................. ................
مساء الاطفال ... مساء طفولي .. مساء البراءة ..
ومساء الفرح .. والضحك والابتسامه
مساء غير .. اليوم غير ... لاننا بنكون أطفال
بنسبح بخيالنا في هالعالم شوي .... بنحرك الطفوله اللي بداخلنا واللي كلنا مقيدينها
ايام اول يوم كنا صغار ... يوم كنا نضحك .. ونفرح ... ونلعب ...غيــــر ... كان كل شئ غير
كبرنا وكبرت همومنا ... وكبرت جروحنا .... وكبرت ابتسامتنا وضحكتنا ... وسوالفنا كبرت
لكن يضل هناك نفس الطفل
اللي جوانا فيه قلوب اطفال لازالت بداخلنا
فيه احساس اطفال لازال بداخلنا
أول كنا نفرح بوم كنا نطلع من البيت ونركب السيارة بنطييير من الفرحة عشانا أكيد بنمر عالبقاله وإن مامرينا بنروح لناس
كنا نستانس لما نشتري حلاو .. وعسكريم ....
لكن الحين وش بيرضينا ... كبرنا وصرنا ناكل غير !!
أيام كنا صغار كنا نفرح بالبنس الملونه والفراشات
ودي نرجع نلبسها مثل أولودي بالمريول والابه
ودي بالمطّاره
ودي بقلم رصاص الملون
ودي بكراسة ارسم فيها
ودي بالدفتر وفيه كم من نجمه من الابله
ودي وودي وودي !!
ودي العب ودي اتكلم ولا احد ياخذ على كلامي ولا احد يحاسبني لاني طفلة !!
ودي بلعبتي عروستي العبها وتونسي اسولف معها !!
ودي وودي وودي !!
ودي اروح مع امي العصر لما تروح للجيران واستانس بالروحة معها !!
ودي لما نشوف سيارة الا يسكريم جاية نركض حولها ونوقفها ونطلب اللي نبي !!
لما يجي المطر نلعب فيه مثل ماكنا نلعب اول .. نستانس فيه
هالشئ لازال فينا ينزل المطر يغسل همومنا وجروحنا وتحيا قلوبنا من جديد
اكيد تذكرون الجرس لما يرن للفسحة ايش كنا نقول .. فسحة فسحة واللي .....
تذكرون البلونات ووناستنا فيها !!
تذكرون هاللعبه !!
تذكرون !!!
تذكرون ايام الكمبيوتر .. شوفوا هاللعبه واكيد بتذكرونها .. كنت احبها حيل انا واختي .. كنا نبلط عالكمبيتور ويصير هواش وحوسه
بس الا نلعب وكنا نستاانس رغم اننا اوقات نبكي أذا احد منعنا أو اخذه مننا من اخواني الكبار
تذكرون كيف كنا نزعل وتضيق صدورنا لما مانحل الواجب !!
في داخلي وفي داخلكم قلوب اطفال
احاسيس مدفونه
ودها تطلع لكن اللي حولك يجبرونك على اخفاءها
أكيد ودكم والا انا بس اللي ودي
اعطونا انفاس طفولة قلوبكم
ودمتن بقلوب أطفال
شفت الموضوع في احد المنتديات وحرّك فيني احساس الطفوله فقمت كتبت باسلوبي
لان كل انسانه راح تعبر باسلوبها
يعني الفكره ملطوشه وكمان الصور بس والله لانها حيل عجبتني وحركت قلب الطفوله اللي بداخلي وحركت ذكرياتي الله يسعد اللي كتبته من جد كان اسلوبها أروع من أسلوبي !!
وودي اعرف نفس الطفولة اللي داخلكم
الله لو نعيش بقلوب اطفال ... صحيح كل مرحلة لها روعتها بس الطفولة غير الله يطيل في أعمارنا على طاعته وحسن عبادته يارب
لكن ودي
ليست الطفولة الضائعة بل الطفولة الرائعة !!
الروابط المفضلة