كتبت بواسطة
المغتربه..
السلام عليكم ورحمة الله وبركاته
شلونكم ياحبيباتي وش اخبااركم .. تخيلوا انكم امهاات !! انا عن نفسي ماراح اتخيل لاني اصلا ( أم )
بس رح اتخيل وياكم ان عندنا بنات كبااار !!
يعني بنات حلوات بسن المراهقه !
شلون راح نتعامل معاهم ؟
اولا : من ناحية الجوال
.. هل في يوم لو ربي رزقك ببنت حلوه وكبرت وصارت بسن المراهقه يعني من 14 ل 20 او لييين ماتتزوجح .. من غير تحديد عمر .. هل راح تسلمينها جوال بايدهاا ؟؟ يكون لها ملكهاا ؟؟؟
انا قلكم رايي .. مستحيييييييل !!
اي نعم .. مستحيل اسلم بنتي جوال بايدها ملكها .. لو تفرفر قدامي ! السالفه مو سالفة ثقه ولا غير ثقه ..
لا .. الشيطااان شاااطر .. والدنيا تخووووف !! والبلاوي تكثر .. والزمان الجاي بعد بيكون اصعب وكل شي ينذر بالخطر .. وانا احب بنتي واخاف عليها ..
((وحده مصدقه ان عندها بنت !! )) هههههههه
وان كان على سالفة ضروري ولا مو ضروري .. الضروري هذا رح يكون معدوود .. وهالمرات المعدوده ممكن اعطيها جوالي ولا جوال ابوها ..
ووقت مايخلص هالضروري يرجع الجوال !
انا هذا رايي بالنسبه للجوال ..
الشي الثاني : الانترنت :
نفس الشي مع بنتك .. هل راح تخلين بغرفتها كامبيوتر وانترنت !!
ولا تخلينها تقعد على الانترنت ساعات وساعات وانتي مو داريه وش تسوي !!
كل مافي السالفه انك واثقه فيها وبس !
اقلكم رايي .. مستحييييييل اخلي انترنت بغرفة بنتي ..
(( بتقولين الله يعين بناتك بتعقدينهم ))
ماعلينا .. لا انشالله مو متعقدين لاني بعوضهم .. وبعد شوي بقلكم شلون بعوضهم ..
المهم اني ماراح اخلي انترنت بالغرفه .. ممكن كامبيوتر .. ايه .. تحوس فيه وتخبط فيه الليل والنهار ..
انا صراحه كان عندي كامبيوتر بغرفتي .. كنت استفيييييييد مررررره منه ومن البرامج
وكنت اعشق الوورد احوس فيه واكتب واطبع ..
اما الانترنت .. رح يكون موجود اكيد ببيتي لاني انا وزوجي نحتااجه .. ورح يكون بالصاله ..
قدام الرايح والجاي والمار والقاعد وامام عيون الجميييع ..
تقولي مو مرتااحه .. منزعجه .. اقلها .. عساك ماقعدتي .. قومي اجل لا تشغلين الخط !
برضه لنفس الاسباب .. الانترنت بحير عمييق .. لا والله محيط .. واحنا كاالسفن فيه .. وانا ما اضمن بنتي
انها تجيد التجديف بالمحيط !! .. وحتى لو كانت فناانه تجديف .. مااضمن الامواج القويه ولا العواصف البحريه
هذي الاشياء ما يقدر عليها اكبر فنان قااائد سفن .. وياما بالانترنت .. امواااج وعواصف شريه مخيفه
ووالله اخاف على بنتي تظيع مني .. (( قلتلكم وحده مصدقه ))
الشي الثالث .. الصديقاات ..
هل انتي ستسمحين لبنتك انها تروح وتجي مع صديقاتها زي ماتبي !!
نتوقف شوي عند هذي النقطه ..
انا عن نفسي عندي صنفين من الصديقات من ولى ابتدائي .. وامهاتنا تعرفوا على بعض من ايام التسجيل في المدرسه ..واباائنا نفس الشي جمعت بينهم الايام وتعارفوا ..
صديقاتي ذولا بس .. هم اللي كانوا اهلي يسمحونلي اروحلهم دااايم .. وكانوا احيانا يوافقون نطلع سوا شرط اذا كانت فيه ام مرافقتنا بالطلعه ..
اما الصديقاات الصنف الثاني اللي جمعت بيننا ظروف ومواقف .. انا لا انكر ان اهلي كذلك كانوا يسمحولي بالذهاب اليهم .. ولكن ليس بكثره مثل صديقات الطفوله ..
وانا لما اقول كثره اقصد اسبوعيا ..!!!!!
والحمدلله ربي حمانا وحفظنا من اي مكروه وبلاوي ...
اما انا وش بسوي مع بنتي .. رح ااخذ من اللي كانوا يسوونه اهلي معي مع الصنفين من الصديقاات
يعني رح ااخذ من الصنف الاول : انها ماتروح الا لصديقات انا اعرف امهاتهم زييييين واهلهم وبيئتهم وتصرفاتهم ودينهم واخلاقهم وووووووو الخ
ومن الصنف الثاني .. انهم مو بكثره !!
ودي اعود بنتي تركد بالبيت .. لاتسير زي امها مصفوقه .. ما اقدر اقعد اسبوع على بعضه بالبيت الا امرض
واعصب وشوي وانتحر .. (( مبالغه ترا ))
غير على اني ابيها تحس بطعم الطلعه وتستانس .. والله انا كثر ما اطلع صرت أمل ..
وابيها بعد تحت عيني ومعي وتتعود انها تطلع مع امها اكثر شي ..
هــــــذاا رايــــــــــي ..
نجي لشلوون اعوضها ..
اولا .. من ناحية اللبس .. تلبس اللي تبي وباي مكان .. ايه .. انا ما اشوف ان فيها شي .. لو وش تبي تلبس
اهم شي مايخاف شرع الله ..
انا امي كانت .. ماتخلينا نشري لبس لين نحلل اللي عندنا .. انا لا والله بخليها تلبس وتجدد وتكشخ وتجخ قدام الكل زي ماتبي .. ابي الكل يمدح لبسها ويتأمل كشختها وجمالها ..
المكياج بعد .. انا اشوف انه عادي .. يعني بنتي عمرها 14 سنه تحط مكياج .. عادي ..
انا ماراح اناديها واحطلها ..
لا بس لو هي اشتهت .. ماعندي اي مااانع .. مادام مافيه شي يخالف شرع الله ولا ياثر على اخلاقها ودينها
بخليها تسوي اللي تبي ..
تعزم صديقاتها بالبيت .. تسوي حفلات بالبيت .. وبالعكس يمكن ازبطلها البيت احسن من انه لو بيجيني ناس لي انا وراح اجبلها كيكه من احسن محل وابسطها باللي تبي يوم الحفله ..
وافتحلها اجمل صالون بالبيت تستقبل فيه صديقاتها ..
يعني شغلات زي كذا .. بس اكون داريه عنها وامام نظري
هذا هي اراائي ... ويالله هاتوا اراااائكم .. خلونا نتناقش يمكن يكون كلامي فيه شي غلط .. واستفيد منكم ..
اما انا اوافقج على كل اللي تقولينه >>موضوع حلو لنقاش ..
الروابط المفضلة