أخواتي الاعزاء في بعض منكم يمكن يكون عارفني انا كنت مشتركة في بعض حملات الرجيم هنا في المنتدى منها حملة الاخت العزيزة بيرو والاخت العزيزة ندى وفعلا كنت خسيت ولكن حصلت ظروف وللاسف مكملتش ومنقطعة تقريبا من 5 شهور وطبعا زدت تاني لاني لما بكون في مشكلة باكل الاخضر واليابس بس دلوقتي عندي حماس اني اكمل اللى بدأته وفكرت في فكرة حملة جديدة واللي عايزة تشترك معايا اهلا وسهلا بيها
بعد ولادتي الاولى كنت عملت رجيم مع دكتور ونقصت معاه 14 كيلو في شهرين وناوية امشي على نفس الرجيمات دي لانها كانت مناسبة لجسمي وهنزل ان شاء الله بياناتي بالليل عشان اكون وزنت واللي شايفة ان ممكن تكون الرجيمات دي مناسبة ليها هي كمان ياريت تشترك ونشجع بعض
الرجيم الاول كنت خسيت عليه 5.5 كيلو وهحاول اوصل لنفس الهدف دة ان شاء الله
البداية هتكون من بكرة ان شاء الله والميزان هيكون يوم الجمعة ان شاء اللهنظام غذائي لمدة اسبوع
اليوم الاول
الافطار 3 ملاعق فول + ثمرة خيار
الغذاء طبق خضار سوتيه
العشاء ثمرة فاكهة ( ماعدا الموز - المانجة - العنب - الباح - التين )اليوم الثاني
الافطار 3 ملاعق فول + ثمرة خيار
الغذاء طبق خضار سوتيه
العشاء 2 ثمرة خيار
اليوم الثالث
الافطار 3 ملاعق فول + ثمرة خيار
الغذاء طبق خضار سوتيه
العشاء 2خس
اليوم الرابع
الافطار 2 كوب زبادي بدون وش
الغذاء ربع فرخة + ثمرة خيار + 1خس
العشاء ثمرة فاكهة - ما عدا الممنوع منها
اليوم الخامس
الافطار 2 كوب زبادي بدون وش
الغذاء 3 ثمرات فاكهة ما عدا الممنوع
العشاء بيضة مسلوقة
اليوم السادس
الافطار 2 كوب زبادي بدون وش
الغذاء 3 ثمرات فاكهة ما عدا الممنوع
العشاء بيضة مسلوقة
اليوم السابع
الافطار بيضة مسلوقة
الغذاء طبق خضار سوتيه
العشاء بيضة مسلوقة
وهنلتزم ان شاء الله بالدخول وكتابة اليوميات على الاقل مرة في اليوم والرياضة نص ساعة في اليوم وشرب الماء على الاقل 8 كوبايات وياريت اكتر
الروابط المفضلة