الكنافه خطوه خطوه
كيفكم يا حلوين وحشتوني
مع بداية الشتاء حبيت اقلكم طريقة الكنافه بيسموها مميزه فعلا كل من اكلها عندي
وكمان صاروا يطلبوها دايما ضيوفي والله ما اعزها عليكم اتفضلوا
المقادير
لفة كنافه شعر مجمده او كيلو من كنافة الفرن
كميه من السمنه والزبده
علبة قشطه .....2 كوب حليب سائل محلول فيه 4 ملاعق حليب ناشف .........ملعقة طحين .........ملعقتين نشا ..
كوب جبنه موزاريللا
الطريقه
هاتي صينيه حجم وسط او اكبر شويه صغيره
ادهنيها مزبوط زبده وسمنه يعني كميه كبيره تغطي قاع الصينيه تماما
افرمي الكنافه بالسكينه او افركيها وهي مجمده شويه الى ان يصبح الشعر مقطع شوي
حطي تقريبا ثلاثة ارباع الكميه (ممكن يكون الكيلو كتير عالصينيه )انت بالنظر حطي الكنافه بالصينيه وخلي للوجه شويه مش كتير
يعني الطبقه اللي في القاع اكتر لازم
المهم اضغطي الكنافه بايدك في الصينيه جامد
ابداي بتحضير الحشوه
في طنجره لا تلتصق حطي الحليب مع الطحين والنشا وملقة سكر ورشة فانيليا للي بيحب
حركي باستمرار لما يغلي طفي النار وبسرعه حطي الجبنه والقشطه وحركيها كلها
ديريها فوق الكنافه
بس ابعدي عن حواف الصينيه شوي
خلص حطينا الحشوه الان رشي شوية شعر كنافه على الوجه يعني ما تكثري الشعر
دخليها الفرن على نار حاميه لما يحمر القاع ارفعيها لفوق حمري الوجه شويه يا دوب ما تنشفيه
طلعيها من الفرن واقلبيها في صينيه اكبر
بتكوني محضره القطر (الشيره ) وبارد اللي هو 3 اكواب كبيره سكر و4 اكواب ماء وعصرة نص ليمونه
انا باسويه دايما هيك ما بيكون تقيل كتير
المهم ديري القطر عليها اغمريها واتركيها وبعدين رشي عليها شوية فستق حلبي مطحون
وقطعي وصحه وعافيه وهاي الصوره وانتم احكموا
الروابط المفضلة