السلام عليكم و رحمة الله و بركاته
أخواتي الأمهات العزيزات
مساكم فل و ياسمين
قبل بداية موضوعي حبيت اقولكم
اني ابني اليوم تم سنة من عمره
على طاعة الرحمن قولوا أمين فحبيت طبعا اشيكه و ادلعه
و قررت احممه و البسه ملابس جديدة
بس فجأة أذكرت معاناتي معاه لما أجي أحممه
صراخ و بكاء و خوف من الماء
و المشكلة الثانية إني كنت ابغى أخلص من تحميمه في أسرع وقت ممكن
حتى أتمكن من انهاء شغل البيت
المهم بعدين فكرت وقلت لنفسي ايه يعني حيصير لو أجلت عمل الغداء و لو لدقائق قليلة و امهد لحمودي شوي شوي و أخلى حمامه سعيد ولو اليوم بس
المهم هو لما شافني بأقلع له ملابسه بدأ يبكي بعدين هديت عليه و صرت أتكلم معاه كطفل كبير و حملته في يدي و صرت اكلمه و أقول له يلا حبيبي نجهز ملابسك الحلوة الجديدة النظيفة عشان تتحمم و تصير حلو و نظيف شوي شوي حسيت أنه هدي
بعدين رحت معاه عند العابه و أخذتكورتين و أعطيته هي و قلت له يلا عالحمام
هو كان يبغى يبكي بش انشغل بالكور
و مليت البانيو وانا مو مصدقة انه لسه ما بيبكي المهم
حطيته في البانيو ومعاه الكور و صار يلعب و مبسوط وانا سعيدة جدا لأن اول مرة احممه من دون ما يبكي المهم خلصنا ورحنا لبسنا وسرحنا ورضعنا و نمنا
انتهت حكاية حمودي مع الحمام
بس الهدف من كتابة الموضوع مو اني اطلعكم على طريقة الحمام لأن أكيد انكم كلكم عارفين الكلام دا
بس الهدف هو إن الأم الذكية الفطنة عليها أنها تنوع في الأساليب مع طفلها و تحاول تجرب أكثر من طريقة في تحبيبطفلها أي شيء يخاف منه أو يكره سواء في الحمام أو في ألاكل أو في الألعاب أوحتى النوم
و انها تتنازل شوي عن أي حاجة ثانية ولا تخلي اهتمامها بطفلها من الأشياء الثانوية بل من الضروريات .
اتمنى انكم تفاعلتم مع تجربتي و اشكركم عالمرور
حبي لكم
الروابط المفضلة