احمـ احمـ ....
راح أبدأ أنا ... : )
أنا في المدرسة طبعي حيل حيل هادية ... ما اتكلم إلا إذا أحد كلمني ..
حيل حيل حيل استحي من كل الناس >> خجولة الأخت خخخ
بس دايم ابتسم و عشان جذي الكل يسولف معاي و لو كم كلمة و يبعدون
احمـ احمـ
أذكر مرة كنت جالسة بروحي في الصف بين الحصص ..
و البنت اللي قاعدة جدامي تسولف مع وحدة غير ..
و في وحدة من الطالبات عطت حق اللي تقعد جدامي بروشور دعوي عن بر الوالدين ..
البنت اللي أخذت البروشور حيل حيل شكرت اللي عطتها أكثر من كافي يعني هع بس عاد موب حد المبالغة
فالبنت اللي توزع بروشورات فرحت حيل ..
عقب ما راحت قالت البنت للي أخذت البروشور ..
( شدعوة تشكرينها لهالدرجة .. أكيد محصلته من مكان و معطته لج .. شنو هذا ! )
و قامت تضحك عليها ..
البنت جاوبتها ..
( أنا ما يهمني من وين البنت جابت البرووشور و لو كانت محصلته بالشارع المهم هي فكرت فيني و عطتني و اصلا انا ما شكرتها عشان هالسبب انا شكرتها عشان هي تفرح و آخذ انا اجر )
حيل حيل حيل عجبتني بـ ردها !
حسيتها فعلا مخلصة لله !
شوفوا كيف ضربت عصفورين بحجر ..
هي أسعدت اللي توزع بروشورات و كسبتها و بنفس الوقت أخذت أجر
سبحان الله صج الكلمة الطيبة لها مكانة !
و تعلمت منها درس مهم فعلاً .. و أتمنى تكون الفايدة وصلت !
بانتظاركن ،، : )
الروابط المفضلة