الله يجزاها الخير الي بتحل لي مشكلتي والله تعباااانه حييل

[زيزنوف]

ياناس الله يخليكم ساعدوني .. والله اني بحيره ونفسيه تعبااااااانه جدا لدرجه اني صرته اهاوش اي احد اشوفه

مشكلتي اني كشفت زوجي كذا مره انه يشوف افلام اباحيه صارحته وجحد قال تبع خويه هوه الي يرسلهم له من دون مايطلبه
على العموم انا قفلت على الموضوع لاني عرفت مابيدي شي اسويه لاني شفت بايميله الي اعرف رقمه السري اشياااااء واجد من الي شفته قبل
فقلت يالله ربي فوقه واهوه الي بيحاسبه مابخرب بيتي على مصخره زي كذا ..
على العموم المشكله مو بالافلام المشكله اني اكتشفت انه يخونني مع وحده ثانيه حسبي الله ونعم الوكيل والي قاهرني انه
يحبني موت ويبين بتصرفاته .. شلون عرفت ؟ اهنيه القصه الي تقهر وتقطع القلب
اظطر زوجي انه يسافر يدرس وكان ينتظر هالسفره من زمان والحمدلله جات بهذيك الايام كنت حامل بولدي الاول وصادف ولادتي تكون قبل دورته باسبوع فقط ماادري شلون تقبلت الوضع كنت نفااس وزوجي مو معي جلس شهرين تقريبا
عدا على عيد زواجنا واهوه مسافر فقلت بنفسي لازم اشتري له هديه عشان هذاك اليوم افاجاءه يعني زي اي زوجه تحب زوجها وتحب تهديه.. اهديته موبايل جديد .. رد زوجي من السفر وراويته هديته واستناس عليها واايد واهنيه اظطر انه يغير موبايله الاول
وقط القديم بالدولاب .. صادف يوم جهازي كان خربان فاظطريت ااخذ موبايله الاول .. اهنيه كانت الصدمه
فتحت الموبايل وشفت رسائل غريبه باللغه الانجليزيه قريتهم وانصدمت من الكلام الي مكتوب
رسااائل حب وغرام مع وحده مسميها نواف انا انجنيت تقوله بالكلام الي مكتوب ..وينك عيوني انتظرك على المسنجر .. ويردلها هلين حبيبتى انتي بالبيت وترد عليه تقوله ايه انا على فراشي الحين بس انا هنا عشانك ويرد لها يالله ياعسل انا متصل الان
رجعت ادق على الرقم يعطيني الرقم خطاء ودي اكلمها والعن شكلها ياعالم حسبي الله ونعم الوكيل فيها خرابت البيوت
تخيلو انا دوبني اشوف هالكلام من بعد سفرته الي مر عليها ثلاث سنين تقريبا حسيت كلشي تقفل بوجهي اهوه الحين مسافر
يدرس طيران ومتاكده انه راح يدرس مدتها شهرونص والحمدلله راح مع خويه ملتزم مرررررره فعشان كذا ماني خايفه عليه
ماادري ايش اسوي احس اني اني كنت مخدوعه يانااااااس المشكله ودي اكلمه بس قاعده اقول في نفسي مو فاضي لها السوالف
وانا الحين عند اهلي اخاف اكلمه ينفجر فيني هوه عصبي مررررررره ومايعرف يتفاهم بسهوله واخاف يقول كلام ماله داعي ويقولي جلسي ببيت اهلك والله مدري شسوي ودي ابقى ساكته لانها سالفه من ثلاث سنين تقريبا واخلي الموبايل دليل على الي سواه لبعدين الواحد مايدري وش يخبي له الزمن ..انتم ايش رايكم الله يخليكم ابي مساعدتكم

الله يجزاها الخير الي بتحل لي مشكلتي ..

[ازهار الامل]

الله يفرج همك يازيزنوف ويسعدك سعادة دائمه يارب ان شاء الله مايبخلوا عليك
بالنصائح الي متزوجات يفيدوك اكثر مني لانهم اعرف بهذي الامور بس انا حبيت
ادعيلك ولاتنسي الدعاء والاستغفار ياقلبي



استغفر الله الذي لا اله الا هو الحي القيوم واتوب اليه

[wafa_redrose]

عزيزتي ..
انا حاسة فيك وفي اللي انتي فيه ..وعارفة ان موقفك مش سهل والطعنة من الزوج اصعب شيء في الدنيا خصوصا لما زوجك يصغر في عينك ..
حبيبتي انتي عندك منه اطفال ...وسبق وقلتي انك ما تخربي بيتك على مثل هالمسخرة ..
رايي انك تنتظري انك ترجعي بيتك ..وتنظري لما يكون هادي ورايق ..وتتكلمي معاه في هدوء انك تحبيه وخلصة له طول العمر وتتمني ان يكون هو مخلص لك ..تكلمي بصفة عامة ولا توضحي له انك عارفة شيء ..
وخليك انتي الراقية والمترفعة ..وتقربي من الله سبحانه وتعالى ..بالصلاة والقيام والقران والذكر والدعاء والاستغفار بنية ان يهديه الله ويصلح الحال بينكم ..
وصدقيني عزيزتي ممكن تكون المراة اللي عرفها في لحظة نزوة ..خصوصا انه مستمر معك مدة 3 سنوات يعني لو ماكان يحبك ماكان استمر معك هالفترة وكان يعرف غيرك..
الله يصلح زوجك ويهديه ..
بس نصيحتي تخلي جو البيت ايماني وبالتدريج ..يعني هو يشوفك تصلي الوقت بوقته ..تلغي الاغاني والمسلسلات والافلام الهابطة ..
تحرصي على الاحتشام والعفة في لبسك ومظهرك ..وتغرقيه بالفتنة والاغراء في بيتك ..يعني تحسسيه بطعم الحلال الحلو ..وخليه يحس الفرق بينك وبين الوسخات اللي عرفهم وشافهم ..وصدقيني لو ماكان عارف ما كنتو استمريتو طول هالفترة..
سامحيني طولت عليك ..
بس رايي انك تكافحي على استعادة زوجك ..وتخلي هدفك انك تهديه للصراط المستقيم ..
ورايي لا تخليه يسافر بروحه مرة اخرى لو كانت المدة طويلة ..لان الغربة والوحدة تحط الرجل في لحظات ضعف..

[\مسك\]

عزيزتي زيزنوف:
هالرساله اللي تقولي عليها لها ثلاث سنوات أنا من رأيي انك لا تفتحي القديم وتهدمين بيتك على شيْ فات وانتهى .........
نصيحه لوجه الله حاولي كتم غيضك واكثري من الاستغفار بنية ان يهدي الله زوجك ويترك هذه الأشياء.........وانتي قلتي انك متأكده من حبه لك واعتقد هذه حسنه تحسب له
هذا رأيي مع تمنياتي لك بحياة مستقره وهادئه

[زيزنوف]

الله يفرج همك يازيزنوف ويسعدك سعادة دائمه يارب ان شاء الله مايبخلوا عليك
بالنصائح الي متزوجات يفيدوك اكثر مني لانهم اعرف بهذي الامور بس انا حبيت
ادعيلك ولاتنسي الدعاء والاستغفار ياقلبي



استغفر الله الذي لا اله الا هو الحي القيوم واتوب اليه

مشكوره حبيبتي على المرور ومشكوره على الدعوه ربي ييسر لك يااااااااارب

[زيزنوف]

عزيزتي ..
انا حاسة فيك وفي اللي انتي فيه ..وعارفة ان موقفك مش سهل والطعنة من الزوج اصعب شيء في الدنيا خصوصا لما زوجك يصغر في عينك ..
حبيبتي انتي عندك منه اطفال ...وسبق وقلتي انك ما تخربي بيتك على مثل هالمسخرة ..
رايي انك تنتظري انك ترجعي بيتك ..وتنظري لما يكون هادي ورايق ..وتتكلمي معاه في هدوء انك تحبيه وخلصة له طول العمر وتتمني ان يكون هو مخلص لك ..تكلمي بصفة عامة ولا توضحي له انك عارفة شيء ..
وخليك انتي الراقية والمترفعة ..وتقربي من الله سبحانه وتعالى ..بالصلاة والقيام والقران والذكر والدعاء والاستغفار بنية ان يهديه الله ويصلح الحال بينكم ..
وصدقيني عزيزتي ممكن تكون المراة اللي عرفها في لحظة نزوة ..خصوصا انه مستمر معك مدة 3 سنوات يعني لو ماكان يحبك ماكان استمر معك هالفترة وكان يعرف غيرك..
الله يصلح زوجك ويهديه ..
بس نصيحتي تخلي جو البيت ايماني وبالتدريج ..يعني هو يشوفك تصلي الوقت بوقته ..تلغي الاغاني والمسلسلات والافلام الهابطة ..
تحرصي على الاحتشام والعفة في لبسك ومظهرك ..وتغرقيه بالفتنة والاغراء في بيتك ..يعني تحسسيه بطعم الحلال الحلو ..وخليه يحس الفرق بينك وبين الوسخات اللي عرفهم وشافهم ..وصدقيني لو ماكان عارف ما كنتو استمريتو طول هالفترة..
سامحيني طولت عليك ..
بس رايي انك تكافحي على استعادة زوجك ..وتخلي هدفك انك تهديه للصراط المستقيم ..
ورايي لا تخليه يسافر بروحه مرة اخرى لو كانت المدة طويلة ..لان الغربة والوحدة تحط الرجل في لحظات ضعف..

الله يشرح صدرك مثل ماشرحتي لي صدري بها الكلام الحلو والله ريحتيني بكلامك
لاني فعلا مابي اخرب بيتي وان شاءالله احاول اطبق الي قلتي لي عليه مشكوره عزيزتي

[loloblo]

السالفه قديمه وما تحتاج انك تفتحين الموضوع

والحمد لله انه مسافر مع صديقه الملتزم وان شاء الله يأثر عليه..وما يخربط مثل قبل

هم يسوون هالسوالف لوناستهم ما يدرون بالتحطيم اللي يصير فينا

اهم شي ان السالفه قدييييييييييييييييييييييييييمه
وما تستدعي انك تفتحين موضوعها

وحتى لو انك على حق الكل راح يصير ضدك لانها من زمان صارت



الخوف لا هو اللي يأثر على صديقه ...هههههههههه

وبالتوفيق

[توتاتاتا]

السلام عليكم

انتي على فكرة متعبه حالك عالفاضي

الماضي راح ومايعود

يعني في احتمالات كثير ممكن يكون واحد من اصدقائه وكان يبعت منو رسايل

وحتى اذا كان زوجك وماشفتي عليه شي طيلة هالمدة خلاص

انسي وركزي فبكرة كنت اقولك عاتبيه لو في وقتها

بس 3 سنين تلاقيه مش فاكر امتى سافر

الله يهنيكم ولا تتعصبي

[taqwa 85]

اخيتى الكريمة انا عارفة الاحساس اللى انتى حاسة به بس نصيحة لو انتى حاسة ان الموضوع انتهى متتكلميش معاه فى اى موضوع بس ممكن تحتفظى بالموبايل وربنا يهدى ازوجنا وازواج المسلمين وكان فى اخت فى المنتدى قالت لى دعاء (ربى اكشف لى سره واصرف عنى شره) وربنا يبعد عنا بنات ابليس
وتمسكى بحقك ده زوجك انتى ودى دخيلة دافعى بكل قوة عن بيتتتتتك

[تاج77]

السالفه قديمه يعني لاتفتحين على نفسك باب ادعيله بالهدايه وخليك معاه