليه ولاتكلم فيه بعد الان وسملا على رغودي الله يحفظه هي وبنات المسلمين من ايدي الحاقدين والله يكفيها شر شياطين الانس وان الله يصلحها قـــــــولوا اميـــــــــن وهم بعد بناتكم

[حناين]

اللهم امييين .. تسلمين اخت روابي على هذا الموضوع ..

و صح كلامك اختي .. مها كانت البنت متربية بس تيجي لحظات يضعف فيها الانسان .. والنفس امارة بالسوء .. ومرة سمعت قصة انه بنت صغيرة في السن مسكوها الشرطة مع شباب .. فسالوها كيف اهلك سمحوا لك بالخروج في هذا الوقت .. قالت لهم : ان اهلي يحسبوني بنت مثالية لا تخطيء فكانوا يثقون بي .. فقلت لهم اني اريد الذهاب لعرس صديقتي ..وهكذا ..
يعني البنت ما تعطينها ثقة زيادة عن اللزوم .. وما تقولين لا بنتي متربية وحافظة قران و.. و ..


انا للحين ما عندي بنت ، بس دوم ياتي هذا الشي على بالي فاخاف ، فاقول ان لما يكون لي بنت وتكبر راح اراقب التلفون واحط مسجل وافتش بدون ما تدري في اغراضها .. واتعرف على صديقاتها وحدو وحدة .. وما اخليها تطلع بروحها رجلي على رجلها ..
الصراااحة شايلة همها قبل ما تيجي ..

[الشذى]

هلا براوبي
على رائ المثل الوقايه خير من العلاج فأهم حاجه مايكون في غرفه البنت تلفون التلفون يكون في غرفه الام والاب
وبعدين سؤال الام عن زميلات بناتها فاذا كانوا من المحافظات والملتزمات تشجعها على صداقتهن واذا هن غير ذلك تحاول تبعد ابنتها عنهن يكون هذا سهل بانهن اذا اتصلن عليها تدور اىعذر المهم ماتكلمهن ولا تسمح للبنت من زيارتهن في البيت
تحياتى شذووووووووو

[روابي22]

[COLOR=orangered]معلش اسفة على التاخر بالرد بس والله غصب عني
اختي بارعة
يا ساتر هدي وانا اختك من
بس تبين الصراحة هذي فعلا ردت فعل متوقعة من اي ام
بس اللي وش ياكد لي انها ما تسويها مرة ثانية وصدقيني الام صعبة انها تقول للاب مثل
هذا الكلام
ومشكورة على المداخلة والله يسلملك رغودة ان شاء الله


اختي حناين
تسلمين وتصدقين انا ما طرحت الموضوع الا لنه يقلقني ونفسي اعرف الكثير من الحلول
عشان نقدر نفهم بناتنا ونوعيهم
وسبحن الله انا من النوع اللي ما اعطي احد وجه لما ارد على التلفون حتى لما كنت في بيت ابوي
والسبب اني وانا صغيرة كنت مع عمي بالسيارة وكان يسمع شريط ديني واخر الشريط
كان فيه نشيد رائع
بعنوان ان المعاكس ذئب
واخذت الشريط وحفظت النشيد وكل ما شفت خواتي قعدت انشد النشيد
شكل خواتي بيفركون خشتي لاني دبلت تسبودهن

اختي الشذى
فعلا كلامك هذا اللي انا ابغاه
كيف الام ترهب بنتها وبنفس الوقت تنصحها من غير ما تعاند البنت
لان البنات في عمر المراهقة يعاندن وما يحبن النصايح

وين باقي الخوات

[نورلينة]

عزيزتي روابي
الحكمه والعقلانيه مطلوبه في هذي المواقف .......
لكن الأمر حتما سيكون مفاجئ لذا لاتضمنين انك مباشره بتتصرفي بحكمه ....

انا راح اكون واقعيه .......لو حصل الموقف هذا لاسمح الله
اول شي راح ازعل طبعا واغضب منها بشده وراح اوبخها ....بس بدون ضرب

بعدين اقعد مااكلمها حتى اشعرها اني غاضبه منها واحسسها بفداحه غلطها

وبعد ماتهدأ نفسيتي اخذها على جنب واتكلم معاها بهدوء وتفاهم وابين لها بشاعه غلطتها وان البنت لابد تحافظ على شرفها وسمعتها اللي هي مثل الزجاجه اذا انخدشت مستحيل تتصلح

واعرف منها من اللي دلها على هذا الطريق وابعدها عن رفيقات السوء
اذكر لها بعض القصص الواقعيه لمآسي بعض البنات اللي سلكوا هذا الدرب
وابينلها انه هذا العمل حرام ولا يقره الشرع اللي امر الفتاه بالحجاب والستر والحياء والأدب

كل هذا باسلوب الصديقه الحميمه الناصحه وليس باسلوب الاوامر والمراقبه
واهم شي الاحظ ان بنتي تجاوبت معاي واقتنعت بكلامي

[روابي22]

اختي نور
تسلمين على ردك
وفعلا كلامك صحيح
واكيد في ذا الموقف راح تكون ردت الفعل عنيفة وصعب التحكم فيها
والمفروض انا لما نلاحظ ان بناتنا كبرن انا نوعيهن ونجيب لهن كتيبات
توضح خطورة العمل هذا
وصدقيني مع التوعية والمراقبة لها راح تستوعب وحتى لو الشيطان اعوذ بالله منه
لعب بعقلها لابد ما انها تفكر بالغلط اللي هي مسويته وتتوب من غير ما احد يدري
وتسلمين اختي
اللهم احفظ بنات المسلمين واهدهن