مسااكم فل وعنبر
وصباحكم ورد ومسك
كيكة الشطرنج سبق وقدمتها مرتين لكن للاسف الصور أختفت في الموضوعين
مع العلم انا منزلاه في موقع اخر ومازالت الصور موجوده
ما علينا هذه الكيكه للاخوات الي راسلوني وطلبوا شرح بالصور لاطريقة أعدادها
طبعا للاخوات الي ما عندهم قالب الكيكة الخاص
وهذا هو شكل القالب الخاص يعني اذا شفتيه بالسوق اشتريه رأسا لا تفكري كتير لشو هذا الشيء
نبدأ وصفتنا لليوم بسم الله
طبعا الكيكة عبارة عن الكيكة الاسفنجه تنتين وحده بيضاء بالحليب والتانيه سوداء بالكاكاو
المقادير:-
2كوب طحين
نصف كوب زيت
2 حبة بيض
6 ملاعق حليب "ولكيكة الكاكاو بنستبدل الحليب بالكاكاو 6 ملاعق ايضا"
250 غرام لبن رايب "روب"
كوب ألا ربع سكر
ملعقة فانيلا
2ملعقه بكم باودر
نصف كوب عصير فاكه
للزينه:-
2 ظرف كريما دريم ويب على فانيلا
2ظرف كريما دريم ويب على شوكولا
فاكهه حسب الرغبه انااستخدمت الكيوي والمانجا
حبات قليله من الرمان
طبعا هاي مقادير كيكة وحده واحنا بدنا نعمل كيكتين فبنضرب المقادير بتنين
الطريقه:_
بنحضر الكيك بالطريقه العاديه المتعارف عليها في صينيتان من نفس الحجم وبنتركهم حتى يبردوا
بس يبردوا بدنا نقطعهم الى حلقات دائريه انا هون استخدمت الي متوافر عندي بالمطبخ عبارة عن صحون الاكل العاديه حطيتها على الكيكه انا قطعت كل كيكه الى خمس حلقات متل الصوره بقطع الكيك بحيث تكون حلقه كبيره فاصغر فاصغر وهيك للنهايه
لتجميع الكيك بنحتاج 2 بكيت دريم وب مخفوقات
انا اخذت الحلقه الكبيرة للكيكه السوده في البدايه ودهنتها من الداخل بالكريما وبعدين ادخلت فيها الحلقه البيضاء ودهنتها كمان كريمه من الداخل وحلقه بعكس التانيه في اللون حتى انهيت اول طبقه
ينشرب الكيك بقليل من عصير الفاكه مقدار نصف كوب فقط وبندهن كريما على وجه الطبقه الاولى بس بنراعي انها تكون طبقه خفيفه
هلأ تاني طبقه بالعكس الابيض اول بعدين الاسود وبعدين الابيض ولا ننسى انه ندهن الحلقات من الداخل بالكريما حتى تتماسك مع بعض وهيك حتى انهيت الطبقه الثانيه أنا أعملت فقط طبقتين وانتي ممكن حسب رغبتك تعملي اكتر من طبقتين تلات اربعه متل مابتحبي
لتغليف القالب بدنا كمان 2 ظرف دريم وب على كاكاو او شوكولا بنلبس القالب من الخارج جيدا وبنبدأ بالتزين حسب الرغبه طبعا
الرجاء عدم الرد
الروابط المفضلة