للبحث في شبكة لكِ النسائية:
|
اليوم بدرسنا حنشرح رمزين من رموز التنقيص لانها موجودة بمعظم الباترو نات او اغلبها وعنا رمز بينشغل بطريقتين جميل جدا
الرمز الاول نشاهده ببعض الغرز التخريم ويشتغل بالطريقة يلي بدي اشرحها وبطريقة ثانية والطريقة الثانية كمان بتنشغل بطريقة اخرى وحنشرحها بالطريقة الثانية السهلة
الطرييقة الاولى عبارة عن 3 غرز
منشتغل عدد من الغرز منسلت غرزة من السناررة اليسار على السنارة اليمين بدون شغل
بعد ما سلتنا الغرة مندخل السنارة اليمين بغرزتين من السنارة اليسار من الامام للخلف
بعدها منشتغل الغرزتين غرزة عدلة واحدة
ثم نرفع المسلوته فوقها
وهيدا شكل الغرزه يلي نقصناها
اما الطريقة الاخرى لعمل الرمز
منشتغل عدد من الادوار العدلة طبعا الادوار الخلفية مقلوب
منشتغل 5 غرز عدلة من اول الدور
الخطوة التالية منفلت غرزة من السنارة اليسار ثم من نفس الغرزة منفلت غرزتين الصور توضح الطريقة
الخطوة التالية نضع السنارة اليسار بالغرزة الاولى يلي ترركنها وبالخيطين الناتجين عن فلت الغرزتين من الامام للخلف فاصبحت الغرز على السنارة اليسار وبالسنارة اليمين مندخلها بالغرز من الامام للخلف كاننا عما نشتغل غرزة عدلة ومنرفع الخيط من الاسفل للاعلى ومنسحب الخيط من داخلهم على السنارة اليمين
طبعا شكل الغرزة هي يلي بتحددلنا طريقة عمل الرمز
الرمز الثاني نفس شرح الرمز الاول بس منشوفه كتير بالباترونات وخصوصا بنهاية عمل شكل ورقة الشجر
وبنفس الطريقة نسلت غرزة على السنارة اليمين من السنارة اليسار بدون شغل ثم مندخل
السنارة اليمين بغرزتين عدل من السنارةة اليسار من الامام للخلف ومنشتغلهم غرزة واحدة عدلة ثم نرفع المسلوته فوقها
وهيدا شكل الغرزة اذا نقصنا الغرز فوق بعضها وان شاء الله بتطبيق الباترونات حنطبف نفس الغرزة
اما الرمز الثالث وقلنا بنشغل بطريقتين
الطريقة الاولى بعد ما اشتغلنا عدد من الغرز نسلت غرزة من السنارة اليسار الى السنارة اليمين بدون شغل كانها غرزة عدلة
بعدها منشتغل 3 غرز عدل منفردة
صارت الغرز على السنارة اليمين بعدها نرفع الغرزة المسلوته فوق ال3 غرز العدل
والادوار الخلفية منشتغلها مقلوب حتى اللفةمنشتغلها مقلوب
وهيدا شكل الغرزة بعد ما كملت الدور منلاحظ انوا الغرزة موواضحة لانوا فيها تنقيص وما عوضنا هيدا النقص بغرزة اللفة المهم نتعلم طريقة الغرزة ولاواجب حبيبتنا ازولة رسمت بترون وعوضت عن التنقيص باللفة وانتوا حطبقوا الواجب وحتشوفوا الفرق وحتعجبكم الغرزة كتير
اما الطريقة الثانية بعد ما عملنا عدد من الغرز العدلة منسلت 3 غرز كانهم غرزعدلة على السنارة اليمين او ( مننقلهم بدون شغل )
بعدها منشتغل 3 غرز عدل منفردة
بعدها ندخل السنارة اليسار بالغرز الثلاثة يلي ما اشتغلناهم او يلي نقلناهم نقل بدون شغل
ثم منرفعهم فوق الغرز ال3 المشغولين
وبعد الانتهاء من الدور اصبح معنا هيدا الشكل
هيدي الطريقة ممكن تلاقوها صعبة شوي لما بدكن تسحبوا الغرز لذلك الواجب حنطبقوا على الطريقة الاولى
الواجب : بتعدوا الغرز بتعملوا دور عدل ودور مقلوب منسلت اول غرزة بدون شغل متل ما اتعودنا ومنشتغل غرزة عدلة منسلت غرزة كانها عدلة ومنشتغل 3 غرز عدلة ثم منرفع الغرزة المسلوته فووقهم الخيط للخلف منرجعوا للامام لعمل اللفة ثم منسلت غرزة كانها عدلة ومنشتغل 3 غرز عدلة ومنرفع الغرزة المسلوته فوقهم ومنكمل بنفس المبدا الدور الخلفي مقلوب مع اللفة
الخطوات
احبتي اذا نتهى معطم البنات من عمل الواجب وبقي معنا وقت حنتعلم عمل ورقة الشجر لانكم اتعلمتوا رموزها سابقا فشدوا حيلكم الدرس والواجب سهل بالتوفيق للجميع
ما شاء الله تبارك الرحمن
شرحك جميل يا غالية ربي يحفظك و يجعله في ميزان حسناتك ..
بالتوفيق لكل المشتركات ..
ماشاء الله يايبرودية شرحك واضح والرموز سهلة جدا والواجب بسيط جارى التنفيذ ان شاء الله
روووووووعة يايبرود الشرح وشكل الغرزة تحفة
تسلم الايادى ياحبيبتى
لى عودة بالتطبيق غدا ان شاء الله ( اليوم مشغولة كتير )
ما شاء الله الدرس حلوووو والشرح واضح
الله يعطيك العافية
ان شاء الله لي عودة بالتطبيق
السلام عليكم والرحمه
يعطيج العافيه يالغلا على الشرح الرائع ..
الغرزة وايد حلوه ....
وهذا تطبيقي ...ان شاء الله يكون صح
الروابط المفضلة