السلام عليكم و رحمة الله و بركاته
بنات انا جايبالكم و صفة قديمة و متوارثة عبر الأجيال و نتايجها أكيدة باذن الله
الخلطة صعبة شوية فى تحضيرها و ريحتها أثناء التحضير نفاذة شوية بس انا توصلت لطريقة حلوة تخلى ريحتها مقبولة اثناء التطبيق و ممكن تحضريها و تسيبيها فى الثلاجة ان شالله سنة
المقادير: نخاع بقرى من عند الجزار و ممكن الجرار يكسرلك العظم و ينظفهولك بنجيبه و نحطه زى ما هو فى حلة على النار بس من غير حاجة
لحد ما تسيح زى السمنة معهلش هى دى الخطوة اللى فيها يعنى ريحة وحشة بس استحملوا شوية
هتلاقى حاجات كده عاملة زى الدهن المحروق ما تهتميش
المهم يسيح النخاع بعدين نسيبه يبرد شوية
بصفيه كويس بواسطة شاشة هيطلع عامل زى الزيت
فى الوقت ده نحضر خلطة عبارة عن زيت برافين و زيت زيتون و زيت لوز و نفضى فيها كبسولات زنك (فيتامين)من الصيدليةو معاه كبسولة فيتامين أ و نحطهم على النخاع بعد ما يبرد
انتبهوا لازم يبرد لان فيتاميت ا بيتكسر بالحرارة و بعدين نجيب شوية ماء و نفلبهم مع الخليط
و نضيف أى زيت عطرى تحبوه_زيت فل - لافندر_زيت ورد ) 10 نقط هيطلع عندكم خليط عامل زى السمنة فى شكله و قوامه المهم ده ممكن ينساب فى التلاجة سنة و ما يحصلوش حاجة يستعمل زى اى حمام زيت عادى مرتين فى الاسبوع على فروة الرأس بس و يغطى بالنايلون لمدة 3 ساعات
انا جربت الوصفة دى ما كانش بيقع من شعرى شعراية واحدة حتى اثناء الغسيل بجد صدقونى
الروابط المفضلة