₪ متميز ₪اليوم اخترعت هالماسك وطلع روعة بجد تعالو شاركوني ...

**سوسو1983** · 14-07-2009, 10:43 PM

حابة اليوم اطرح موضوع ضمن حملة صيفنا ابداع

لافيدكم في هالصيف وافيد بشراتكم الجميلة

وعشان اضيف اشي مفيد للحملة

اليوم قرات موضوع الاخت الي عملت ماسك الارز

وقبلها شفت ماسك الجزر للترطيب

ويعني قلت في عقلي اعمل ماسك حلو يجمع اكتر من فائدة

المكونات

جزر مسلوق مهروس بالخلاط :: فوائد الجزر مغذي ومرطب للبشرة و منقي ومصفي لها و في مواد مضادة للاكسدة وعفكرة انا قرات وسمعت معلومة انو فوائد الجزر بتطلع بعد الطبخ اكتر من الفوائد الي قبل الطبخ

ارز مطحون ::: يشد ويفتح البشرة بسبب انو محتوي عالنشا الي بفتح وبشد

2 كبسولة فيتامين E ::: رائع جدا للبشرة حتى لو استخدمتيه لحالو يغذي البشرة و يمنع التجاعيد ويمنع تاكسد البشرة ويعطيها رونق ونضارة

عسل ::: يشد البشرة يمنع التجاعيد ويغذيها طبعا

بضع قطرات زيت زيتون ::: مرطب ومغذي وفيه كل اشي رائع طبعا بيحمي من التجاعيد و مهدئ للبشرة

الطريقة :::

انا عملت لابني وجبة الغداء كانت جزر مسلوق وبحطلو معاه شوية رز مطحون

بعد مخلطتو اخدت شوي

وضعته في التلاجة يبرد شوي احسن عشان بنعش البشرة

وبعدين طلعتو وضعت شوي رز مطحون زيادة و شوية عسل ملعقة يمكن وبضع قطرات زيت الزيتون و فتحت الكبسولات

خلطت الجميع وطلع النتيجة النهائية هادا الشكل

طبعا قشرت بشرتي انا عندي هادا المقشر
شبهو لكن مكتوب عليه للتفتيح هاي الصورة جبتها من النت للسرعة

انصحكم فيه لانو كتير حلو برضو

لكن احيانا اشتري ماسكات ومقشرات من ماركة بيزلين
هية ماركة حلوة في اشياء ومش حلوة في اشياء

جربت اغلب ماسكاتها ومقشراتها صراحة تحفة جدا جدا جدا ومرطب الشفاه اكتر من رائع

انا بنصحكم بالمقشرات والماسكات كلهم الي بكونو زي الصورة في كيس زي هيك

من تجربتي

المهم انو اليوم استعملت هادا المقشر

صنفرة للتفتيح

هي صورتو معلش غير واضحة بسبب الاضاءة

وصراحة انو عنجد بفتح بس تغسلي المقشر بتلاقي وشك منور و مفتح غير شكل ماشاءالله

طريقتو اني ببلل وشي شوي وبمد المقشر عليه وبتركو بس ينشف بفركو وبمسحو بقطنة وبكمل بالغسيل

بعدين غسلت وشي بمية دافي يميل للسخونة ليفتح المسام

وحطيت الماسك الي عملتو يمكن نص ساعة

بعدين غسلتو ومسحتو بقطن لانو الجزر يترك لون وكررت المسح بعدين بقطنة حطيت مية ورد متلللح وبارد جدا ومسحت الوجه كلو
ماتغسلي بالصابون ابدا ابدا ابدا عشان ماتروح فوائد الماسك بس ضلك امسحي بمية ورد بقطنة واللون حيروح بسرعة ماتخافي

والنتيجة كانت

واو واو وااااااااو

حسيت بنضارة حقيقية بالبشرة ومنور الوش وصافي وعنجد فرق كبير

وحيست بشرتي بتلمع هيك انو صحية وجميلة ماشاءالله لاقوة إلا بالله تبارك الله

الاماكن الجافة في بشرتي الي بتحسو فيها زي القشور او الشوائب راحت ماشاءالله

حسيت البشرة هادية ومروقة وعنجد متغذية كويس المسكينة كاينة جعانة ههههه

واتمنى يكون الماسك اعجبكو وان شاءالله الجميع يبدا يخترع ماسكات فكرة حلوة وابداع بدون نقل

بكرة المنتديات التانية بتنقل منا اختراعاتنا

دعواتكم الي

**سوسو في امريكاء** · 14-07-2009, 10:46 PM

يسعدني اني اكون اول وحده ترد عليك
يسلموووووووووووووووووووووووووووووووووو
حبيبتييييييييييييييييييييييييييييييييييييييييييييي يييييي

**سوسو1983** · 14-07-2009, 10:52 PM

اهلا حبيبتي سوسو انا اول مرة اعرف اني رحت امريكا

هههه

شكرا الك واهلا وسهلا جربيه وتعالي ردي مرة تانية ماشي؟

**shoshotharwat** · 14-07-2009, 10:57 PM

شكرا يا حبيبتى على الماسك وتسلم ايدك

**samsara** · 14-07-2009, 11:07 PM

يسلمو ايديكي حبيبتي
مشكورة

**رموز2** · 14-07-2009, 11:12 PM

سلمت يداك ياعسل على المجهود الرائع

**حره فوق رأس حر** · 14-07-2009, 11:12 PM

بسلمو وووووووووووووووووو

**لحن الغربة** · 14-07-2009, 11:41 PM

يسلمو سوسو والله بشرتي مرة حاستها مجهدة خصوصا حوالين عيوني مع اني بستخدم كريم بس ما نفع ان شاءالله اجرب وصفتك بس قوليلي الرز المطحون جاهز ولا انتي سويتيه

**سوسو1983** · 14-07-2009, 11:57 PM

اهلا وسهلا بنات شكرا للمرور وسعيدة بتفاعلكم

لحن الغربة
استعملي لعيونك الخيار يوميا روعة بكل معنى الكلمة ولبشرة الوش كمان
الرز المطحون شريتو من ايام الولادة عشان استعملو في نوع حلى للوالدة بس ماعملتو طبعا وضل عندي
بس انت عادي استعملي رز عادي اسلقيه مع الجزر واطحني كلو انا بستعملو لفهود عشان اخلصو لما يخلص حستعمل رز عادي وخلص

**ريهـــام ~** · 15-07-2009, 12:35 AM

وعليكم السلام ورحمة الله وبركاته

مشكوره حبيبتي على الماسك الحلو

وبأنتظار المزيد من ابداعك

:

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ₪ متميز ₪اليوم اخترعت هالماسك وطلع روعة بجد تعالو شاركوني ...

أدوات الموضوع

العرض