لا تصـِفيها .. امام زوجك ..!!!

[*كـراميل*]

والله مشاكل

حتى وحده صديقتى زوجها ملتزم وفجأه
ضبطته يغازل

وبعدين لما تصالحوا قالها شي

لا تذكرين اى امرأه ثانيه قدامى حتى اخواتك

سبحان الله الرجال كثير يتأثرون ترى

[حناين]

اخت سيدة .. يعطيك العااافية على هذه النصيحة .. صح لازم الوحدة ما تذكر غيرها سواء في الخير او الشر ..
كراميل .. يعطيك العاافية .. الله يسعد صديقتك وتنتبه لحياتها ..

[عطور2004]

حناين موضوع جميل

وكلام سيده صح جدا جدا لا خير ولا شر

يعطيكم العافيه

[حناين]

يعطيك العااافية .. اخت عطور

[سندس الشرق]

طيب والي متعودة تسولف كل شي عند رجلها شلون تقدر تغير نفسها وهل هذا غلط بالحياة الزوجيه

[حناين]

شو رايك انت ؟؟؟؟

[كويتية صغيرة]

خصوصا الأخوات (اخواتك) لا تتكلمين عنهم امام زوجك
لأنهم قراب كثير منك
وكلما تحدثت عنهم كلما قارن بينك و بينهم
فما بالك بالصديقات
و هناك كلمة اهمسها في اذن كل امرأة
ترى الصديقة مهما قويت صداقتك معها تظل امرأة غريبة و ليست من اهلك
فلا تجعليها كأنها واحدة من اهلك حتى لا تندمي في النهاية
و لا تخبري صديقتك عن ما يحصل بينك و بين زوجك حتى لو امور عادية ... الشيطان شاطر

[حناين]

صح كلامك كويتية .. ويعطيك ربي العااافية ..

[عالم الأحزان]

جزاكم الله خير علىهالنصايح و الموضوع الرائع..

وحبيت أقول لج يا بنت هضاب نجد لا تعودين نفسج بأن تقولي لزوجج كل شي لأنه عقب بعايرج و يتطنز عليج.. و تصير مشاكل ما لها اول من آخر..
أنا كنت بهالشكل أقول لحبيب القلب كل شي لين ما كبرت مشاكلنا و صار بيننا حاجز كبير أما الحين و الله ما أقوله شي بالمرة...

[عالم الأحزان]

وحبيت أضيف شي بعد..
زوجي حريص بالمرة على ذكر ربعه و الشباب يدامي ... و لو بقول أي شي ما يذكر إسمهم ...
ولو سألته على الإسم ..... قال لي ما يخصك ... انتي تبين تعرفين السالفة أو الريال ؟؟؟؟؟؟؟